Platformaga oxirgi joylangan testimizda 24 kishi ishtirok etib, o'zini sinab ko'rdi. Menimcha, qolganlar bundan bexabar qolishgan yoki qanday ishlashni tushunishmagan.

Platformani batafsil tushuntirish uchun 4- va 5-sentabr kunlari videodars tashkil etib, kurs boshlanguniga qadar barchaga tushuntirib bermoqchiman.

Nasib bo'lsa:
• 4-sentabr – 21:00da;
• 5-sentabr – 21:30da bo'lib o'tadi.

Bundan keyin esa 6-sentabrdan boshlab, bepul kurslarimizni ulab yuboramiz.

Bunga qadar ikkita: biri yetti kunlik, ikkinchisi o'n kunlik bo'lgan bepul marafonlarni ham muvaffaqiyatli yakunlaganmiz. Jonli darslar boshlanguniga qadar shulardan bahramand bo'lib turing 👇

Birinchi Marafon (7 kunlik)

Ikkinchi marafon (10 kunik)

Sinonimlar | Rost

Rost, to'g'ri, chin, haq, haqqoniy, ochiq. Yolg'on-yashig'i yo'q, haqiqatga mos.
Rost, to'g'ri boshqalariga nisbatan keng qo'llanadi.
Haqqoniy ko'proq kitobiy uslubga xos.
Haq, ochiq so'zlari deyarli hamma vaqt gap so'zi bilan qo'llanadi.
Bolani ishga buyur, ketidan o'zing yugur, deganlari rost ekan. (Mushtum)
"Kucher ahli ham har xil xizmatkor ahli kabi tiriklikda uyquga qonadimi, uka?!" – "So'zingiz to'g'ri!" (Oybek)
Kishi yolg'onchilikda bo'lsa mashhur, So'zin yolg'on degay el, bo'lsa ham chin. (Habibiy)
"Boldan ham bola shirin" degan gap bor. Haq gap bu (Mushtum)
Matbuotda xalq hayoti va qishloq ahvoliga doir haqqoniy bir so'z ham yo'q. (Oybek)
Men sizga ochig'ini aytaymi? (P. Tursun)

© Azim Hojiyev | O'zbek tili sinonimlarining izohli lug'ati

Bepul kurs 👉 bu yerda

ProEducation – ta’limning pro versiyasi!

"Ham" haqida

Ham morfologik jihatdan yuklama hisoblanadi. So'zlarga qo'shilib, ularga qo'shimcha ma'no yuklash vazifasini bajaradi.

U bilan bog'liq ba'zi holatlar mavjudki, bizni chalkashtirishi mumkin. Hozir shularni ko'rib chiqamiz:
• ham biriktiruv bog'lovchilari bilan almashinib qo'llana olsa, u vazifadosh bog'lovchi hisoblanadi: Kichik ham katta birdek ishlashar edi.
• takror qo'llanib, o'zi qo'shilayotgan so'zlar oldidan qo'llansa, ayiruv bog'lovchisi hisoblanadi: Ham akam, ham opa universitet talabasi bo'lishdi.
• takror qo'llanib, o'zi qo'shilayotgan so'zdan keyin qo'llansa, uyushiq bo'laklarga qo'shimcha ma'no yuklayotgan yuklama hisoblanadi: Akam ham, opam ham universitet talabasi bo'lishdi.

Qolganlarga ham manfaatli bo'lishi uchun maqolani tarqatishga yordam bering.

Bepul kurs 👉 bu yerda

ProEducation – ta’limning pro versiyasi!

Shaxsiy qiziqishlarim orasida etimologiya alohida o'rin egallab bormoqda. O'zbek tili etimologik lug'atini o'qish davomida kelib chiqishi o'zimga ham qiziq tuyilganlarini kanalda siz bilan ulashib bormoqdaman.

Bugun esa ismlarning ma'nosi va kelib chiqishi haqidagi Ernst Begmatovning "O'zbek ismlar maʼnosi" kitobini boshladim.

