Yangi lavozim, yuksak ishonch muborak!

Davlatimiz rahbarining tegishli Farmoni bilan Maktabgacha va maktab ta’limi vaziri Umarova Hilola O‘ktamovna Prezident Administratsiyasi rahbarining ta’limni isloh qilish bo‘yicha o‘rinbosari lavozimiga tayinlandi.

Endilikda Hilola O‘ktamovna nafaqat maktabgacha va maktab ta’limidagi islohotlarda faoliyat olib boradi, balki yangi O‘zbekistonda hurmatli Prezidentimiz boshchiligidagi keng qamrovli ta’lim tizimidagi o‘zgarishlarda mas’ul sifatida ishtirok etadi.

Aytish mumkinki, keyingi yillarda yurtimizda “maktabgacha-maktab-oliy ta’lim-malaka oshirish” yagona tizimi vujudga keldi.

Shuningdek:

➖ tizimni korrupsiyasiz sohaga aylantirishga doir ishlar jadal davom ettirildi hamda pedagoglarni attestatsiyadan o‘tkazish, maktabga qabul, turli ta’lim xizmatlari to‘liq raqamlashtirildi;

➖ vazirlik tizimida Fan olimpiadalari markazi, Al-Xorazmiy universiteti, Al-Beruniy nomidagi maktab-internati, Bahodir Jalolov va Oksana Chusovitina nomidagi sport maktablari kabi qator ta’lim maskanlari, “Renessans” bolalar oromgohi faoliyati yo‘lga qo‘yildi;

➖ yangi summativ va formativ baholash tizimi bosqichma-bosqich umumta’lim maktablariga joriy etila boshlandi;

➖ umumta’lim maktablari direktorligiga nomzodlarni menejerlik kurslariga o‘qitish va ularni Direktorlar kengashi orqali tayinlash tizimi yo‘lga qo‘yildi;

➖ maktabgacha ta’lim bilan qamrov darajasi 77 foizga, 6 yoshli bolalar qamrovi 96 foizga yetkazildi;

➖ o‘quvchilarning xalqaro fan olimpiadalardagi yutuqlari soni keskin oshdi hamda ushbu toifadagi olimpiadalarda 2023-yilda 91 ta, 2024-yilda 128 ta, 2025-yilning o‘tgan vaqti davomida 170 ta turli darajadagi medal qo‘lga kiritildi;

➖ o‘quvchilar o‘rtasida “Turon maktab teatri” hamda “Iqtidor maktab ansambli” respublika tanlovlari yo‘lga qo‘yildi;

➖ yangi tashkil etilayotgan “Yil o‘qituvchisi” tanlovi g‘oliblariga uy sovg‘a qilinishi tartibi joriy etildi.

Sohaga doir bu kabi katta islohotlarni uzoq sanash mumkin. Muhimi, ular izchil davom ettiriladi.

Maktabgacha va maktab ta’limi vazirligi jamoasi Hilola O‘ktamovnaga kelgusi faoliyatida ham ulkan muvaffaqiyatlar tilab, yuksak ishonch bilan yana bir bor qutlab qoladi!

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Metodist

📢 METODIST — yangi loyiha

Respublika ta'lim markazida fanlar kesimida muhim o‘zgarishlar va kerakli tushuntirishlar endi “Metodist” loyihasi orqali!

Bu loyiha doirasida o‘z fanining mutaxassisi bo‘lgan metodistlar har bir fan bo‘yicha dolzarb mavzular, o‘zgarayotgan dasturlar, amaliy tavsiyalar va metodik yondashuvlar haqida qisqacha ma’lumot beradi.

🎥 Har bir soni o‘qituvchilarga yo‘naltirilgan, amaliy va sodda tilda. Maqsad — har bir pedagog o‘z faniga oid eng so‘nggi yangiliklardan xabardor bo‘lishi va uni darsda bemalol qo‘llay olishidir.

Bizni kuzating:
🔎 Veb-sayt ❤ Telegram 🌐 Facebook 🌐 Youtube 🌐 Instagram

#Metodist

“Metodist” loyihasining ilk soni!

👍 Biologiya fani bo‘limi boshlig‘i Eldor Ochilov fan mazmunidagi muhim o‘zgarishlar, o‘qituvchilar uchun foydali tavsiyalar bilan bo‘lishdi.

❕ Har bir son — o‘z fanining mutaxassisi bilan. Qisqa va aniq!

🔈 Bizni kuzatib boring — fanlar kesimidagi eng dolzarb va muhim ma’lumotlar aynan “Metodist” loyihasida!

Bizni kuzating:
🔎 Veb-sayt ❤ Telegram 🌐 Facebook 🌐 Youtube 🌐 Instagram

🔹 Bugun — Oʻzbekiston Respublikasi Prezidenti Shavkat Mirziyoyev tavallud topgan kun.

