#тадбир #қабул #бандлик

Ҳарбий прокуратура органлари томонидан жойларда оммавий сайёр қабуллар ўтказиб келинмоқда.

Навбатдаги шундай қабул Нукус ҳарбий прокуратураси томонидан Қорақалпоғистон Республикаси қўриқлаш бошқармасида ташкил этилди.

Унда ҳарбий хизматчилар ва ходимлар, уларнинг оила аъзолари ва муддатли ҳарбий хизматни ўтаб қайтган ёшлар ҳарбий прокурор бошчилигида Шимоли-Ғарбий ҳарбий округ қўшинлари қўмондонлиги, Миллий гвардия, қўриқлаш, мудофаа ишлари ва фавқулодда вазиятлар бошқармалари раҳбарияти ҳамда масъуллари, ташкилот ва идораларнинг малакали мутахассислари томонидан тингланди.

Жами 52 та мурожаатдан 10 таси ижобий ҳал этилиб, 37 таси юзасидан ҳуқуқий тушунтириш берилган бўлса, ечими вақт талаб этадиган 5 та мурожаат назоратга олинди.

Бир пайтнинг ўзида ташкил этилган меҳнат ярмаркасида эса иштирокчилардан 5 нафарининг бандлиги таминланиб, яна 3 нафарига ишга ва Мономарказда ўқишга йўлланмалар берилди.

Шу каби сайёр қабул Наманган ҳарбий прокуратураси томонидан ўтказилиб, унда 13 та мурожаатнинг 9 тасига ҳуқуқий тушунтириш берилди, 4 таси назоратга олинди.

Бухоро ҳарбий прокуратураси томонидан ҳарбий қисмларнинг бирида ташкил этилган қабулда эса 10 та мурожаатдан 2 таси ижобий ҳал этилди, 3 таси юзасидан ҳуқуқий тушунтириш берилди ва 5 таси назоратга олинди.

Сайёр қабуллар давом этмоқда.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #маънавият_куни

Ўзбекистон Республикаси Ҳарбий прокуратурасида навбатдаги маънавият соати бўлиб ўтди.

Унда марказий студиядан маҳкама ва жойлардаги студиялардан ҳудудий ҳарбий прокуратуралар ходимлари иштирок этди.

Дастлаб қонунчилик ижроси устидан назоратни таъминлаш борасидаги фаолият, бу борада эътибор қаратилиши лозим бўлган масалалар бўйича бўлим бошлиғи Д.Ҳамроев маърузаси эшитилди.

Сўнгра тадбирга эл суйган санъаткор, моҳир сўз устаси Жамшид Норматов таклиф этилди.

У ўзининг ҳаётий ҳандалари билан барчага аъло кайфият улашди.

Тадбирдан сўнг меҳмонлар Ўзбекистон Республикаси Ҳарбий прокуратураси тарихи музейи билан танишдилар.

Шунингдек, электрон ўқ отиш тайёргарлиги хонасида мерганлик маҳоратларини синаб кўришди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ёшлар #қабул

Ўзбекистон Республикаси Ҳарбий прокуратураси маҳкамаси ходимлари томонидан қатор ҳарбий қисм ва муассасаларда ҳуқуқий тарғибот тадбирлари ўтказилди.

Тошкент шаҳри фавқулодда вазиятлар бошқармаси, Миллий гвардия органлари, шу жумладан, қўриқлаш тузилмаларида ташкил этилган профилактик тадбирлар шулар жумласидан.

Шунингдек, Миллий гвардия Қўриқлаш бош бошқармаси ва ҳудудий бошқармаларининг юридик таъминлаш ва мурожаатлар билан ишлаш бўлинмалари шахсий таркиби иштирокида "Қонун устуворлигини таъминлашнинг муҳим омиллари" мавзусида ўқув семинар ўтказилди.

Бундан ташқари, Қуролли Кучлар академиясида курсантлар иштирокида туркум мавзуларда “Прокурорлик соати” машғулотлари амалга оширилди.

