Birinchi marta Telegram kanal ochganimda, nom ham, ichidagi postlarni ham tikkasiga ko'chirib yuritdim, tasavvur qilyapsiz a, bir xil nom, bir xil postlar lekin ikalasi alohida odam tomonidan yuritiladi

– Keyin o'zim alohida kanal qilishim kerak ekan deb alohida kanal ochdim, uni ham bir kanalni kuzatib yurardim, o'sha kanal yo'nalishida qildim, o'sha kanalga o'xshatib yozishga harakat qilardim.

– Keyin SMM ga kirdim, bunda ham bu yo'nalishdagilar nima qilayotgan ekan deb ularni ishini o'zimni loyihalarimda qilishni boshladim, ular qilgan, men qilmaganmanku.

– Keyin bir loyiha bilan 2-3yil ishlaganimdan keyin qo'shimcha loyihalar olishni boshladim, loyihalarni oldim bir o'zim qildim, loyihalar ko'paygani sari esa buni bir o'zim qila olmasligimni, hech bo'lmaganida yonimda bitta mobilograf bilan qilishimni bildim, ikki kishi loyihalarni yuritdik.

– Keyin 2-3 ta loyihalarni yuritayotganlar qanday yuritar ekan deb qiziqib boshladim, jamoa qanday boshqarilarkan, vazifalar qanday taqsimlanarkan deb ularni o'rganishni boshladim.

– Keyin katta jamoa qilishni o'ylab qolib jamoani va loyihalarni kengaytirib boshladim, bu xuddi – marketing agentlik, ha bu ham qilingan, lekin men qilib ko'rmadimku.

Jamoani kengaytirish uchun esa mutaxassis kerak, qarasam mutaxassis yo'q, bor bo'lsa ham ular mendan bilimli va men bilan ishlashmaydi. Keyin o'zim bilganimni kurs qilib bollarga o'rgatishni boshladim

Bu 2023-yil kuz oylarida edi, kurs qildim va o'zim bilgan bilimimni o'quvchilarga o'rgatdim, natijalar jaa hammasi zo'r bo'lmasada qoniqtirdi.

Keyin jamoani kengaytirib boshladik, 3-4 kishi.

Shu yil, 2024-yil yoz oylari, loyihalar soni 6-7 taga chiqdi, boshqaruvni yaxshi bilmasdim, kelishuv qilishlarni aniq bilmasdim, tavakkal, olaverdik, nima qilib berish kerak tadbirkorga, uni xohishlarini qanday, bilmasdim, 7 ta loyihadan 2 taga quladik, qayerdadir xatolik ketdi, qilolmadik, shok boshlandi.

Buni qilolmaskanman, agentlik biznesi qiyin ekan, depressiya boshlandi.

O'rtada umuman loyiha ololmadik, loyiha chiqmadi ham.

Keyin o'rganishni boshladim, yon atrofimdagi tanishlarimdan so'rab boshladim, qanday bo'ladi, jamoani qanday boshqarasizlar, tizimi qanday, kim qanday KPI ga javob beradi, loyihalar bilan qanday kelishuv qilasizlar xullas ichim savollarga to'la, hozir ham, uyalmayman so'rashga, men bilmaydigan narsalarni u biladimi, nimadir ololamanmi bosh egib boraman.

Hozir ham Enter Marketing Agency'ni rivojlantiryapmiz, bu qilingan, men qilmaganman, lekin hozir o'zimni qiynab, majburlab qilyapman, o'sish nuqta shu aslida.

Xullas nima demoqchiman, ko'chirish yoki kimdir qilgan ishni siz qilishingiz normal.

@ramzbek

Eng birinchi postni 2020-yil, avgustda yozganman, 4 yarim yil bo'lyapti ekan blog boshlaganimga.

Yuqoridagi fikrlarimni o'qib ko'rib oldin qanday fikrlagan ekanman, hozir qanday fikrlayapman bilib boraman.

Mana sizga blog yuritish uchun yana bir sabab.

Working process 📈

🌟 “Enter Marketing” jamoasi ushbu kichik xonada 10 ga yaqin loyihalarni yuritib kelmoqda.

🔥 Xudo xohlasa katta-katta ofislarda jamoamiz bilan Qashqadaryoda va kelajakda butun Oʻzbekiston boʻylab koʻplab bizneslarga oʻz xizmatlarini koʻrsatishni maqsad qilib qoʻyganmiz!

«Enter Marketing Agency» — Qarshi shahridagi eng professional darajada marketing xizmatlarini koʻrsatuvchi va raqamlar asosida ishlovchi kompaniya!

@ramzbek

Oila 🙃

Enter Marketing jamoamiz! Bu yilning soʻngi kursini 8 nafar oʻquvchilar tamomlashdi va 4 nafari bizning jamoamizga qoʻshildi!

Jamoamiz a’zolarini shu yil 10 nafarga yetkazamiz deb maqsad qoʻygan edik. Har bir jamoamizning yangi a’zosi oʻzining rizqi bilan keldi. Jamoa a’zolarimiz ham 10 ga yaqinlashib qoldi.

Bugun yil yakuni boʻyicha tadbir tashkil qildik.

@ramzbek

Tanishing, Jahongir, eng birinchi patok SMM kursimizni tamomlagan.

Hozirda Markwork marketing agentligida 6 ta loyihani yuritib kelyapti.

