#aukcion
Qaraqalpaqstan Respublikasında Jeke tártipdegi turaq jaylar qurıw ushın aukcionǵa 2 778 jer ornı shıǵarıldı

Rayonlar kesiminde aukcion turǵan jer orınları menen tanısıń

🔹Nókis qalası - 64 jer ornı (tolıq maǵlıwmat)

🔹Beruniy  rayonı - 111 jer ornı (tolıq maǵlıwmat)
🔹Bozataw rayonı - 311 jer ornı (tolıq maǵlıwmat)
🔹Qaraózek rayonı - 331 jer ornı (tolıq maǵlıwmat)
🔹Kegeyli rayonı - 46 jer ornı (tolıq maǵlıwmat)
🔹Qońırat rayonı - 131 jer ornı (tolıq maǵlıwmat)
🔹Qanlıkól rayonı - 63 jer ornı (tolıq maǵlıwmat)
🔹Moynaq rayonı - 456 jer ornı (tolıq maǵlıwmat)
🔹Nókis rayon - 212 jer ornı (tolıq maǵlıwmat)
🔹Taqıyatas rayonı - 19 jer ornı (tolıq maǵlıwmat)
🔹Taxtakópir rayonı - 203 jer ornı (tolıq maǵlıwmat)
🔹Tórtkúl rayonı - 175 jer ornı (tolıq maǵlıwmat)
🔹Xojeli rayonı - 177 jer ornı (tolıq maǵlıwmat)
🔹Shımbay rayonı - 55 jer ornı (tolıq maǵlıwmat)
🔹Shomanay rayonı - 294 jer ornı (tolıq maǵlıwmat)
🔹Ellikqala rayonı - 130 jer ornı (tolıq maǵlıwmat)

Qaraqalpaqstan kadastr

Hoja uz telegram kanalında járiyalanǵan video múráajati boyınsha úyrenilip shıǵıldı.

Úyreniw nátiyjesinde Nókis qalası “Xalıqlar doslıǵı” MPJ Ernazar Alakóz kóshesi 19-sanlı mánzilde jaylasqan jer maydanı puqara S.S atına Nókis qalası hákiminiń 2008-jılǵı 31-mart kúngi qararı menen Ernazar Alakóz kóshesi boyınan 50 kv.m jer ornına dúkan imáratın qurıw ushın ajıratıp berilgen hám 2024-jıl 22-iyun kúni mámleketlik dizimnen ótken.

2024-jıl 13-iyul kúngi jer uchastkasına bolǵan múlk huqıqı hám mámleketlik orderi menen puqara 2024-jıl 14-iyul kúni qayta mámleketlik dizimnen ótken.
Soń Notarial tártipde nızam boyınsha miyrasqa bolǵan huqıqı haqqında guwalıǵına tiykar puqara Dj.M atına 2024-jılı 19-sentyabr kúni menen mámleketlik dizimnen ótken.

Qaraqalpaqstan kadastr
Telegram | Instagram | Facebook | Youtube

#huqıqıy_maǵlıwmat
Menshiklestirilgen jer uchastkalarınıń múlk iyeleri qanday huqıqlarǵa iye?

Menshiklestirilgen jer uchastkasına yuridikalıq hám fizikalıq shaxslardıń, mámlekettiń huqıqların hám nızam menen qorǵalatuǵın máplerin buzbaǵan halda, óz qálewi boyınsha hám óz máplerin gózlep erkin iyelik etiw, onnan paydalanıw hám onı basqarıw, sonıń ishinde, onnan girew predmeti sıpatında paydalanıw, yuridikalıq shaxstıń ustav kapitalına (ustav fondına) úles sıpatında kirgiziw, ijaraǵa beriw;

Menshiklestirilgen jer uchastkasına bolǵan múlk huqıqınıń hár qanday buzılıwlarınıń saplastırılıwın talap etiw;

Menshiklestirilgen jer uchastkasında erkin túrde xojalıq júrgiziw;

Turaq jay, islep shıǵarıw, mádeniy-turmıslıq imaratlar hám obyektlerdi jáne basqa imaratlar hám obektlerdi qurıw, qayta qurıw hám buzılıwın ámelge asırıw.

Qaraqalpaqstan kadastr
Telegram | Instagram  | Facebook | Youtube

#Rasmiy_munosabat

RASMIY MUNOSABAT

Ijtimoiy tarmoqlarda eʼlon qilingan maʼlumot Davlat kadastrlari palatasi Qoraqalpog‘iston Respublikasi boshqarmasi tomonidan o‘rganib chiqildi.

"GARANT BANK" AJ, "SAXINUR ZIYO" MCHJ va “NAVRO'Z” MCHJ o‘rtasida tuzilgan ipoteka shartnomasining davlat ro‘yxatidan o‘tkazilgan.

2023-yil 12-yanvar kuni mulkdor murojaatiga asosan Davlat kadastrlari palatasi Qoraqalpog‘iston Respublikasi boshqarmasi tomonidan yuqorida ko‘rsatilgan ipoteka shartnomasi davlat ro‘yxatidan o‘tgan hamda hozirda ushbu shartnoma Ko‘chmas mulk-3 dasturida mavjud bo'lib, ipoteka shartnomalarini davlat ro‘yxatidan oʻtkazish kitobining 84-betida qayd qilingan.

