#Бүгин_байрам
#соңғы_қоңыраў

Пәрўазыңыз бәлент болсын...

Бүгин елимиздеги барлық мектеплерде «Соңғы қоңыраў» сеслери жаңлап, оқыўшы жаслар жаңа турмысқа өзлериниң дәслепки қәдемлерин тасламақта.

"Илимди қәдирлең, илимге умтылың" ураны тийкарында 7-санлы улыўма билим бериў мектебинде өткерилген соңғы қоңыраў илажына Район ҳәкими Б.Мадаминов қатнасып, питкериўшилерди бүгинги қуўанышлы байрам менен қутлықлады ҳәм Президентимиздиң питкериўши ул-қызларға жоллаған байрам тилеклерин жеткерди.

Сондай-ақ, район ҳәкими мәмлекетимизде жоқары оқыў орынларына кириў ушын жасларға жаратылып атырған имканиятлар бойынша кеңнен тоқталып өтти.

Буннан соң, оқыў жылы даўамында өрнек көрсетип, жоқары нәтийжелерге ерискен оқыўшылардың ата-аналарына миннендаршылық хатлары ҳәм естелик саўғалар тапсырылды. Байрам кешеси мектеп питкериўшилери тәрепинен таярланған концерт бағдарламалары менен даўам етти.

✍Қоңырат районы ҳәкимлиги Мәлимлеме хызмети
👉https://t.iss.one/qongiratrkuz

🔔Соңғы қоңыраў!

7-санлы улыўма билим бериў мектебинде өткерилген «Соңғы қоңыраў» илажынан фоторепортаж.

✍️Қоңырат районы ҳәкимлиги Мәлимлеме хызмети
👉https://t.iss.one/qongiratrkuz