Rayon (qala) hákimleriniń jer uchastkasın ajıratıw haqqındaǵı qararların tastıyıqlaw máselesi kórip shıǵılmaǵan jaǵdaylarda huqıqlardı tán alıw tiykarları qanday?

📃Rayon (qala) hákimleriniń qararları menen nızam hújjetlerine muwapıq puqaralarǵa, jeke tártiptegi isbilermenlerge hám rezident bolǵan yuridikalıq táreplerge ajıratılǵan, tastıyıqlaw máselesi Qaraqalpaqstan Respublikası Ministrler Keńesi, wálayatlar hám Tashkent qalası hákimleri jáne Qaraqalpaqstan Respublikası Joqarǵı Keńesi hám tiyisli xalıq deputatları Keńesi tárepinen kórip shıǵılmaǵan jer uchastkasına ijara huqıqın jáne onda qurılǵan imaratlar menen obyektlerge bolǵan múlk huqıqın tán alıw ushın tómendegi shártlerdiń barlıǵı orınlanǵanlıǵı tiykar boladı, eger:

◼️qarar rayon (qala) hákimleri tárepinen óz wákillikleri sheńberinde 2021-jıl 8-iyunge shekem qabıl etilgen bolsa;

◼️rayon (qala) hákimleriniń qararların tastıyıqlaw máselesi Qaraqalpaqstan Respublikası Ministrler Keńesi, wálayatlar hám Tashkent qalası hákimleri jáne Qaraqalpaqstan Respublikası Joqarǵı Keńesi hám tiyisli xalıq deputatları Keńesi tárepinen biykar etilmegen bolsa;

◼️jer uchastkası ajıratılǵannan keyin eki jıl ishinde imarat hám obyekt belgilengen maqsetlerge muwapıq qurılǵan bolsa yamasa olardıń qurılısı baslanǵan bolsa;

◼️usı jer uchastkası basqa fizikalıq hám yuridikalıq táreplerge ajıratılmaǵan yamasa elektron onlayn-aukcionǵa qoyılmaǵan bolsa;

◼️️ usı jer uchastkasınan paydalanıw boyınsha fizikalıq hám (yamasa) yuridikalıq shaxslar arasında kelispewshilik bolmasa;

◼️usı jer uchastkası ushın jer salıǵı boyınsha, onda qurılǵan imaratlar hám obyektler ushın bolsa múlk salıǵı boyınsha qarızdarlıq bolmasa.

Tiykar: ÓRN-937 05.08.2024-jıl

Qaraqalpaqstan kadastr
Telegram | Instagram  | Facebook | Youtube

My.gov.uz portalında qanday kadastr xızmetlerden onlayn paydalanıw múmkin?

Tómendegi kadastr xızmetlerinen online paydalanıwıńız múmkin. Onıń ushın kerekli xızmetti tańlap ústine basıń.

👔Kóshpes múlk obyektlerine bolǵan huqıqlardı mámleketlik diziminen ótkeriwge arza jiberiw;

👔Kadastr pasportın rásmiylestiriw;

👔Puqaralardıń atında jeke turaq-jayı bar yamasa joq ekenligi haqqındaǵı maǵlıwmatnama alıw ;

👔Turaq jaydı naturaq jay túrine ótkeriw;

👔Kóshpes múlkti sawǵa etiw yamasa almasıw hám aldı -sattı boyınsha múrájat jiberiw;

👔Turaq jaydıń maydanı boyınsha maǵlıwmatnama alıw ;

👔Jay hám imaratlardı ijara shártnamasın mámleketlik diziminen ótkeriw;

👔Ózgeniń jer uchastkasınan sheklengen tárizde paydalanıw huqıqı (servitut) haqqındaǵı kelisimdi mámleketlik diziminen ótkeriw;

Sonıń menen birge “Elektron litsenziyalaw portalı” arqalı yuridikalıq shaxslar
👔Geodeziya hám kartografiya iskerligin júrgiziwge licenziya alıw ushın arza beriwi múmkin.

Qaraqalpaqstan kadastr
Telegram|Instagram|Facebook|Youtube