Ish yuzasidan ma’lumot so‘ralganda to‘liq o‘rganilmasdan taqdim etilgan ma’lumotda yo‘l qo‘yilgan xato yuzasidan o'rnatilgan tartibda boshqarmaning davlat roʻyxatidan oʻtkazuvchisi A.J ga tegishli tartibda xayfsan jazo chorasi qo‘llanilib, bunday holat boshqa takrorlanmasligi uchun uchbu xodim boshqa tumanga rotatsiya qilindi.

Qaraqalpaqstan kadastr
Telegram | Instagram  | Facebook | Youtube

#infografika
"Ózbasımshalıq penen iyelep alınǵan jer uchastkalarına hám olarda qurılǵan imarat hám obektlerge bolǵan huqıqlardı tán alıw haqqında"ǵı 05.08.2024-jıldaǵı 937-Nızamǵa muwapıq huqıqlardı tán alıw aymaqlar boyınsha basqıshpa-basqısh ámelge asırıladı, bunıń ushın Kadastr agentligi hár jılı reje-keste tastıyıqlaydı, oǵan tiykarlanıp:

◼️Kadastr agentligi Avtomatlastırılǵan málimleme sistemasın jaratıp, oǵan barlıq jerler boyınsha 6 túrdegi birlemshi maǵlıwmatlardı kirgizedi;

◼️10 wákillikli uyım (hákimlik, qurılıs, ekologiya, salıq, "Ózbekkosmos" agentligi hám basqalar) hár bir jer uchastkası boyınsha óz wákilligindegi maǵlıwmatlardı sistemaǵa kirgizedi;

◼️sistemada tayarlanǵan elektron hújjet máhálle imaratlarında, Kadastr agentliginiń saytında hám basqa da dáreklerde járiyalanadı.

Qaraqalpaqstan kadastr
Telegram | Instagram  | Facebook | Youtube

Nókis qalasınıń bas jobası tastıyıqlandı

Ózbekstan Respublikası Ministrler Kabinetiniń 2024-jıl 13-dekabrdegi №837 qararı tiykarında Nókis qalasın kompleksli rawajlandırıw, qurılıs jumısların jobalastırıw, olardıń sapası hám dárejesin arttırıw, qalanıń arxitekturalıq-jobalastırıw kelbetin, sonday-aq, infrastrukturasın bunnan bılay da jaqsılaw maqsetinde Nókis qalasınıń bas jobası tastıyıqlandı.

Nókis qalası bas jobasınıń joybarında 2040-jılǵa shekemgi dáwirde Nókis qalasınıń Nókis rayonı aymaǵına (876 gektar) keńeyiwi esapqa alınǵan.

Qararǵa muwapıq, Nókis qalasınıń bas jobası joybarınıń tiykarǵı sheshimleri hám texnikalıq-ekonomikalıq kórsetkishleri tastıyıqlandı.

Nókis qalasında 2040-jıldıń sońına shekem:

– Xalıqtıń sanınıń ósiwi – 312,4 mıń adamnan 400,0 mıń adamǵa kóbeyiwi prognoz etilgen;
– Qalanıń aymaǵı – 12 507,0 gektardan 13 383,0 gektarǵa;
– Elatlı punkttiń turaq jay aymaǵı – 5 030,2 gektardan 5 486,5 gektarǵa ózgeriwi jobalastırılǵan.

Jańa bas jobaǵa muwapıq qalada eki administrativlik oray shólkemlestiriledi.

Birinshi administrativlik oray – qalanıń házirgi waqıttaǵı administrativlik orayı bolıp, Islam Karimov, Ámir Temur hám M.Jumanazarov kósheleriniń kesilispeleri bolıp esaplanadı. Bul oray saqlap qalınadı. Onda jaylasqan Savickiy muzeyi, Eslew maydanı, miymanxanalar, «IT-park», demalıw baǵı hám basqa administrativlik hám xojalıq imaratların qurıw hám qayta ońlaw, eski imaratlar hám obektlerdiń ornına jańa hám zamanagóy kóp qabatlı imaratlar qurıw belgilengen.

Ekinshi administrativlik oray – qalanıń qubla-batıs bólimindegi Nókis rayonına shıǵatuǵın kósheler hám joybardaǵı kósheleriniń kesilispesinde ornalastırıladı.

«Nukus Siti»diń bul orayları kishi hám orta biznesti, bank filialları, turaq jay hám jámiyetlik imaratlardıń biznesti basqarıw menen baylanıslı obektlerin birlestiredi hám 7 etajdan 16 etajǵa shekemgi bolǵan obektler qurıladı.

Nókis qalasınıń joybarlıq shegarası:

Arqada – Nókis rayonı hám «Doslıq» kanalınıń ózeni boylap;
Shıǵısta – kishi aylanba jolǵa shekem;
Batısta – Ámiwdáryaǵa shekem;
Qubla tárepte – sanaat aymaqlarına shekem etip belgilenedi.

Shıǵıs hám qubla baǵdarlar qumlar menen oralǵanlıǵı sebepli jańa turaq jay massivleri tiykarınan arqa-batıs tárepte jaylasadı.

Qaraqalpaqstan kadastr
Telegram | Instagram | Facebook | Youtube