#ДХА_Мўйноқда_тақдимот

Давлат хизматлари агентлиги директори ўринбосари Нуъмон Мухаммадиев Мўйноқ аҳолиси билан учрашди.

Давлатимиз раҳбарининг Олий Мажлисга Мурожаатномаси, шунингдек Қарши шаҳар Давлат хизматлари марказига ташрифи давомида берилган топшириқлар ижросини таъминлаш учун юртимиз бўйлаб маҳаллаларда "ДХМ-маҳалла-фуқаро" тамойили асосида фуқароларимизнинг электрон давлат хизматларидан фойдаланиш кўникмаларини ошириш мақсадида тақдимотлар, "маҳорат дарслари" ўтказилмоқда.

Навбатдаги манзил — Нукус шаҳридан 220 км узоқликда жойлашган Мўйноқ.

#Салом_Мўйноқ_Биз_биргамиз

Давлат хизматлари агентлиги масъул ходимлари Орол бўйи ҳудуди — Мўйноқ ва унинг олис овулларида истиқомат қилувчи аҳоли билан учрашди.

Нукус шаҳридан 220 км олисда жойлашган Мўйноқда 32 мингдан зиёд аҳоли истиқомат қилади. Ҳудуд аҳолиси турмуши фаровонлигини ошириш учун давлатимиз раҳбарининг ташаббуси билан чўлда марварид шаҳар қад кўтарди.

Туманнинг иқтисодий-ижтимоий ҳаётида ўзгариш юз берди. Одамларга давлат хизматларини кўрсатишда барча имкониятлар яратилди. Кўп иншоотлар қаторида ҳудудда Давлат хизматлари марказининг мўъжазгина замонавий биноси қад ростлади.

📊 Маълумот учун: 2020 йил давомида Мўйноқ тумани ДХМ томонидан аҳоли ва тадбиркорлик субъектларига жами 20 мингдан ортиқ давлат хизматлари кўрсатилди.

Агентлик масъуллари томонидан туман аҳолисига ҳамда Орол бўйи ҳудуди эко-муҳитини яхшилашга ўз ҳиссасини қўшаётган кўнгиллиларга озиқ-овқат маҳсулотлари топширилди.

🔴#Live

Айни дамда Давлат хизматлари агентлиги директори ўринбосари Нуъмон Мухаммадиев Қорақалпоғистон Республикаси Амударё тумани Давлат хизматлари марказида ҳудуд аҳли учун электрон давлат хизматларидан фойдаланиш афзалликлари юзасидан тақдимот қилмоқда.

#ДXA_Қорақалпоғистонда

Қорақалпоғистон бўйлаб хизмат сафари давом этмоқда.

Аввалроқ хабар берилганидек, шу кунларда ДХА директори ўринбосари Н. Мухаммадиев бошчилигидаги масъуллар гуруҳи Қорақалпоғистон Республикасида.

💻📲 Ташриф давомида аҳоли, айниқса ёшларни давлат хизматлари тизими билан таништириш, электрон хизматлардан фойдаланиш қулайликлари, Давлат хизматлари марказлари ва ФҲДЁ бўлимларида ташкил яратилган шароитлар, аҳолининг розилиги даражасини ўрганиш режалаштирилган эди.

Хусусан, хизмат сафарининг иккинчи кунида Н. Мухаммадиев
Амударё тумани ва Нукус шаҳар ФҲДЁ бўлимлари ва Қорақалпоғистон Республикаси ФҲДЁ архиви фаолияти билан танишди.

Бунда алоҳида эътибор ходимларга яратилаётган шароитлар, меҳнатга адолатли ҳақ тўлаш, идоралараро интеграция масалаларига қаратилди.