🎉🎉🎉
Kechagi dars uchun mavzulashtirilgan viktorina testi tayyor!

21:00da Platformaga joylanadi.
Savollar soni: 40ta;
Har bir savol uchun 2,5 balldan.

Test ishlaganlar 100 ballik baholash tizimida baholanadi va reyting tuziladi. Platformada bo'ladigan har bir testda to'plagan ballingiz shu reytingdagi o'rningizni mustahkamlab boradi.

Shuningdek, kechagi dars videosi va taqdimoti ham platformaga joylandi, kirib bemalol foydalanishingiz mumkin.

Platformaga ro'yxatdan o'tish bepul!

Batafsil 👉 bu yerda

ProEducation – ta’limning pro versiyasi!

Ona tili
15-savol javobi

Berilgan sodda gapni nisbiy so'zlar va shart bog'lovchisi yordamida ergash gapga aylantirish mumkin.

Nisbiy so'zlar:
Kim tinch yashashni istasa, u pastkash odam bilan hech qachon do'stlashmaydi.

Shart bog'lovchisi:
Agar tinch yashashni istasang, pastkash odam bilan hech qachon do'stlashma.

Bepul kurs 👉 bu yerda

ProEducation – ta’limning pro versiyasi!

​"Hayotim toʼxtab qoldi. Men nafas olishim, ovqat yeyishim, suv ichishim, uxlashim mumkin edi, nafas olmasam ham, ovqat yemasam ham, suv ichmasam ham, uxlamasam ham boʼlaverar edi. Lekin, bari bir, hayotim toʼxtab qolgan edi..."
© Lev Tolstoy

4-qism
4-qism

1-qadam platforma asosiy oynasodagi uchbu post ustiga bosasiz;

2-qadam postga biriktirilgan uchbu viktorinaga bosib, test ishlayverasiz

Qadrli ustozlar, men bir narsani tushunishingizni xohlayman. O'sha savollarni, shunchaki, telegramda ham bersa bo'ladi-ku, degan noroziliklar bo'lyapti. Ammo shu vaqtga qadar 15 marta Attestatsiya Namunaviy testi o'tkazildi. Bu o'sha siz aytayotgan eng sodda usulda qilingan, bepul sinov edi. Natija nima bo'ldi?!
Eng oxirgi namunaviy testda bor-yog'i 13 kishi qatnashdi. 13ta-ya?! Bu test tuzilishi uchun necha kishi vaqtini, asabini, kompyuterda terish uchun ko'z nuri ketganini qolganlar hisobga olmasa, odam qilgan mehnatiga achinadi-da.
Agar sizning texnik savodxonligingiz bo'lganda, shu narsa uchun bir insonning shuncha mehnati singgani, bu viktorina osonlikcha bo'lmasligini tushunardingiz va biroz bo'lsa ham qadrlar edingiz.

Endi esa marhamat, platformaga kirish uchun bepul kursimizni postini tarqating va mehnatimiz oz bo'lsa ham qo'llab-quvvatlang. Shunda ham pullik emas, kanalning rivoji, albatta, barcha uchun manfaatli bo'lishi uchun hissa qo'shishingizni so'rayapmiz.

Ayrim kanallarga o'xshab bir martalik testda qatnashish uchun bitta postni 10 guruhga tarqating deb so'ramayapmiz. 3 oylik bepul kurs (agar sizdan talab bo'lssa, yana uzoqroq davom etadi) postini tarqatishingizni so'rayapmiz.

Bu minnat emas. Yig'lamagan bolaga ko'krak yo'q, degan gapni barchangiz yaxshi tushunasiz ma'nosini. Mehnat qilasiz, kanal uchun orginal post yozishga harakat qilasiz, lekin 10 kishi ko'radi, 2-3 kunlik tekin marafon o'tib, pullik kursiga reklama uchun o'tilgan darsni 100 kishi kuzatadi. Mening g'ashimga tegadigani shu. Qani, rostdan bepul bilim berish niyati bo'lsa, o'tsin doimiy, odamlarni unday ishontirmay.

Hammaga xayrli kech, aytadiganlarim shular edi. Ilmga xizmat qilmoqchi bo'lsangiz, uni yoyishga yordam bering!

Olish bor joyda berish ham bo'lishi kerak. Kanaldan bilim olyapsizmi, uning rivoji uchun, sizga bilim berayotganlarning vaqti va e'tibori uchun ozgina vaqtingizni bering.

