#Мактаб_ҳаёти

ТЕАТР АКТЁРИ МАКТАБИМИЗ МЕҲМОНИ БЎЛДИ

🟡Ижодкорлар билан дилдан суҳбат қуриш, адабиёт вакиллари билан учрашиш, кишига катта завқ-шавқ беради.

♾Бугун, 32-сонли умумтаълим мактабида ўтказилган "Санъат ва адабиёт – маънавият сарчашмаси" деб номланган маданий-маърифий тадбир ҳам ўқувчи-ёшларга ана шундай кўтаринкилик берди.

🎙Адабий учрашувда Ўзбекистон драма театрининг таниқли актёри Шукрулло Сўфиев ҳамда Ўзбекистон Ёзувчилар уюшмаси аъзоси, мазкур мактабнинг Ижодий маданий масалалар бўйича тарғиботчиси Наргиза Асадовалар иштирок этди.

✅Бу каби учрашувлар ўқувчилар қалбида бир умр эсда қоларли бўлиб, санъат ва адабиётга бўлган меҳрини ошириши шубҳасиз.

✏️Қуйи Чирчиқ туман ҳокимлиги Ахборот хизмати

https://t.iss.one/quyi_chirchiq_pressa

#Тақдимот

МАЪРИФАТ УЛАШГАН ЛОЙИҲА

🗣11 май куни туман марказидаги “Дўстлик” танталар уйида Ўзбекистон Республикаси Кўзи ожизлар жамияти туман бўлинмасининг 2022-йилда ютган гранд лойиҳаси тақдимот маросими бўлиб ўтди.

🗣Унда Тошкент вилоятининг 19 та туман ва шаҳар Кўзи ожизлар жамияти раислари ва туманда ҳозирги вақтда рўйхатда турувчи жамият аъзолари иштирок этдилар.

🗣Имконияти чекланган кўзи ожиз инсонларни қуллаб-қувватлаш ва уларнинг хонадонига маърифат, маънавият улашиш мақсадида бугунги тақдимотга келган барча туман шаҳар жамият раисларига ўз ҳудудларидаги кўзи ожиз инсонларга тақдим этишлари учун 10 донадан кўп имкониятларга эга бўлган овозли карнай ҳамда катта хотирадаги USB флешкаларини тақдим этдик. Эътиборлиси ушбу флешкаларда жаҳон ва ўзбек адабиётига оид аудио китоблар, театрлар, қўшиқлар ёзилган бўлиб, овозли карнай орқали истаган вақтларидан ҳордиқ олишлари мумкин бўлади.

🗣Тақдимотдан сўнг иштирокчилар учун туман Маданият ва туризм бўлими ходимлари томонидан байрам дастури намойиш этилиб, дастурхон атрофида, бир пиёла чой устида кечган самимий суҳбатлар билан давом этди.

✏️Қуйи Чирчиқ туман ҳокимлиги Ахборот хизмати

https://t.iss.one/quyi_chirchiq_pressa