#online
#Семинар
#тоқсанбасты_усылы


Тоқсанбасты-мол дәрамат дереги

Бүгин Қоңырат районындағы 2-сектор аймағындағы "Даниэл Муса" фермер хожалығында  гүзги тоқсанбасты  егинлерди егиў , үй алды қыйтақ жерлеринен нәтийжели пайдаланыў бойынша семинар болып өтпекте. Семинарда сөзге шыққанлар халқымыздың овощ-палыз өнимлерине болған талабын толық қанаатландырыў мақсетинде егиннен босаған майданларға суўыққа шыдамлы егинлерден  пияз, чеснок  егиў ерте бәҳәрде базарларымызға қосымша өним , халқымызға  жақсы дәрамат  келтиретуғынлығын тастыйықлап өтти.
Тоқсанбасты усылын үй алды қыйтақ жерлерине де енгизиў бойынша усыныслар билдирилди. Жақсы тилеклер менен алдыннан таярланған егислик майданға пияз тухымлары егилмекте.
Районда  2024 - жылдың зүрәәти ушын 777 гектар барлық тайпадағы хожалықлардың майданларында тоқсанбасты овощ-палыз егинлерин егиў нәзерде тутылған. Соннан 75 гектар фермер хожалықларында, 70 г халықтың  үй алды қыйтақ жерлеринде, 632 гектар дийхан хожалықларында пияз, чеснок егиледи.

@qongiratrkuz

#семинар

"Электрон онлайн аукционларды шөлкемлестириў" АЖ Қарақалпақстан Республикасы ўәкили Руслан Есимбетов тәрепинен Қоңырат районындағы "Мийнетабад"АПЖ ҳәм "Алтынкөл" ППЖ да семинар шөлкемлестирилди.Семинар даўамында пуқаралар,исбилерменлер ҳәм жаслар  "Е-auksion" саўда платформасында саўдаға шығарылып атырған мүлклер, дийхан ҳәм аўыл хожалығы жерлери, исбилерменлик ушын жер майданлары, киши ҳәм жаслар санаат зоналары жер майданлары ҳәм бул мүлклер саўдасына қатнасыў тәртиби менен  таныстырылды.

➥ @qongiratrkuz

#семинар

Қоңырат РМШҳМБ бөлимине қараслы 36-санлы улыўма билим бериў мектебинде райондағы барлық мектеплер психологларының қатнасыўында физикалық, руўхый зорлық ҳәм кемситилиў, оның келип шығыў себеплери, сапластырыў ҳәм алдын алыўға бағышланған семинар болып өтти.
Семинарды өткериўден мақсет физикалық- психологиялық зорлық ,кемситилиў шараятында жасап атырған инсанларға жәрдем бериўден ибарат.Семинар даўамында психологлар оқыўшылар арасында бундай жағдайлардың алдын алыў ҳәм жүз бериўине жол қоймаў бойынша билим ҳәм көнликпелерин асырды.

•┄┄┄┄┄┄┄༻❅༺┄┄┄┄┄┄┄•

Каналға ағза болыў:
➥ @qongiratrkuz

#семинар

Республика исши топары тәрепинен Өзбекстан Республикасы Президентиниң 2023-жыл 15-ноябрьдеги "Халық ҳәм киши бизнести раўажландырыўды қаржылай қоллап-қуўатлаў илажлары ҳаққында"ғы ПҚ-366 - санлы қарарының мазмун-әҳмийетин исбилерменлик субъектлерине үгит-нәсиятлаўға бағышланған семинар болып өтти. Семинарда , сондай-ақ, киши бизнести раўажландырыўды қаржылай ҳәм институционал қоллап-қуўатлаў, мәҳәллеге шықкан ҳалда халық ҳәм исбилерменлик субъектлери арасында мәмлекет ресурсларында киши ҳәм орта бизнес ушын белгиленген қаржы имканиятлары ҳаққында үгит- нәсият алып барыў, оларды оқытыў арқалы бизнес басламаларын қаржылай ҳәм консультатив қоллап-қуўатлаў бойынша усыныслар билдирилди.

➥ @qongiratrkuz

#семинар

Қоңырат районы «Бәркамал әўлад» балалар мектебинде, ҳаял-қызлардың жәмийеттеги ролин асырыў, гендер теңлик ҳәм шаңарақ мәселелери бойынша республика комиссиясының 2023-жыл 24-ноябрьдеги «Мәҳәллелерде ҳаял-қызлар белсендиси жумысын нәтийжели шөлкемлестириў ҳәм  шаңарақ ҳәм ҳаял-қызлар менен ислесиў бойынша үлгили система жаратыў ҳаққында»ғы 8-санлы баянламасының орынланыўын тәмийинлеў мақсетинде семинар шөлкемлестирилди.

Семинар даўамында районымызда үлгили мәҳәлле системасын жаратыў ушын таңлап алынған «Мыңжарған» ҳәм «Қумбыз» мәҳәллелериниң ҳаял-қызлар белсендилери ҳәм мәҳәллелердеги киши исши топар ағзалары тәрепинен шаңарақларды үйрениў нәтийжесинде анықланған машқалаларды шешиў ушын ислеп шығылған жол карталары ҳәм  презентациялары менен таныстырылды.