Якунида шахсий қабуллар ташкил этилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #қабул #уч_авлод

Гулистон ҳарбий прокуратураси, Сирдарё вилояти мудофаа ишлари бошқармаси, туман ҳокимлиги, қўриқлаш ва фавқулодда вазиятлар бўлимлари ҳамда бошқа ташкилотлар ҳамкорлигида Ховос туманида "Уч авлод учрашуви" ўтказилди.

Жараёнда ҳарбий хизматчилар ва уларнинг оила аъзолари, Қуролли Кучлар хизматчилари, 2025 йил чақирув мавсуми давомида муддатли ҳарбий хизматга чақирилиши режалаштирилган ёшлар учун оммавий сайёр қабул ташкил этилди.

Жами 9 та мурожаатдан 4 таси жойида ижобий ҳал этилиб, 5 тасига ҳуқуқий тушунтириш берилди.

Қабул давомида туман ҳокимлиги томонидан "Ёшлар дафтарига" киритилган чақирилувчиларга СЧР бадал пуллари тўлови учун сертификатлар топширилди.

Шу каби қабул Тошкент вилояти мудофаа ишлари ва фавқулодда вазиятлар бошқармалари, туман ҳокимлиги билан ҳамкорликда Оққўрғон туманида ташкил этилди.

Келиб тушган 17 та мурожаатдан 3 таси жойида ижобий ҳал этилди, 11 таси юзасидан ҳуқуқий тушунтириш берилган бўлса, 3 таси назоратга олинди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #мактаб #маҳалла

Наманган ҳарбий прокуратураси томонидан Поп туманидаги олис 60-сонли умумтаълим мактабида навбатдаги ватанпарварлик тадбири ўтказилди.

Унда ўқувчилар ўз билимлари ҳамда буюк боболаримиз ҳаёти ва ижоди ҳақидаги саҳна кўринишлари билан салоҳиятларини намоён этдилар. Тадбир қизиқарли ва мароқли ўтди.

Шу каби тадбир Фарғона ҳарбий прокуратураси томонидан Шарқий ҳарбий округ қўшинлари қўмондонлиги, вилоят Миллий гвардия, қўриқлаш ва мудофаа ишлари бошқармалари ҳамкорлигида Бешариқ туманида жойлашгани “Ворух-Дашт”, “Бахмал”, “Шоберди”, “Чинобод”, “Ариқбоши” ва “Навкат” маҳаллалари ёшлари иштирокида ташкил этилди.

Жараёнда ватан ҳақидаги куй-қўшиқлар ва ҳарбийларнинг кўргазмали чиқишлари ёшларнинг ҳарбийликка бўлган иштиёқини янада оширди.

Жиззах ҳарбий прокуратураси томонидан мутасадди ташкилотлар билан ҳамкорликда Фориш туманидаги олис 50-сонли умумтаълим мактабидаги "Покурорлик соати"да эса ватанпарварлик, қонунга ҳурмат, эл-юрт тақдирига дахлдорлик, ҳарбий хизматни ўташ ва бунинг шарафи ҳақида сўз борди.

Шунингдек, Ҳуқуқни муҳофаза қилиш академияси ва олий ҳарбий таълим ташкилотлари ҳамда уларга ўқишга кириш тартиби хусусида тушунтиришлар берилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #мактаб #маҳалла

Чирчиқ ҳарбий прокуратураси томонидан Миллий гвардия Тошкент вилояти бўйича бошкармасида Нурафшон шаҳрида яшовчи ёшлар билан учрашув ташкил этилди.

Унда Қуролли Кчлардаги ислоҳотлар, ёшлар учун жорий қилинган имконият ва имтиёзлар, олий ҳарбий таълим ташкилотларига кириш тартиби ҳақида батафсил тушунтиришлар бериб ўтилди.

Шу билан бирга, ҳарбий яроғлар кўргазмаси ташкил этилди.

