“Oqmachit” mahallasida yangi “maktab stadioni” ochilib, “Prokuror kubogi” musobaqasi o’tkazildi

“Yangi yil” bayrami arafasida yoshlar istagi va 2-sektor tashabbusi bilan “Oqmachit” mahallasidagi 4-sonli maktabda O’zbekiston mahallalari uyushmasi va homiylar hisobidan umumiy qiymati 500 mln so’mdan ortiq bo’lgan yangi sun’iy qoplamali sport o’yingohi foydalanishga topshirildi.

Tadbirda tuman hokimi Fayzullo G’ulomov, tuman prokurori Sardor Nazarov, IIB boshlig’i G’ayrat Xaydarov va keng jamoatchilik ishtirok etishdi.

Dastlab, maydon atrofida rahbarlar va nuroniylar ko’chat ekib, ochilish marosimini boshlab berishdi.

Tadbirda so’zga chiqqanlar Davlatimiz rahbarining sport va sportsevar yoshlarga berilayotgan e’tiborlari natijasida bugun mamlakatimiz yoshlar Jahon sahnalarida turib, yurtimiz bayrog’ini yuqoriga ko’tarayotgani, mahallalarda yoshlarning jismoniy tarbiya va sport bilan shug’ullanishi uchun keng imkoniyatlar yaratilayotganini ta’kidlashdi.

Shundan so’ng, tuman prokurori tashabbusi bilan 2-sektordagi mahallalardan prokuraturaga biriktirilib, otaliqqa olingan yoshlar jamoalari o’rtasida tashkil etilgan sportning futbol turi bo’yicha “Prokuror kubogi” musobaqasining final uchrashuvi ushbu maydonda tashkil etilib, unda “Oqmachit” va “Mirishkor” yoshlari maydonda bellashdilar.

Musobaqa yakunida g’oliblarga medal va esdalik sovg’alar topshirildi.

😎😎😎😎😎😎😎😎

📌📌📌📌 / @mirishkorpress