"Деҳқонобод" сел-сув омбори фойдаланишга топширилди

Бугун вилоят ҳокими Муротжон Азимов бошчилигидаги сектор раҳбарлари туманнинг нуронийлар ва ёшлари иштирокида 20 млн. метр куб сув йиғишга мўлжалланган сел-сув омборини тантанали очилиш маросимида иштирок этди.

Ушбу сув омбор тўғонининг баландлиги 7 метрга етказилиб, қиялигида 20 см. қалинликда монолит темир-бетон ётқизиш, фавқулодда сув ташлама иншоотининг кириш ва чиқиш қисмлари қайта қуриш ишлари бажарилиб, омборнинг техник ҳолатини кузатиб бориш учун 48 дона кузатув қудуқлари ва 2 та қоровулхона биноси қурилди. Тўғон ва сув омбор атрофи 3 км. узунликда тиканли ҳимоя симлар билан ўралиб, 38 дона ёритиш устунлари ўрнатилди. Бир сўз билан айтганда, замонавий ва мустаҳкам кўринишга эга бўлди.

Натижада тумандаги 22 та қишлоқда яшовчи 29 минг аҳолининг томорқа майдонлари оқар сувга бўлган эҳтиёжи қондирилишига, 10 дан ортиқ ишлаб чиқариш корхоналарига қўшимча сув берилишига ва 1,6 минг гектар ер майдонлари ишончли сув билан таъминланишига замин яратилди.

9 апрель – Aмир Темур таваллуд топган кун

Соҳибқирон Aмир Темур таваллудининг 687 йиллиги Қашқадарёда ҳам кенг нишонланди.

Эрта тонгдан Шаҳрисабз шаҳри марказидаги Aмир Темур хиёбони вилоят сектор раҳбарлари, давлат ва жамоат ташкилотлари раҳбарлари, кенг жамоатчилик, олим ва тадқиқотчилар, нуронийлар ҳамда ёшлар билан гавжум бўлди.

Улар Соҳибқирон ҳайкали пойига гулчамбарлар қўйишиб, улуғ саркардага ўзларининг чексиз ҳурмат-эҳтиромларини изҳор этдилар.

📸 У.Нормуратов.
Telegram|YouTube|Facebook|Instagram|Twitter

Театр - тарбия, маданият, маънавият ва маърифат масканидир

Президентимизнинг театр соҳасига доимий эътибори, шу борада қабул қилинган қатор фармон ва қарорлари миллий театримизни янада ривожлантириш, унинг моддий-техник базаси ва кадрлар салоҳиятини мустаҳкамлаш, халқимиз ўртасида театр санъатига бўлган қизиқиш ва эътиборни кучайтиришга хизмат қилмоқда.

Жойларда театрларимиз ҳаётида ҳам туб ўзгаришлар амалга оширилмоқда. Хусусан, воҳамизда ҳам театр соҳаси ривожи учун маблағ ажратилиб, томошабоп саҳна кўринишларини намойиш этиш борасида ишлар бошлаб юборилди.

Бугун Қарши шаҳридаги вилоят театрида Соҳибқирон Амир Темур бобомиз таваллудига бағишлаб саҳналаштирилган “Оқсарой” спектакли намойишига сектор раҳбарлари, давлат ташкилотларининг раҳбар ва ходимлари оилавий ташриф буюришди.

Зеро, санъат одамларни эзгуликка чорлайди, яхшиликка ундайди, энг гўзал ҳис-туйғуларни инъом этади.

📸 М.Комилов.
👉 @qvh_axboroti