Бундан ташқари, ҳарбий қўмондонлик ҳамкорлигида Чирчиқ шаҳридаги Тошкент ҳарбий округининг дала ўқув майдонида “Ҳарбий қисмда бир кун” шиори остида пойтахтимиздаги бир қатор нуфузли олийгоҳларнинг талабаларидан иборат “Қалқон” жамоатчилик гуруҳи аъзолари учун амалий эстафета ўтказилди.

Даставвал меҳмонлар ватан ҳимоячилари учун яратилган шароитлар, ҳарбий техника ва аслаҳалар кўргазмаси билан танишдилар. У ерда ҳарбий мутахассислар томонидан миллий армиямизнинг жанговар қудрати ҳақида атрофлича маълумотлар берилди.

Шундан сўнг иштирокчиларга саф майдонида фахрий қоровул томонидан кўргазмали чиқишлар, десантчиларнинг машқлари намойиш этилди.

Талабалар жараёнда турникда тортилиш, тош кўтариш, махсус тренажёрдан ўқ отиш, қуролларни йиғиш баҳсларида беллашдилар ҳамда ғолиб ва совриндорлар эсдалик совғалар билан тақдирланди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #қабул

Бухоро ҳарбий прокуратураси, вилоят фавқулодда вазиятлар бошқармаси ва Ёшлар иттифоқи вилоят Кенгаши ҳамкорлигида “Ишга марҳамат” мономарказида ёшлар билан учрашув ўтказилди.

Унда бошқарма тизимидаги ёш ҳарбийлар ва ходимлар, шунингдек, Бухоро давлат педагогика институти ҳарбий кафедраси талабалари ва бир гуруҳ ёшлар иштирок этди.

Тадбирда бугунги кунда ёшларга эътибор, яратилган имкониятлар ва улардан самарали фойдаланиш хусусида тушунчалар берилди.

Сўнгра оммавий сайёр қабул ташкил этилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #бандлик #китоб

Чирчиқ ҳарбий прокуратураси томонидан комплекс тадбир амалга оширилди.

Хусусан, Миллий гвардия Тошкент вилояти бўйича бошқармасида ҳарбий хизматчилар ва уларнинг оила аъзолари учун меҳнат ярмаркаси ўтказилди.

Йигирмадан ортиқ корхона ва ташкилотлар бўш иш ўринлари билан иштирок этган ярмаркада ҳарбий хизматчиларнинг оила аъзоларидан 6 нафарига ишга жойлашиш учун йўлланмалар берилди.

Жараёнда китоблар кўргазмаси ташкил этилди.

Бундан ташқари, ҳарбий хизматчиларнинг турмуш ўртоқлари ва фарзандлари учун бепул чуқурлаштирилган тиббий кўрик ташкиллаштирилиб, тор доирадаги мутахассислар томонидан тиббий тавсия ва маслаҳатлар берилди.

Шу каби Бухоро ҳарбий прокуратураси томонидан ҳарбий қисмларнинг бирида меҳнат ярмаркаси ташкил этилиб, ҳарбийларнинг оила аъзоларига мутахассислар иштирокида бўш иш ўринлари таклиф этилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #мактаб #маҳалла #уч_авлод

Гулистон ҳарбий прокуратураси ва Сирдарё вилояти фавқулодда вазиятлар бошқармаси ҳамкорлигида комплекс тадбир ўтказилди.

Жумладан, фавқулодда вазиятлар бошқармасида умумтаълим мактаблари ўқувчилари учун очиқ эшиклар куни ташкил этилди.

Даставвал “Уч авлод учрашуви” бўлиб ўтди. Унда ёшлар фахрийлардан ўз хизмат бурчини қандай адо этганлиги, ватанпарварлик ва шукроналик ҳисси нақадар қудратга эгалиги ҳақида ҳаётий тушунчаларга эга бўлдилар.

Сўнгра ўқувчилар ҳарбий хизматчилар учун яратилган шароитлар, махсус техника ва воситалар билан яқиндан танишдилар.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир

Наманган ҳарбий прокуратураси томонидан ҳарбий қисмларнинг бирида амалга оширилаётган қурилиш ишларининг аҳволи ўрганилди.