Kanalda shuncha obunachini ushlab turish o'zimas. Agar yaqinlarimni gapini eshittirish imkoni bo'lganda edi. Senga zarurmi shu, nima qilasan joningni kuydirib, xohlagan odam kuzatsin, xohlamagan kuzatmasin deyishadi. Menga kerak shu. Kerak! Kanalimda haqiqiy ilm bermoqchiman. Haqiqiy ilmga ixlosi borlarni yig'moqchiman. Bepul nomi ostidagi har xil 2-3 kunlik reklama darslarda sarson bo'lgan o'qituvchilar uchun beminnat xizmat qilmoqchiman.

Ochiqcha gapirishga majbur bo'ldim. To'g'ri tushunasiz degan umiddaman.

Inson yaqin olganiga borini aytadi, yashirmaydi. Har kuni kanal orqali birga bo'lyapmiz. Kunimizni qanchadir qismi shu yerda birga o'tadi. Men kanalimga mehrim boshqacha, auditoriyamni boshqacha yaxshi ko'raman, kerakli vaqtda keraklicha qo'llab-quvvatlov olganman. Kanalingizdagi darslarni kuzatamiz, Alloh rozi bo'lsin, deb qancha-qanchasi alohida o'zimga yozib duo qilishadi.
Yetti uxlab tushimga kirmagan insonlarga shu kanal orqali ilm ulashib ularni duosini olyapmanmi, demak uni rivojlantirishim kerak.

Va aynan shu nuqtada bizning birligimiz kerak. Mendan orginal postlar, video va audiodarslar, sizdan esa reaksiya, izoh va tarqatish, kelishdikmi?!
Kelishdik!

Reaksiya bosish sizda soniyalarni ham olmaydi, bu e'tibor. Bu reaksiya bosganingiz mening kartamga pul kelib, tushmaydi, sizdan ham soliq olishmaydi (😁 hazil albatta). Bu e'tibor belgisi.

Tarqatishingiz esa qilinayotgan mehnatning ko'proq inson tomonidan kuzatilishiga yordam beradi. Menga yanayam motivatsiya va kuch beradi.

Respublika tilchilarini shu nuqtada birlashtirishda siz ham o'z hissangizni qo'shing. Shu jarayonning bir bo'lagi bo'ling!

Yordamchilar sofligi ☁️

So'z turkumlari orasida o'zi shundoq ham boshqa "og'aynilaridan" farqlanib, ularni o'zaro birdamligini ta'minlab, borini oshirib, yo'g'ini yashirib turadigan bog'lovchi, ko'makchi va yuklamalar o'zaro "nizo"ga ham borib qolishadi. Sof va vazifadoshlik belgisi bu so'z turkumlari uchun "sodiqlik" va "xiyonat" tarzida talqin qilinishi ham mumkin. Buni quyida batafsil izohlaymiz.

Yuqorida biroz tasviriylikka urg'u berdim, rozi bo'lasiz.
Yordamchi so'z turkumlarining "og'aynilari" mustaqil so'z turkumlaridir. Ularning "birdamligi" bog'lovchi va ko'makchilar orqali bo'ladi, ya'ni ular so'zlarni o'zaro teng va tobe munosabatda bog'laydi. Kam-ko'stini to'ldirish esa yuklamalarga "yuklatilgan", ular so'zlarga qo'shimcha ma'no beradi.

Ana endi "sodiqlik" va "xiyonatga" to'xtalsak.
Gap shundaki, ko'makchilarning sof ekanligini faqatgina ko'makchi vazifasida kelishidan bilamiz. Agar u boshqa mustaqil so'z turkumining ma'lum o'rinlarda ma'nosini yo'qotib, ko'makchi vazifasini bajarishi bo'lsa, uni vazifadosh deb ataymiz. Masalan, haqida, sari, kabi, sayin. Bu so'zlarda ko'makchilikdan boshqa vazifani bajarmaydi, ya'ni sodiq (majoziy). Bo'ylab, qarab fe'lga, tomon otga, avval, so'ng ravishga ham, ko'makchiga ham xizmat qila oladi.
Xulosa: sof ko'makchilar faqatgina ko'makchi vazifasida keladi; vazifadosh ko'makchilar esa ham mustaqil so'z turkumi, ham ko'makchi vazifasida kelishi mumkin.

Sof ko'makchilar: bilan, sari, sayin, uchun, kabi, qadar, singari, uzra, tufayli, haqida.
Vazifadosh ko'makchilar: old, ust, ost, orqa, ro'para, oldin, avval, keyin, so'ng, tomon, bo'ylab, qarab, ko'ra, deya.

