#nızamshılıqtag‘ı_jańalıqlar

Arnawlı ekonomikalıq zonalar qatnasıwshılarına jańa salıq jeńillikleri belgilendi

📌Prezidentimizdiń 2021-jıl 14-sentyabr kúngi “Arnawlı ekonomikalıq zonalardıń qatnasıwshıların bunnan bılay da qollap-quwatlaw ilajları haqqında”g‘ı qararına muwapıq:

✅ 2020-jıl 1-yanvardan baslap arnawlı ekonomikalıq zonalardıń qatnasıwshılarına payda salıg‘ı boyınsha jeńillikler biykarlang‘anlıg‘ı múnásibeti menen usı salıq jeńillikleriniń paydalanılmay qalg‘an bólegi 2020-jıl 1-oktyabrge shekem arnawlı ekonomikalıq zona qatnasıwshılarınıń reestrıne kirgizilgen qatnasıwshılar ushın, olar tárepinen kirgizilgen investitsiyalar kóleminen kelip shıqqan halda, olar reestrge kirgizilgen sáneden baslap 3 jıldan 10 jılg‘a shekemgi múddetlerde tolıq qollanıladı.

✅ arnawlı ekonomikalıq zonalardıń qatnasıwshılarına 2021-jıl 15-sentyabrden baslap ónim islep shıg‘arıwda hám óz mútájlikleri ushın paydalanılatug‘ın komplektlewshi buyımlar, shiyki zat hám materiallardı import yetkende QQS hám bajıxana bajısın protsentler esaplanbag‘an hám olardıń tóleniwin támiynlew talap yetilmegen halda 120 kúnge shekemgi múddetkke keshiktirip (bólip-bólip) tólew huqıqı beriledi.

Kanalǵa aǵza boliw: https://t.iss.one/qrmsb