Jahongirda boshida qoʻrquv bor edi. Lekin viloyatda, qarshida boʻlishiga qaramasdan sohani oʻrganib, yangi kasb oʻrganib hozir yaxshigina daromadga ham chiqqan.

Xudo xohlasa yanvar oyida SMM ni endi oʻrganmoqchi boʻlganlar uchun yangi kurs ochyapmiz.

– 20 kishi qabul qilinadi;
– Support teacherlar boʻladi;
– Kursga suhbat asosida qabul qilamiz;
– Qabulni tez orada yopamiz.

➡️ Suhbatga yozilish

@ramzbek

Katta ma'suliyatni olgan kishi katta ishlar qila oladi

O'zi ko'pchilik holatda yaxshi mutaxassis bo'lish uchun shunchaki ma'suliyatli bo'lishni o'zi yetarli bo'lar ekan.

Katta ma'suliyat esa katta ishlarga yo'l ochadi.

Katta ma'suliyatni lekin hamma ham ola olmaydi, shuning uchun ham o'sish bo'lmaydi.

Shunchaki ma'suliyati bo'lish bor, katta ma'suliyatni olish bor, alohida bular.

Masalan butun bir jamoa ma'suliyati, oila qurganingizdan keyin oila ma'suliyati, farzandli bo'lganingizdan keyin farzand ma'suliyati va boshqa.

@ramzbek

Darsdan keyin razbor qilyapmiz.

Bu yerdan chiqib qarshiga chiqib ketishimiz kerak. Ertaga ertalabdan esa ishga chiqamiz 🙂

@ramzbek

Nokia qanday qilib yo‘qolib ketdi?

Nokiani yoʻqolib ketish sabablaridan eng kattasi bu — davrga, yangiliklarga moslasha olmaslik. Bundan har kim xulosa chiqarishi mumkin.

1. Yangiliklarga moslasha olmaslik (Innovatsiyasizlik)

2000-yillarning boshida Nokia dunyodagi eng yirik mobil kompaniya edi. Lekin ular sensorli ekran va smartfonlar rivojlanayotganini inkor qilishdi. iPhone va Android telefonlar kelganda, Nokia hamon oddiy klaviaturalarga e'tibor berayotgan edi.

Xulosa: Bozordagi o‘zgarishlarga moslashish juda muhim. Brend kuchli bo‘lsa ham, texnologiya orqada qolsa, raqobat yutib ketadi.

2. Ishonchsiz operatsion tizim (Ekotizim yo‘qligi)

Nokia uzoq vaqt davomida Symbian operatsion tizimidan foydalangan, lekin u iOS va Android kabi rivojlangan emas edi. Keyinchalik ular Microsoft bilan hamkorlik qilib, Windows Phone yaratishdi, lekin bu ham bozorda katta o‘zgarish yasay olmadi.

Foydalanuvchilarga qulay ekotizim yaratish shart. Apple (iOS) va Google (Android) buni Nokia’dan ko‘ra yaxshiroq bajardi.

3. Brend imidjini yangilamaslik

Nokia uzoq yillar faqat “mustahkam va oddiy telefonlar” ishlab chiqaruvchi brend sifatida tanildi. Smartfon bozorida esa innovatsion imidj yaratishning iloji bo‘lmadi.

Brend imidji muntazam yangilanib borishi kerak. Tesla kelajakka moslashayotgani kabi, Apple va Samsung ham har doim innovatsiyalar bilan oldinda yurishadi.

– Nokia va boshqa brendlar solishtirilsa:

✅ Apple – Innovatsiyaga doim tayyor bo‘ldi.
✅ Samsung – Texnologik rivojlanishga katta mablag‘ ajratdi.
✅ Tesla – An’anaviy avtomobil kompaniyalari o‘ylamagan yo‘nalishda ish boshladi.
❌ Nokia – O‘zgarishlarga moslasha olmadi va yo‘qolib ketdi.

Yakuniy xulosa: Kuchli brend yaratish uchun nima qilish kerak?

– Bozor talablariga moslashish – Texnologiya va mijoz ehtiyojlariga e’tibor berish.
– Innovatsiyaga sarmoya kiritish – Rivojlanish va yangi trendlarni o‘zlashtirish.
– Brend imidjini yangilab borish – Faqat “o‘tmishdagi muvaffaqiyat” bilan yashamaslik.

@ramzbek

Darslarimiz ham davom etyapti.

Yuqoridagi kabi har kuni foydali postlar yozib bormoqchiman, nima deysiz? 🔥👍🏻

Har hafta 1000 km bosib oʻtdik. Qarshidan Toshkentga qatnab. 1 oylik kurs tugadi.

Odatda jaa koʻp kurslarda oʻqib tashlamayman.

Koʻproq oʻrganilgan bilimni ishda qoʻllashdan maza qilaman.

@ramzbek

Ko'pchilik tanishlarim Notion'da jamoani boshqarish, kontent plan tuzish bo'yicha savollar so'rashadi, shuning uchun ham proyektlarni qanday boshqarish va umuman notionda ishlash bo'yicha yo'riqnoma tayyorladim.

Yo'riqnomada o'zimizni loyihalarimizni Notion'da qanday boshqarishimi ko'rsatib berganman.

🎥 Yo'riqnomani ko'rish: https://youtu.be/Xt6w8T4X2Js

@ramzbek