Sinonimlar| Tashvish

Tashvish, savdo, taraddud, g'am, qayg'u, sho'r, sho'rish. Ko'zlangan maqsad, ish yo'lidagi bezovtalik xatti-harakati, o'y-fikri.
Sho'r, sho'rish bu ma'noda juda kam qo'llanadi.

Sen borsan go'dajkar osuda uxlar, Sen borsan, qayliqlar to'y tashvishida. Sen borsan, daryolar bevaqt chayqalmas, Fayzi bor o'lkaning bahor, qishida. (Shuhrat)
Qiziq, qon bosimim pasayib ketib, uni davolatish tashvishida edim, uyga telefon tushirdim-u, kasaldan qutuldim.
Oshiqligin bizlar ham xo'p bilamiz, Tuxmat savdosidan bag'ri yaramiz. ("Erali va Sherali")
Bir yil bo'ldi, bizlar kelgan bu yerga, Na savdo, bilmaram, Bulg'or shaharda. ("Erali va Sherali")
Qushbegi Otabekning bu gaplaridan yaxshigina taraddudga tushgan edi... (A. Qodiriy)
Oyimxon opa ayvonga chiqdi, nimaningdir taraddudida edi. (P. Tursun)
Nurzoda... bahorda Ollaniyoz bilan dalaga chiqib ekin ekishdi... kuzda qishga o'tin-cho'p g'amida to'ngak kavladi, qamish o'rdi. (X. Seitov)
Hozir ularning ko'nglidagi narsa ovqat qayg'usi emas, otani topish qayg'usi edi. (P. Tursun)
Daryoning bu yuzida qolib, ul yuzidagi yorimga yetolmay qaqshagan badbaxt oshiq sho'ri boshimda. (M. Ismoiliy)
Ertalabdan beri boshida tushgan sho'rishlarni bir-bir o'ylab, dunyoda shu bugungichalik abgor bo'lmaganligini esladi. (M. Ismoiliy)

© Azim Hojiyev | O'zbek tili sinonimlarining izohli lug'ati

ProEducation – ta’limning pro versiyasi!

❗️Vazifa

Mavzu: Fe'l so‘z turkumi (2-qism)

Ushbu dars asosida 👇
https://t.iss.one/rustamov_edu/19420

ProEducation – ta’limning pro versiyasi!

✅ Habba

Habba, tahlil bo'lsa, tahlilda. Ertaga 21:00da milliy sertifikat namunaviy test tahlili o'tkazamiz. Test oxirida esse yozishni ham mashq qilamiz.

Boshladik. Fayzimizni bersin 🤲

🎙 Audiodars

Mavzu: Fe'l | Test tahlili (2-qism)

ProEducation – ta’limning pro versiyasi!

❗️Fe'l mavzusini takrorlash uchun:

1-vazifa
2-vazifa

Milliy sertifikat imtihonidagi baholash tizimini ko'rib chiqamiz.

Demak, umumiy 45ta savol uchun 100 ball beriladi. Bu esa bo'limlarda quyidagicha taqsimlanadi:
1. Grammatika – 21ta savol [35,9 ball];
2. Adabiyot – 13ta savol [26,1 ball];
3. O'qish savodxonligi – 10ta savol:
• ilmiy matn [8,5 ball];
• badiiy matn [5,5 ball]
umumiy [14 ball];
4. Yozma savodxonlik (esse) – 1ta savol [24 ball].

Albatta, barchasi muhim, lekin imtohonda vaqt masalasi birinchi o'rinda turadi, yuqoridagi taqsimotga qarab, qaysi bo'limga ko'proq vaqt sarflashingiz va e'tiborli bo'lishingizni belgilab oling.

ProEducation – ta’limning pro versiyasi!

Soat 21:00da milliy sertifikat namunaviy testidan tahlil bo'lib o'tadi. Testni 2 soat oldin kanalga joylayman.

Tahlil oxirida esa esse mashq qilamiz.

Milliy sertifikat namunaviy test

Soat 21:00da tahlilni boshlaymiz. Berilgan esse yozishingiz ham mumkin. Balki 2-3 kishining essesini tekshirishga ham ulgurarmiz.

Tahlilda ko'rishguncha.

Testni men tuzmaganman.

ProEducation – ta’limning pro versiyasi!

Ushbu testga "men tuzmaganman" deb ilova qoldirishim mualliflik huquqi saqlanishi uchun edi. Testni olgan manbada muallif yo'q ekan, shu sababdan kanalga shu shaklda joylasam obunachilar meniki deb o'ylamasin, deb ilova qildim.

Testdagi matn ham mualliflik huquqi haqida. Shu matndan foydalanib tuzilgan testda mualliflik huquqi buzilsa, mantiqsizlik bo'lar.

Yaqinda Davron Akbar shu kanalida shunday holatga qarshi jiddiy kurash "ochganini" e'lon qildi. To'g'ri qiladi. Men ham tarafdorman. Biror mahsulot ishlab chiqarilsa, unga ishlab chiqaruvchi korxona nomi yoziladi, lekin intellektual mulkda bunday imkoniyat yo'q.

Kimningdir kanalidan postni olyapsizmi, ostida o'sha kanalning nomi tursa, hech kim sizga uyat demaydi, aksincha, qachondir boshqa kanalda ko'rib qolsa, intellektual mulkning asl egasiga nisbatan shubha uyg'onadi. Agar texnikadan yaxshi xabardor bo'lsa, post joylangan vaqtlarni solishtirib ko'radi va siz undan olganingizni aniqlaydi, bu holatda esa obunachining sizga nisbatan hurmati va e'tibori tushadi.

Bu ma'naviy o'g'irlik, siz birovning molini o'g'irlasangiz ham, ma'naviy mulkini o'g'irlasangiz, baribir o'g'ri degan tamg'a olasiz.

Kanalni endi yurita boshlagan vaqtlarim o'zim ham bunday xatoga yo'l qo'ygandirman, lekin buni anglab yetgach, qayerdan biror ma'lumot olsam, muallifini ko'rsataman.