Bog'lovchi va yuklamaning bu jihatdan o'xshashlik tomonlari bor. Bu so'z turkumlaridagi vazifadosh birliklar mustaqil so'z turkumlarida emas, aksincha yordamchi so'z turkumlarining o'zida "xiyonat qilishadi" (majoziy). Ya'ni bir o'rinda bog'lovchi, bir o'rinda ko'makchi bo'lgan bilan (biriktiruv) bog'lovchisi vazifadosh hisoblanadi. Yoki -u, -yu, -da, ham, na.... na.... yuklamalari bir o'rinda bog'lovchi vazifasida kela olgani uchun vazifadosh yuklamalar hisoblanadi.

Sof bog'lovchilar: ammo, lekin, biroq, va, hamda, chunki, yoki, yo... yo...
Vazifadosh bog'lovchilar: ham, balki, na... na..., -u, -yu, -da.

Sof yuklamalar: faqat, -mi, -chi, -a, -ya, -ku, hatto, -oq (-yoq), xuddi
Vazifadosh yuklamalar: -u, -yu, -da, ham, na... na...

Bepul kurs 👉 bu yerda

ProEducation – ta’limning pro versiyasi!

Sinonimlar | Yordam

Yordam, ko'mak, madad. Moddiy yoki ma'naviy jihatdan qo'llab-quvvatlash.
Yordam so'zi ko'mak, madad so'zlariga nisbatan keng tushuncha ega. Ko'mak juda kam qo'llanadi. Madad so'zida "quvvat, kuch" ma'nosi ham bor va u ham yordam so'ziga nisbatan kam qo'llanadi.
Ochilning uydan oladigan yrdami katta emas edi, bir chekkasi shuning uchun radioga, gazetaga xabar yozib yurardi. (P. Qodirov)
Ertasiga keksalar brigadasi, keyin qo'shni brigadadan ketmonchilar ham yordamga kelishdi. (I. Rahim)
Ammo boylar Rahmonqul qo'rboshidan madad so'radi. (H. G'ulom)
Oktabrdan madad olgan Inson kuchli, inson hur. (Uyg'un)

© Azim Hojiyev | "O'zbek tili sinonimlarining izohli lugʻati"

Bepul kurs 👉 bu yerda

ProEducation – ta'limning pro versiyasi!

Izoh:

Bo'hton. Bu arabcha so'z buhtan(un) shakliga ega; o'zbek tiliga u unlisi o' unlisiga, cho'ziq a unlisi o unlisiga almashtirib qabul qilingan: buhtan » bo'hton. Bu so'z asli "tuhmat qildi" ma'nosini anglatuvchi bahuta fe'lidan hosil qilingan masdar bo'lib, "tuhmat, asossiz uydirma gaplar" ma'nosini anglatadi.

© Sh. Rahmatullayev | O'zbek tilining etimologik lugʻati

Bepul kurs 👉 bu yerda

ProEducation – ta'limning pro versiyasi!

Videodars ✅
Audiodars ✅
Sinonimlar ✅
So'zlarning etimologiyasi ✅
So'zlarning izohi ✅
Test tahlillari ✅
G'azal tahlili ✅
Kitobxonlik vaqti ✅

Yuqoridagilar hozirgi kunda kanalga joylab borilayotgan kontentlar.

Siz uchun foydali bo'lishi uchun yana qanday takliflaringiz bor. Fikrlaringizni aloqa botimizda yozib qoldirishingiz mumkin.

Ona tili
16-savol

Orqada tikka turgan yoshgina yigit, Mamadali, o‘zini odamlarning orasiga oldi.
Berilgan gapda gap urg'usi qaysi bo'lakka tushgan?

Bepul kurs 👉 bu yerda

ProEducation – ta’limning pro versiyasi!

Ona tili
16-savol javobi

Gap urg'usi oddiy darak gaplarda kesimdan oldin kelgan bo'lakka tushadi. Lekin berilgan gap ajratilgan bo'lakli gap ekanligini hisobga olsak, gap urg'usi aynan ajratilgan bo'lakda, ya'ni Mamadali, ajratilgan izohlovchiga tushgan.

Eslatma!
So'roq olmoshlari yordamida hosil qilingan so'roq gaplarda gap urg'usi so'roq olmoshiga tushadi. Mana shu so'roq gapga javob bo'lgan gapda so'roq olmoshiga javob bo'lgan bo'lak gap urg'usini oladi:
Kim kecha maktabga bormadi?
Kecha Akram maktabga bormadi.

Bepul kurs 👉 bu yerda

ProEducation – ta’limning pro versiyasi!

Ergashgan qo'shma gaplar bo'yicha test

Darsimiz soat 21:00da boshlanadi. Darsdan so'ng ushbu test tahlil qilinadi.

Bepul kurs 👉 bu yerda

ProEducation – ta’limning pro versiyasi!