Қоңырат районы ҳәкимлиги Мәлимлеме хызмети
👉@qongiratrkuz

#семинар_кеңес

Бүгин Қоңырат районындағы Мәденият сарайында Өзбекстан Республикасы Президентиниң  "Киши бизнести раўажландырыўды қаржылай ҳәм институционал қоллап-қуўатлаў илажлары ҳаққында"ғы ПҚ-306-санлы қарарының мазмун-әҳмийетин түсиндириў, исбилерменлер менен ашық сәўбети шеңберинде белгиленген тийкарғы ўазыйпалардың орынланыўын тәмийнлеў ,сондай-ақ,киши бизнести коллап-қуўатлаў бойынша үзликсиз хызметлер шынжырын жаратыў мақсетинде семинар болып өтти.
Семинар даўамында Киши бизнеске көмеклесиў қоры баслығы А.Бегалов, Исбилерменликти раўажландырыў компаниясы
ўәкили Б.Шамуратов ҳәм басқалар сөзге шығып, күн тәртибиндеги мәселелер бойынша илаж қатнасыўшыларына түсиник берди. Семинарға қатнасқан ҳәким жәрдемшилери өзлерин қызықтырған сораўларға жуўаплар алды.

➥ @qongiratrkuz

#семинар

Жақында Президент Шавкат Мирзиёев басшылығында  тармақ ҳәм аймақларда
мәлимлеме технологияларын раўажландырыў ҳәм мәмлекет басқарыўын санластырыў бойынша өткерилген видеоселектор мәжилисинде
2024-жылда IT хызметлери көлемин 2 есеге асырыў мүмкинлигин көрсетип, 8 мың ең қәбилетли жасларды таңлап, абыройлы халық аралық компаниялар талабына сай бағдарлама тийкарында оқытыў ўазыйпасын белгилеп берген еди. Сондай -ақ, "Ҳәр бир мәҳәлледе кеминде еки бағдарлaмашы"жойбарының басланыўы, АҚШ пенен биргеликтеги "Инклюзив санластырыў" жойбары шеңберинде 20 мың халықтың бәнтлигиниң тәмийнлениўи атап өтилген еди. Мине усы ҳәм басқа ўазыйпалардың орынланыўын тәмийнлеў , тәжирийбе алмасыў мақсетинде Хорезм ўәлаятында семинар шөлкемлестирилип, оған Қарақалпақстан Республикасының қала ҳәм районларының ҳәким орынбасарлары ҳәм IT тараўы бойынша жойбар менеджерлери қатнасты.

➥ @qongiratrkuz

#Семинар

Аўыл хожалығында жаңа резервлерди иске салыў ҳәм 2024-жылғы тийкарғы ўазыйпалар бойынша видеоселектор жыйналысында Президентимиз тәрепинен бир қатар ўазыйпалар белгилеп берилди.
Мәжилисте мийўе-овощ жетистириў ҳәм экспортын арттырыў мәселелери талқыланып, усы мақсетте халыққа 60 мың гектар жерлерди тарқатыўға қарар етилди.
Буның нәтийжесинде 1,5 миллион тонна қосымша өним алып, экспортты және 200 миллион долларға арттырыў мүмкинлиги, жасларды дийқаншылыққа жақсы оқытып, бул жерлерде бәнт етиў әҳмийетлилиги атап өтилген еди.

Қоңырат районы ҳәкими Б.Мадаминовтың басшылығында районындағы"Әдебият"ҳәм"Өрнек"аўыл пуқаралар жыйынлары турғынларының қатнасыўында дийханшылық етиў ушын жер бериў бойынша семинар өткерилди.
Семинарда кооперация шөлкемлестириў ҳаққында кең түрде түсиник берилди.

https://t.iss.one/qongiratrkuz

#Online
#семинар


Жаслардың IT тараўына болған қызығыўшылығын арттырыў мақсетинде Қоңырат районы ҳәкимлиги ҳәм Санлы технологиялар Министрлиги менен биргеликте жаслар ушын семинар болып өтпекте.Оған  Санлы технологиялар Министрлиги Қарақалпақстан Республикасы аймақлық секторы баслығы Т.Баекеев ҳәм район ҳәкимиı орынбасары А.Мамутов
қатнаспақта. Т.Баекеевтың  басшылығындағы резидентлер оқыўшы жасларға lТ тараўы бойынша теориялық ҳәм әмелий сабақлар өтпекте.
____

Ёшларнинг IТ соҳасига бўлган қизиқишини орттириш мақсадида Қўнғирот тумани ҳокимлиги ва Рақамли технологиялар Вазирлиги ҳамкорлигида ёшлар учун семинар бўлиб ўтмоқда. Тадбирда туман ҳокими ўринбосари А.Мамутов ва Рақамли технологиялар Вазирлиги Қорақалпоғистон Республикаси ҳудудий сектори бошлиғи Т.Баекеевлар иштирок этмоқда.
Т. Баекеевнинг  бошчилигидаги резидентлер ўқувчи ёшларга IТ соҳаси бўйича назарий ва амалий дарслар ўтмоқда. 

