Quyash panelleri Qaraqalpaqstan Respublikası kadastr imaratında

Mámleketlik kadastrları palatası Qaraqalpaqstan Respublikası basqarmasınıń hákimshilik imaratına quyash panelleri ornatıldı.

Qayta tikleniwshi energiyadan nátiyjeli paydalanıw hám energiya tejewshi texnikalardı qollanıw maqsetinde Mámleketlik kadastrları palatası Qaraqalpaqstan Respublikası basqarmasınıń hákimshilik imaratına Qıtaydıń LONGI kompaniyasınıń 550 W elektr quwatın beretuǵın 37 dana MONOKRISTAL quyash panelleri qánigeler tárepinen anıq esap-kitabı menen ornatıldı. Bul panellerdiń ulıwmalıq sanınıń bahası saatına 20 kw elektr energiyasın islep shıǵaradı.

Qaraqalpaqstan kadastr
Telegram | Instagram  | Facebook | Youtube

#Jer_qadaǵalaw

Nókis rayonında nızamsız qurılma saplastırılmaqta

Nókis rayonı «Diyxan arna» APJ aymaǵında puqara tárepinen óz basımshalıq penen mámleket esabında turǵan jer maydanǵa turaq jay ushın jaramlı bolmaǵan imarat qurılǵanı anıqlandı.

Bul nızamsız háreket boyınsha kadastr agentligi Nókis rayonı bólimi inspektorları tárepinen tiyisli bayannama rásmiyletirilip, puqaraǵa túsinik jumısları alıp barıldı. Nátiyjede nızamsız qurılıp atırǵan imarat puqara tárepinen saplastırılıp, jer maydanı aldınǵa halatına qaytarılmaqta.

Qaraqalpaqstan kadastr
Telegram | Instagram  | Facebook | Youtube

#kóshpeli_kadastr

Aldın xabar bergenimizdey Ámiwdáriya rayonında kóshpeli kadastr xızmetleri jolǵa qoyılǵan edi.

Rayondaǵı «Xolimbeg» APJ aymaǵında arnawlı shtab shólkemlestirilip, tiyisli shólkemler menen birge yaǵnıy Mámleketlik kadastrları palatası Ámiwdariya rayonı filialı, rayonlıq arxiv bólimi, mámleketlik xızmetler orayı hám qurılıs bólimi qánigeleri menen aymaq turǵınlarınıń kadastr pasportların tayarlaw hám kóshpes múlkke bolǵan huqıqıların dizimnen ótkeriw jumısları alıp barıldı, bir neshe kún dawam etken kóshpeli xızmette jámi 83 arza qabıllandı hám hújjetlerdi rásmiylestiriw jumısları alıp barılmaqta.

Aymaqlarda «Máhellebay» islew principi tiykarında bunday ilaj dawam etpekte.

Qaraqalpaqstan kadastr
Telegram | Instagram  | Facebook | Youtube

Kóshpeli qabıllaw ótkerildi

Jınayat isleri boyınsha Xojeli rayon sudınıń baslıǵı I.Allaniyazov, Nókis rayonlararalıq ekonomikalıq sudınıń sudyası B.Baymuratov hám Kadastr agentligi Xojeli rayon bólimi baslıǵı A.Kaiypnazarovlar tárepinen Xojeli rayonındaǵı «Ámiwdárya» awıl puqaralar jıyını imaratında kóshpeli qabıllaw ótkerildi.
Qabıllawda  puqaralardıń múrájatları boyınsha tiyisli tártipte huqıqıy túsinikler berildi.

(xodjeyli_rk)

Qaraqalpaqstan kadastr
Telegram | Instagram  | Facebook | Youtube

Mámleketlik kadastrları palatasınıń qala hám rayon filialları arxivlerinde kadastr hújjeterin jámlew, esapqa alıw, saqlaw xám paydalanıwdı ámelge asırıw boyınsha instrukciyası tastıyıqlandı.

Usı tártip menen tanıstırıw hám saqlanıp atırǵan hújjetlerdi kózden ótkeriw maqsetinde Mámleketlik kadastrları palatası Arxiv isin qadaǵalaw bólimi bas qánigesi T.Mwminov hám Mámleketlik kadastrları palatasınıń Qaraqalpaqstan Respublikası basqarması arxiv isin qadaǵalaw bas qánigesi N.Juzmuratovlar tárepinen filillardaǵı arxiv bólimleri menen tanısıp, qánigeler menen sáwbet ótkerildi.

Ótkerilgen úyreniw jumıslar dawamında filillarda hújjetlerdiń saqlanıwında anıqlanǵan kemshiliklerdi saplastırıw boyınsha tapsırmalar berildi hám jańa tastıyıqlanǵan instrukciya menen barlıq arxivshiler tanıstırıldı.

👉Tolıq oqıw

Qaraqalpaqstan kadastr
Telegram | Instagram  | Facebook | Youtube