Мәҳәллени қоллап-қуўатлаў бойынша Қоңырат районлық Кеңесиниң шөлкемлестириў мәжилиси болды.

Өзбекстан Республикасы Президентиниң 2023-жыл 21-декабрьдеги «Мәҳәлле институтының жәмийеттеги ролин түптен арттырыў ҳәм халықтың машқалаларын шешиўде биринши буўын сыпатында ислеўин тәмийнлеўге қаратылған илажлар ҳаққында» ғы ПП-209-санлы Пәрманы ҳәм «Өзбекстан мәҳәллелери аўқамы жумысын жолға қойыў ҳәм мәҳәллелерде басқарыў системасын жетилистириўге қаратылған қосымша илажлар ҳаққында» ғы ПҚ-402-санлы Қарарынан келип шығатуғын әҳмийетли ўазыйпалар ҳаққында Қоңырат районындағы Мәденият сарайында кеңейтилген мәжилис болып өтти.
Оған райондағы мәкан, аўыл ҳәм посёлка пуқаралар жыйынлары баслықлары, мәкеме, кәрхана ҳәм шөлкем басшылары менен ғалаба хабар қураллары ўәкиллери қатнасты.
Мәжилисти район ҳәкими Бекзод Мадаминов ашты ҳәм басқарып барды.
Онда сөзге шыққанлар Президентимиз басшылығында 2023-жыл 22-декабрьде болып өткен Республика Руўхый ағартыўшылық кеңесиниң кеңейтилген мәжилисинде белгилеп берилген мәҳәлле системасы белсендилериниң тийкарғы ўазыйпалары, Президентимиздиң пәрман ҳәм қарарларында белгилеп берилген әҳмийетли ўазыйпалар ҳаққында түсиниклер берди.
Мәжилис соңында Өзбекстан мәҳәллелери аўқамының Конференциясында қатнасыў ушын делегатлар сайланды.

Қоңырат районы ҳәкимлигиниң Мәлимлеме хызмети

@qongiratrkuz