Mazkur videolavhada Yangi Oʻzbekiston bunyodkori rahbarligida soʻnggi 8 yilda amalga oshirilgan eng muhim islohotlar aks ettirilgan.

Bizni kuzating:

❤ Telegram                   🌐 Facebook
🌐 Youtube                     🌐 Instagram
🔎 Veb-sayt                     😄 Linkedin

«Oq oltin» balosi: O‘zbekistonda paxta qulligi tarixi, oqibatlar va bugungi kun haqida

Sobiq sovetlar davrida O‘zbekiston tom ma’noda paxta plantatsiyasiga aylantirilgandi. Bu davr oqibatlari mustaqillikdan keyingi o‘n yilliklarga ham ta’sir qildi. Kun.uz hamkorligida tayyorlangan hujjatli filmda taniqli ekspertlar O‘zbekiston qachon va qanday qilib paxta yetishtiruvchi mamlakatga aylanib qolgani, o‘zbeklar paxta tufayli qanday azob-uqubatlarga duchor bo‘lgani, paxtachilik mamlakat xo‘jaligi va genofondida qanday asoratlar qoldirgani haqidagi savollar yuzasidan fikrlarini bildirishgan.

Shuningdek, mustaqillik yillarida vaziyat qanday o‘zgarib borgani va prezident Shavkat Mirziyoyev hokimiyatga kelgan ilk yillarda bu muammoga qanday chek qo‘ygani eslab o‘tilgan.

Bizni kuzating:
❤ Telegram                   🌐 Facebook
🌐 Youtube                     🌐 Instagram
🔎 Veb-sayt                     😄 Linkedin

#darslik

👍Chaqiruvga qadar boshlang‘ich tayyorgarlik fani bo‘yicha 10–11-sinf darsliklari tayyor bo‘ldi!

📚Yangi darsliklar hayotga tayyorlovchi, amaliy mashg‘ulotlarga boy, fidoyilik va mas’uliyat tuyg‘usini shakllantiruvchi yondashuv asosida yaratildi.

👨‍🏫Darsliklar Maktabgacha va maktab ta‘limi, Mudofaa, Sog‘liqni saqlash, Favqulodda vaziyatlar tizimi mutaxassislari, metodistlar va tajribali ChQBT rahbarlari bilan hamkorlikda ishlab chiqilgan.

Bizni kuzating:
🌐 Veb-sayt ✈️ Telegram 👥 Facebook 📺 Youtube 📹 Instagram

#Metodist

"Metodist" loyihasining navbatdagi sonida amaliy fanlar

🖍 Chizmachilik, tasviriy san’at, musiqa kabi amaliy fanlar bo‘yicha qanday o‘zgarishlar kutilmoqda?

🎙Bu galgi suhbatdoshimiz — Arabboy Ahmadullaev, Maktabgacha va maktab ta’limi vazirligi O‘quv jarayonini metodik taʼminlash va darsliklar boshqarmasi bosh mutaxassisi.

U amaliy fanlar mazmuni, metodik yondashuvlar va ularning o‘quvchilarga ta’siri haqida so‘z yuritdi.

📹 Batafsil videoda.

Bizni kuzating:
🌐 Veb-sayt ✈️ Telegram 👥 Facebook 📺 Youtube 📹 Instagram

Oʻzbekiston Respublikasi Prezidentining tegishli Farmoni bilan:

✅ Karimova Eʼzozxon Gapirjonovna — Maktabgacha va maktab taʼlimi vaziri lavozimiga tayinlandi.

U bunga qadar Maktabgacha va maktab taʻlimi vaziri oʻrinbosari — Nizomiy nomidagi Oʻzbekiston milliy pedagogika universiteti rektori vazifasida ishlab kelayotgan edi.

Taʼlim sohasida uzoq yillardan buyon mehnat qilib kelayotgan E. Karimova 2021-yilda Prezident, ijod va ixtisoslashtirilgan maktablarni rivojlantirish agentligi boʻlimi boshligʻi, 2021-2023-yillarda Prezident taʼlim muassasalari agentligi direktori maslahatchisi lavozimlarida ishlagan.

2023-2024-yillarda Maktabgacha va maktab taʼlimi vazirligi tizimidagi “Yangi Oʻzbekiston” universitetining yoshlar masalalari va maʼnaviy-maʼrifiy ishlar boʻyicha prorektori vazifasida ish olib borgan.

Vazirlik jamoasi Eʼzozxon Karimovaga maktabgacha va maktab taʼlimi sohasidagi kelgusi faoliyatida ulkan muvaffaqiyatlar tilaydi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin