#bildirish

SSB: Qurbon hayiti va dam olish kunlari qaysi tibbiyot muassasalari uzluksiz faoliyat koʻrsatadi?

Avval xabar qilganimizdek, Qurbon hayiti munosabati bilan yurtimiz boʻyicha 28-iyun - 2-iyul sanalarida ketma-ket 5 kun dam olish kuni boʻladi.

Toshkent viloyati Sogʻliqni saqlash boshqarmasi ushbu muborak ayyom va dam olish kunlarida quyidagi davolash-profilaktika muassasalarining 40 ming nafar tibbiyot xodimi qonunda belgilangan tartibda navbatchilik asosida aholiga xizmat koʻrsatishini ma’lum qiladi:

➖ 22 ta koʻp tarmoqli markaziy poliklinika
➖ 91 ta oilaviy poliklinika,
➖ 67 ta oilaviy shifokorlik punkti,
➖111 ta mahalla tibbiyot punkti,
➖ tuman, viloyat va  shifoxonalari,
➖ ixtisoslashtirilgan tibbiyot markazlari,
➖ tibbiyot oliy oʻquv yurtlari klinikalari.

Respublika shoshilinch tez tibbiy yordam ilmiy markazi, Toshkent viloyat filiali uning hududlardagi 22 ta filiali, tumanlardagi 21 ta shoshilinch tibbiy yordam qabul boʻlimi hamda shahar, tumanlararo qoʻshma shikastlanishlar va oʻtkir qon-tomir kasalliklari markazlarida 24 soat davomida navbatchi shifokor va hamshiralar faoliyat yuritadi.

Viloyatimiz boʻyicha tez tibbiy yordam brigadalari hamda barcha Davolash profilaktika muassasalari aholidan boʻladigan chaqiriqlar asosida kunu tun xizmat koʻrsatadi.

☎️ Call-markazi (1103) orqali tibbiyotga tegishli savollaringizga malakali mutaxassislardan kechayu kunduz javob olishingiz mumkin.

‼️Toshkent viloyati Sogʻliqni saqlash boshqarmasi bayram kunlarida mehnat qiladigan barcha tibbiyot xodimlariga oʻz minnatdorchiligini bildiradi.

🌐Telegram 🌐Website 🌐YouTube 📱Instagram 📱Facebook 📱Twitter

#e’tirof

27-iyun - Matbuot va ommaviy axborot xizmatlari xodimlari kuni munosabati bilan Boʻstonliq tumanida oʻtkazilgan viloyat bayram tadbiri tafsilotlari "Nurafshon" telekanalida namoyish qilindi.

Batafsil lavhada

🌐Telegram 🌐Website 🌐YouTube 📱Instagram 📱Facebook 📱Twitter

#Shukuh

Viloyatning 209 ta masjidida Qurbon hayiti namozi o‘qildi

28 iyun kuni viloyat masjidlarida Qurbon hayiti namozlarida 400 mingdan ortiq yurtdoshlarimiz ishtirok etdi.

Namozlarda mamlakatda hukm surayotgan tinchlik va osoyishtalik, mustaqillik tufayli islomiy qadriyatlarning tiklanishi va rivojlanishi, diniy e’tiqod erkinligi va diniy bag‘rikenglikni ta’minlash hamda amalga oshirilayotgan bunyodkorlik va ezgulik ishlariga berilayotgan yuksak e’tiborga shukronalik bildirildi va duolar qilindi.

Din mas’ullari tomonidan ayyom arafasida homiylarni jalb etgan holda, joylarda nogironlar, yolg‘iz keksalar, boquvchisini yo‘qotgan fuqarolar hamda kam ta’minlangan oilalarga, Ikkinchi jahon urushi qatnashchilariga, mehnat faxriylariga moddiy yordamlar ko‘rsatildi. «Mehribonlik», «Muruvvat» va «Saxovat» uylariga ziyoratlar va hayriya tadbirlari uyushtirildi.

Ma’lumot o‘rnida aytish mumkin,
shu kunlarda viloyatdan 1000 dan ziyod yurtdoshlarimiz Haj ibodatini ado etmoqda.

🌐Telegram 🌐Website 🌐YouTube 📱Instagram 📱Facebook 📱Twitter

#nazorat

Tungi vaqtda yoʻllarda, masjidlar atrofida shuningdek, Qurbon hayiti namozi vaqtida Toshkent viloyatida joylashgan barcha masjidlarda tashrif buyuruvchilarning harakat xavfsizligi ta’minlandi.

🌐Telegram 🌐Website 🌐YouTube 📱Instagram 📱Facebook 📱Twitter