G'alati savollar

Kecha yangi kurs uchun e'lon berdim va kursda qatnashish istagi borlar yoza boshlashdi. Hamma ham emas, lekin orada shunday savol beradiganlar ham uchrab qolyapti:
• Kafolati bormi?
• Aniq o'tamanmi?
Bunday savol berganlar, kursga qabul qilinmaysiz! Chunki o'z aqliy salohiyatiga ishonchi yo'q, qanday qilib bizdan nimadir o'rganadi.

• To'lov nega oldindan?
• 1-2ta dars ko'ray keyin to'lov qilaman, yoqmasachi?
Bunday savol egalari ham kursga qabul qilinmaydi. Yana o'sha gap. ISHONCH. Biz sizga natijalarimizni ko'rsatib qo'ydik: @edu_natijalar. Tanlov imkoniyati bor, kimdir 1-2ta dars ko'rishingiz uchun imkon berar, lekin bizda emas. Chunki yopiq guruhga kirib olib, test, audio va video xabarlarni olib, dars o'tish metodikasini o'rganib olib, kamiga 1oy guruhda qoladida, to'lov vaqti keldi deb xabar yozsangiz menga yoqmadi deb javob yozadi. Men materiallarimni, metodikalarni olishingizga qarshimasman. Lekin haqini to'lab. Bir oylik to'lovni qiling, marhamat, bemalol olishingiz mumkin.

Yana bir gap! To'lov qilib, kursga yozildim degani, attestatsiyadan o'taman degani emas. Berilgan vazifalarni vaqtida bajarib, mavzularni o'zlashtirib borish orqaligina testdan o'tasiz. O'qituvchi sehrgar emas, bilimni miyangizga quyib qo'yadigan.