#Тарийхқа_нәзер

5-ноябрь – Қарақалпақстанда ең биринши телевизиялық көрсетиў басланған күн.

1964-жылдың 5-ноябрь күни жергиликли ўақыт пенен саат 19.00 де Нөкис, Тақыятас, Хожели қалаларындағы айырым үйлердиң телевизорларында «Нөкис көрсетеди» деген титр пайда болған. Усы күни қарақалпақ ҳәм орыс тиллеринде «Жаңалықлар» көрсетилген. Биринши дикторлар – Оразгүл Өтениязова менен Светлана Шапочниковалар фотосюжетлер фонында мийнет жәмәәтлериниң рапортлары туўралы айтқан.
Биринши тележаңалықларды қарақалпақ тилинде Ғалым Сейтназаров ҳәм Қармыс Досанов, ал орыс тилинде Виктор Копаловлар таярлаған.

1965-жылдан баслап ҳәптесине төрт мәртеден 2,5 саатлық телебағдарламалары тамашагөйлер дыққатына усынылған.
Соңғы жыллар даўамында эфир саатлары ҳәм күнлери узайтып барылған.

1991-жылы Қарақалпақстан телевидениеси Өзбекстан Мәмлекетлик Телерадиокомпаниясы қурамына кирди ҳәм 2002-жылы Қарақалпақстан телерадиокомпаниясы болып қайта шөлкемлестирилди.


Каналға ағза болыў:
✅https://t.iss.one/qongiratrkuz