➥@qongiratrkuz

#семинар

Ҳүрметли Президентимиздиң басшылығында жаслар бәнтлигин тәмийнлеў мәселелерине бағышланып өткерилген  жыйналыста 2024-жылы жаслардын бәнтлигин тәмийнлеў ушын 60 мың 500 гектар жер дийханшылық  ушын ажыратылатуғынлығы атап өтилген еди. Усы тапсырманың орынланыўын тәмийнлеў мақсетинде Қоңырат районында жумыссыз ҳәм дийханшылық етиў тилегин билдирген жасларға жәми 350 гектар жер майданлары бөлистирилди.
Бүгин, дийханшылық ушын жер майданларын алып атырған жасларға "Қоңырат" АПЖ аймағында жасларға ажыратилған жер майданларынан нәтийжели пайдаланыўды шөлкемлестириў, кооперацияға бирлесип, экспортбап өнимлерди жетистириў ҳәм бул бағдарда Ҳүрметли Президентимиз тәрепинен жасларға берилген жеңилликлер ҳәм субсидиялар менен таныстырыў мақсетинде бир кооперация мысалында көргизбели семинар өткерилди.
Семинарды район ҳәкими Бекзод Мадаминов басқарып барды.

#семинар

Семинарда ,сондай-ақ,Миллий қәўипсизлик хызмети Қоңырат районы бөлими баслығы Э.Исматов, РИИБ баслығы У.Ситмуратовлар шығып сөйлеп,
жасларға жер ажыратыў тәртиби, жер алған жаслардың экспортбап егинлер жетистириўге оқытылыўы, оларға мини техника,туқым ҳәм нәллер сатып алыў ушын ажыратылатуғын субсидиялар ҳаққында кең түрде түсиник берди.
Семинарда тәжирийбели бағманлар, үй алды қыйтақ жеринен  ақылға муўапық пайдаланып, дәрамат алып отырған жаслар өз тәжирийбелери менен бөлисип,өз-ара пикир алмасылды.

➥ @qongiratrkuz

#семинар

   Қоӊырат районындағы  Мәденият сарайында Өзбекстан Республикасы Орайлық банки Қарақалпақстан Республикасы бас басқармасы ҳәм Исбилерменлер ҳәрекети- Өзбекстан Либерал демократиялық партиясы  Қарақалпақстан Республикалық Кеңеси менен биргеликте коммерциялық  банклерде сақланатуғын аманат түрлери ҳәм шаңарақлық исбилерменликти жолға қойыў, халықтың банк системасындағы машқалаларын шешиў ҳәм экономикалық раўажланыўы ушын финанслық билим дәрежелерин арттырыўға көмеклесиў мақсетинде семинар-тренинг өткерилди.
Семинар қатнасыўшылары
тәлим кредити, субсидия алыў тәртиби бойынша қызықтырған сораўларына жуўап алып, кең түсиниклерге ийе болды.
Буннан соң ӨзЛидеп Кеңеси ағзалары қарақалпақ халқының әййемги көркем өнерментшилик тараўы- гилемшиликте өз брендине ийе жас өнермент Альбина Сәрсенгалиеваның жумыслары менен танысты.
Дөгерек ашып, ҳаял-қызларға миллий кестешилик ҳәм гилем тоқыў сырларын бийпул оқытып атырған жас өнермент ылайықлы хошаметленди.

Telegram | Website | Instagram |
УouTube | Facebook

#Семинар

Аўылхожалығы министрлиги жанындағы Халық аралық тиклениў ҳәм раўажланыў банки ҳәм Халық аралық раўажланыў бирлеспеси қатнасыўындағы "Өзбекстан Республикасында Аўыл хожалығын модернизация етиў", Ветеринария ҳәм шарўашылықты раўажландырыў комитети жанындағы"Өзбекстан Республикасында шарўашылық тараўын раўажландырыў"(2-басқыш), Франция раўажланыў агентлиги қатнасыўындағы "Шарўашылық тараўын турақлы раўажландырыўды қаржыландырыў",
Мәҳаллебай ислеў ҳәм исбилерменликти раўажландырыў агентлиги жанындағы"Аўылхожалығын раўажландырыў 2-фаза",
жойбарларын әмелге асырыў топары тәрепинен Қоңырат районында семинар шөлкемлестирилди.

  Семинарға район ветеринария ҳәм шарўа нәсил агентлиги хызметкерлери, шарўашылық тараўында искерлик көрсетип атырған дийхан ҳәм фермер хожалықлары баслықлары мирәт етилди.

   Семинар тренингти район ҳәкими Бекзод Мадаминов ашты ҳәм бүгинги күнде бул жойбарлар тийкарында жеңилликли кредит қаржыларынан пайдаланыўдың абзаллықларына тоқтап өтти.
⬇️⬇️⬇️