Boshlashim bilan birinchi ko'zim tushgan ism Abay bo'ldi. Ha o'sha. Qozoq mutafakkiri Abay.

Ism asli o'zbekcha bo'lib, "hushyor, ehtiyotkor yoki himoya, muhofaza qilingan" kabi ma'nolarni anglatar ekan.

O'zbekning ismi qozoqqa, qozoqning ismi o'zbekka qo'yilishi odatiy hol bo'lgan, chunki ular o'zini o'zbek yoki qozoq deb emas, yaxlit turkiyman deb atashgan. Bir osmon ostida yashab kelishgan, to ruslar propogandasi kirib kelguniga qadar.

Milliy chegaralanish o'tkazilib, Markaziy Osiyo hududi bo'lib tashlangach boshlandi, bu o'zbekniki, bu qozoqniki, bu qirg'izniki.

Meni nazarimda, Markaziy Osiyo olimlari vaqtini mahalliylashtirishga ketkazgandan ko'ra ilm fan integratsiyalari haqida fikr yuritishsa, yaxshi bo'lar edi. Yolg'iz otning changi chiqmas deganlaridek, o'sha Milliy chegaralanishga kelasi yil 1 asr to'ladi, ammo haligacha dunyoga dong'i ketgan olim chiqmadi.

*shaxsiy fikrlarim bilan oʻrtoqlashdim

Platformaga kirish boʻyicha qisqa video-yo'riqnoma.

❗❗❗

Ogohlantirish

Platformada bir guruhga 250ta obunachi qo'shilishi mumkin. Hozir bizda 2tasi shakllantirilgan va ikkovi ham to'ldi.

Uchinchi guruhni ochish va o'tilgan mavzularni joylash uchun biroz vaqt ketadi.

Shu munosabat bilan sizlardan biroz sabrliroq bo'lishingiz va bizni to'g'ri tushunishingizni so'rab qolamiz.

Darslar boshlangunga qadar barchani platformaga qamrab olishga harakat qilamiz.

Shartni bajargan, biroq taklif havolasi olmaganlar diqqatiga: uchinchi guruh shakllantirilishi bilan sizga bot orqali taklif havolasi yuboriladi!

🎉🎉🎉
Mustaqilligimiz 32 yilligi barchaga muborak boʻlsin!

ProEducation jamoasi barchani bayram bilan qutlaydi!

ℹ️ Tarjimayi hol
Dardi bedavo

Fors-tojik tilidan o'zlashgan so'zlar orqali bizga tanish bo'lgan izofalar undosh tovushga i holida, unli tovushga yi holida qo'shiladi.

Bepul kurs 👉 bu yerda

ProEducation – ta’limning pro versiyasi!

🗂 O'tgan ikki hafta davomida o'tilgan mavzular ro'yxati:

Bog'lovchisiz va bog'langan qo'shma gaplar
Ergashgan qo'shma gaplar
Murakkab qo'shma gaplar
So'z birikmasi
Bosh bo'laklar
Aniqlovchi
Toʻldiruvchi
Hol
Ajratilgan bo'lak
Kiritma


*ko'k yozuvni ustiga bosib videoni koʻrishingiz mumkin.

Ushbu postni doʻstlaringizga ulashish orqali ularning ham ilmiga sababchi bo'lib qolasiz va savobga sherik bo'lasiz. Zero, nafaqat ilm berish, balki ilm tarqatishga xizmat qilish ham savobli amallardan.

ProEducation
ProEducation

ℹ️

Undalma gap boshida va o'rtasida kelganda chaqiriq va murojaatni ifodalaydi: Uka, mening yo'qligimni bilintirma.

Gap oxirida kelgan undalma tinglovchiga nisbatan hurmat, muhabbatni ifodalaydi: Tuprog'ingni zar bilarman, ona-Vatanim!

Bepul kurs 👉 bu yerda

ProEducation – ta’limning pro versiyasi!