Жараёнда ишларни сифатли ва муддатида бажариш бўйича тегишли тавсиялар берилди.

Сўнгра шахсий таркиб иштирокида профилактик тадбир ўтказилди.

Шу каби Тошкент ҳарбий прокуратураси томонидан ҳарбий қисмларнинг бирида мавжуд шароитлар ўрганилиб, якунида масъулларга тегишли кўрсатмалар бериб ўтилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #антикоррупция

Самарқанд ҳарбий прокуратураси томонидан вилоят фавқулодда вазиятлар бошқармасида "Коррупцияга қарши курашишнинг ҳуқуқий асослари" профилактик тадбир ўтказилди.

Унда таъкидланганидек, шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиш коррупция ҳисобланади.

Коррупцияга қарши курашиш агентлиги, Бош прокуратура, Давлат хавфсизлик хизмати, Ички ишлар вазирлиги, Адлия вазирлиги, Бош прокуратура ҳузуридаги Иқтисодий жиноятларга қарши курашиш департаменти коррупцияга қарши курашиш бўйича фаолиятни бевосита амалга оширувчи давлат органлари саналади.

Шунингдек, мулоқотда коррупция билан боғлиқ жиноятлар ва улар учун назарда тутилган жавобгарлик масалалари ҳақида тушунчалар берилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#жараён #тадбир #яшил_макон

Айни дамда Жиззах ҳарбий прокуратураси ва ҳарбий қисм қўмондонлиги ҳамкорлигида Фориш ҳарбий дала ўқув майдонига бориш йўлидаги чўл ҳудудига манзарали дарахт кўчатлари экилмоқда.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #мактаб #маҳалла

Бухоро ҳарбий прокуратураси томонидан Бухоро давлат педагогика институти ҳарбий таълим факультетида талабалар билан "Прокурорлик соати" ўтказилди.

Бундай машғулотлар олис ҳудудлардаги таълим масканларида, жумладан, Қарши ҳарбий прокуратураси томонидан Деҳқонобод туманидаги 44, 45 ва 46-сонли, Самарқанд ҳарбий прокуратураси томонидан эса Пайариқ туманидаги 40-сонли умумтаълим мактабларида ташкил этилди.

Миллий гвардиянинг Тошкент "Темурбеклар мактаби" ҳарбий-академик лицейи 2-курс ўқувчилари иштирокида Тошкент ҳарбий прокуратураси томонидан ўтказилган шу каби тадбир ҳам савол-жавобларга бой ўтди.

Таъкидлаш жоиз, мулоқотларда ватанпарварлик, эл-юрт тақдирига дахлдорлик, қонунларга ҳурмат ва ҳарбий хизмат масалалари бош мавзу бўлди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир

Ўзбекистон Республикаси Ҳарбий прокуратураси бўлим бошлиғи Д.Ҳамроев томонидан Мудофаа вазирлиги ҳудудий уй-жойдан фойдаланиш қисми, округлар уй-жойдан фойдаланиш хизматлари бошлиқлари ва бошқа масъуллар иштирокида очиқ мулоқот ўтказилди.

Унда қурилиш соҳасидаги давлат дастурлари ва бошқа дастурлар ижроси, бунда ҳуқуқбузарликларнинг олдини олиш ва қонунчилик талабларига риоя этилишини таъминлаш борасида амалга оширилаётган ишлар муҳокама қилинди.

Жараёнда масъулларга тегишли тавсия ва кўрсатмалар берилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #яшил_макон

Урганч ҳарбий прокуратураси томонидан Хоразм вилояти фавқулодда вазиятлар бошқармаси ва Мудофаа вазирлигига қарашли ҳарбий қисм қўмондонлиги ҳамкорлигида Янгиариқ ўқув дала майдонидаги чўл ҳудудида ободонлаштириш ишлари амалга оширилди.

"Яшил макон" умуммиллий лойиҳаси доирасидаги ушбу тадбирда иқлимга мос 400 дона гужум, қорамон ва саксовул кўчатлари экилди.

Тадбирлар давом этмоқда.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube