#Қонунчиликдаги_янгиликлар

❗️Норматив-ҳуқуқий ҳужжатлар лойиҳаларининг илмий асосланганлиги ўрганилади

“Норматив-ҳуқуқий ҳужжатлар лойиҳаларининг илмий асосланганлик даражасини ошириш чора-тадбирлари тўғрисида”ги Ҳукумат қарори (29-сон, 22.01.2025 й.) қабул қилинди

🔰 Қарорга кўра, норматив-ҳуқуқий ҳужжатлар лойиҳалари қуйидагича илмий экспертизадан ўтказилади:

🔹қонун лойиҳалари бўйича - тегишли соҳадаги давлат экспертлик илмий- тадқиқот муассасалари томонидан беғараз асосда;

🔹 қонуности ҳужжатлари лойиҳалари бўйича - тегишли соҳадаги давлат экспертлик илмий-тадқиқот муассасалари, давлат илмий-тадқиқот муассасалари ҳамда давлат олий таълим муассасалари томонидан келишув асосида.

📕 Бунда, норматив-ҳуқуқий ҳужжат лойиҳасини илмий экспертизадан ўтказиш натижалари бўйича хулоса тавсиявий хусусиятга эга бўлиб, хулоса лойиҳани ишлаб чиқувчи ташкилот томонидан кўриб чиқилади.

📜 Лойиҳани ишлаб чиқувчи ташкилот илмий экспертиза хулосасида кўрсатилган таклиф, эътироз ва фикр-мулоҳазалар ёки уларнинг бир қисмини инобатга олмаган тақдирда, улар юзасидан тегишли тушунтиришлар берилган ҳолда келишмовчиликлар жадвалини тайёрлайди.

🏢 Адлия вазирлиги томонидан Норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизимида норматив-ҳуқуқий ҳужжатлар лойиҳаларини илмий экспертизадан ўтказувчи тегишли соҳадаги давлат экспертлик илмий-тадқиқот муассасалари, давлат илмий-тадқиқот муассасалари ҳамда давлат олий таълим муассасаларининг электрон реестри юритилади.

🌐 Норматив-ҳуқуқий ҳужжатлар лойиҳаларининг илмий экспертизаси натижалари бўйича хулоса Норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизими орқали тақдим этилади.

Каналга уланиш👇👇👇
https://t.iss.one/huquqiyaxborot

💰 323 нафар ҳарбий хизматчига 1,1 млрд. сўм солиқ ушланмалари қайтарилишида амалий ёрдам кўрсатилди

Бу ҳақда АОКАда ўтказилган брифингда Ўзбекистон Ҳарбий прокуратураси масъул ходими Ботир Собиров маълум қилди.

⏺Тор доирадаги тиббий мутахассислар жалб этилган ҳолда аёллар орасида кўп учрайдиган онкологик касалликларнинг олдини олиш мақсадида бепул махсус текширувлар ташкил этилди.

⏺Биринчи босқичда Қуролли Кучлар тизимидаги аёл ҳарбий хизматчилар, иккинчи босқичда эса республикамизнинг олис ҳудудларида хизмат ўтаб келаётган ҳарбийларнинг 3 мингга яқин оила аъзолари бепул чуқурлаштирилган тиббий кўриклардан ўтказилди.

⏺Жараёнда ҳарбий хизматчилар оила аъзоларининг 70 нафарига Республика онкология ва тиббий радиология ихтисослаштирилган илмий-амалий тиббиёт марказига йўлланмалар берилди.

⏺Қонунчиликда белгиланган тартибда ҳарбий хизматчиларга тегишли солиқ имтиёзлари қўлланилиши доирасида 323 нафар ҳарбий хизматчига 1,1 млрд. сўм солиқ ушланмалари қайтарилишида амалий ёрдам кўрсатилди.

⏺Республикамиз бўйича жами 14 та касб-ҳунар мактаби билан ҳамкорлик меморандумлари имзоланиб, ёшларни ватанга садоқат руҳида тарбиялаш борасидаги ишлар самарали йўлга қўйилди.

⏺Олис ҳудудлардаги жами 42 та умумтаълим мактабида 756 нафар ўқувчи қизлар иштирокида “Мен ватанпарварман” кўрик - танловлари ўтказилиб, ғолиблар муносиб тақдирланди.

✍️ Батафсил

Telegram | Youtube | Facebook | Instagram | Медиабанк | Сайт