"Бүгүнкү акцияны биз Кара-Балта шаарынын жана Жайыл районунун ар бир ардагерине, ар бир жоокерине, эркиндик жана биздин келечегибиз үчүн салгылашкандардын бардыгына арнайбыз. Ар бир отургузулган бак - тирүү эстелик. Сиздер бул жакка жакындарыңыздар менен келип, бак-дарактарды карап, ата-бабаларыңыздардын эрдигин эскерип турасыздар деп ишенем”, - деп белгиледи Кара-Балта шаарында өткөн «Эскерүү багы» акциясынын ачылышында Кыргызстандын “Жеңиштин ыктыярчылары” кыймылынын координатору Анастасия Шевченко.

Ленин көчөсүндөгү гүл бакчада өткөн акцияга ардагерлер, «Жеңиштин ыктыярчылары» кыймылынын активисттери, Россиянын Кыргызстандагы Элчилигинин жана Россия кызматташтыгынын өкүлчүлүгүнүн кызматкерлери, мекендештер жана шаар тургундары катышты. Калыбына келтирүү пландалып жаткан жашыл аймакка 500 түп карагач, терек, кайың көчөттөрү отургузулду.

Кара-Балта шаарынын мэри Мирлан Жекшенов: «Быйыл биз шаарыбызды өнүктүрүү боюнча долбоорлордун комплексин ишке ашырууну пландап жатабыз. Алардын арасында парк аймактарын калыбына келтирүү бар. Бул экологиялык коопсуздукту жакшыртуу үчүн абдан маанилүү. Бүгүнкү акция ушул тема менен тыгыз байланышкан. Биз гүл бакчаны кайра калыбына келтирүүнү пландап жатабыз жана бүгүн алгачкы 500 көчөт отургузабыз».

«Мен «Эскерүү багы» иш-чарасына биринчи жолу катышып жатам. Бул абдан маанилүү жана жакшынакай акция. Биз шаарыбыздын тазалыгына, кооздугуна кам көрүп, ошол эле учурда ата-бабаларыбыздын элесин сактап келебиз. Биз согуш жылдарындагы окуяларды эсибизде сактоо канчалык маанилүү экенин бардыгына көрсөткүбүз келет. Согуштун окуяларын эсте сактоо – бул өз үй-бүлөңдүн тарыхын эсте сактоо дегенди билдирет. Тарыхсыз келечек жок», - деп белгиледи «Русский мир” кыймылынын активисти Севда.

Кара-Балта шаарындагы акция “Русский мир” коомдук бирикмеси жана Кыргызстандын “Жеңиштин ыктыярчылары” кыймылы тарабынан Кара-Балта шаарынын мэриясынын, Россиянын Элчилигинин жана Россия кызматташтыгынын Кыргыз Республикасындагы өкүлчүлүгүнүн колдоосу менен уюштурулду.

Материал на русском языке

«Биз бардыгыбыз Бүткүл дүйнөлүк жаштар фестивалына катышуудан зор шыктануу алдык. Спорттон музыкага чейин адамдын ишмердигинин бардык мүмкүн болгон тармактарын камтыган 800дөн ашык иш-чаралар, укмуштуудай спикерлер. Биз дүйнөнүн булуң-бурчунан келген кызыктуу адамдар менен таанышып, атүгүл мекендештерибизди жакындан билдик", - деп "Память народа - Эл эстейт" издөө кыймылынын активисти Назгүл Караева өз таасирлери менен бөлүштү.

12-апрелде Жаш россиялык мекендештердин кеңеши Россиянын Элчилиги менен биргеликте КМШ өлкөлөрүндө 2024-жылы волонтерлук жана ыктыярчылык жылынын алкагында Бишкекте ЖРМКнын Долбоордук конференциясын өткөрдү.

Конференцияга Кыргызстандын бардык аймактарынан келген мекендештердин жаштар бирикмелеринин лидерлери, ошондой эле үстүбүздөгү жылдын март айында Сириус федералдык аймагында (Краснодар крайы) өткөн Бүткүл дүйнөлүк жаштар фестивалынын катышуучулары катышты.

Катышуучулар БДЖФга катышуу боюнча өз тажрыйбалары жана эмоциялары менен бөлүшүп, Фестивалда кандай долбоорлор жаралганын жана аларды кантип өнүктүрөөрүн айтып беришти.

«Мен Крым Республикасында болдум. Эң негизгиси, мен өзүм үчүн эмнени белгиледим: биз Крымдын өнүгүшүн, анын бул жылдар бою кандай өзгөрүп жатканын, ал жерде жаштар үчүн кандай долбоорлор ишке ашырылып жатканын көрүп турганбыз. Ал жакка барып, мунун баарын өз көзүбүз менен көрдүк. Бардык жерде, республика боюнча масштабдуу иштер жүрүп жатат, бул шыктандырат», - деп белгиледи Бишкек жана Кыргызстандын епархиясынын жаштардын иштери боюнча бөлүмүнүн башчысы отец Илья.

Россиянын Кыргызстандагы Элчилигинин гуманитардык маселелер боюнча адиси Ксения Скачкова, Россия кызматташтыгынын Кыргыз Республикасындагы өкүлчүлүгүнүн жетекчиси Альберт Зульхарнеев, өкүлчүлүктүн жаштар жана социалдык долбоорлор боюнча куратору Анастасия Брайловская, "Москва классиктери" фондунун президенти Ольга Фролова, Кыргызстандын “Жеңиштин ыктыярчылары” командасынын координатору Анастасия Шевченко жаш мекендештерге куттуктоо сөздөрү менен кайрылышты.

Читать материал на русском языке