Kema haydovchisi guvohnomasi

O‘zbekiston Respublikasi Vazirlar Mahkamasining 2020-yil 4-iyuldagi 421-son hamda 2021-yil 2-avgustdagi 484-son qarorlariga muvofiq, (kater, gidrosikl, motorli qayiq va yelkanli (motorli) kema) – motorli kichik hajmli kemalarni boshqarishda kema haydovchisi guvohnomasi bo‘lishi shart.
Kema haydovchisi guvohnomasi mavjud bo‘lmaganda motorli kichik hajmli kemalarni boshqarish taqiqlanadi.
Kema haydovchisi guvohnomasi mavjud bo‘lmaganda motorli kichik hajmli kemani boshqarish O‘zbekiston Respublikasining Mamuriy javobgarlik to‘g‘risidagi kodeksiga asosan fuqoralarga bazaviy hisoblash miqdorining bir barabari mansabdor shaxslarga esa – ikki baravari miqdorida jarima solishiga sabab boladi.
Kema haydovchisi guvohnamasini berish quydagi tartibda amalga oshiriladi:
Motorli kema haydovchilarini tayyorlash, qayta tayyorlash va ularning malakasini oshirish (o‘qitish) O‘zbekiston Respublikasi Favqulodda vaziyatlar vazirligi Akademiyasi huzuridagi Fuqaro muhofazasi instituti tomonidan amalga oshiriladi.
O‘quv dasturlariga muvofiq o‘qish davomiyligi quyidagicha:
kema haydovchilarini tayyorlash ― 72 soat (12 ish kuni);
kema haydovchilarini qayta tayyorlash ― 48 soat (8 ish kuni);
kema haydovchilarining malakasini oshirish ― 36 soat (6 ish kuni).
Kema haydovchilarini tayyorlash, qayta tayyorlash va ularning malakasini oshirish shartnoma asosida tashkil etiladi.
Shartnoma to‘lovlari quyidagi miqdorda belgilanadi:
kema haydovchilarini tayyorlash ― BHMning besh baravari;
kema haydovchilarini qayta tayyorlash ― BHMning uch baravari;
kema haydovchilarining malakasini oshirish ― BHMning ikki baravari.
Sinovlarni muvaffaqiyatli topshirgan tinglovchilarga kema haydovchilarini tayyorlash va qayta tayyorlash kursini tugatganligi to‘g‘risida guvohnomalar hamda malaka oshirish kursini tugatganligi to‘g‘risida sertifikat beriladi.
Mazkur sertifikat kemalarni boshqarish huquqini bermaydi.
Ushbu sertifikat bilan kema haydovchisi guvohnomasini olish uchun talabgorlar (doimiy ro‘yxatdan o‘tgan manzillari bo‘yicha) hududiy Favqulodda vaziyatlar boshqarmalarida tashkil etilgan attestatsiya komissiyasiga nazariy va amaliy imtihonlar topshiradilar.
Nazariy imtihonlar uchun jami 300 tadan kam bo‘lmagan test topshiriqlari va 100 tadan kam bo‘lmagan nazariy savollar mavjud.
Test sinovlari uchun har bir variant 15 ta topshiriqdan, suhbat uchun har bir bilet 3 ta savoldan iborat.
Nazariy va amaliy imtihonlarni topshirgan talabgorlarga kemani boshqarish huquqini beruvchi kema haydovchisi guvohnomalari BHMning
bir baravari miqdorida to‘lovlar amalga oshirilgandan so‘ng attestatsiya kotibi tomonidan beriladi.
Kema haydovchisi guvohnomalari berilgan kundan boshlab,o‘n yil muddat davomida amal qiladi.
Yuridik shaxslarga tegishli kichik hajmli kema haydovchilari ikki yilda bir marta belgilangan tartibda tasdiqlangan o‘quv rejasi va dasturlari asosida malaka oshirishlari shart.
Batafsil ma’lumotlar olish uchun telefon raqamlari:

+99861-224-70-16

Kichik hajmli kemalar ro‘yxatdan o‘tkazilishi

O‘zbekiston Respublikasi Vazirlar Mahkamasining 2021-yil 2-avgustdagi 484-son qaroriga muvofiq (asosiy dvigatellari quvvati 55 kVt (75 ot kuchi) va yo‘lovchi sig‘imi 12 kishidan ortiq bo‘lmagan o‘ziyurar kemalar, motorlarning quvvati va sonidan qat’i nazar, osma motorli kemalar, suv mototsikllari (gidrotsikllar), yuk ko‘tarish qobiliyati 80 registr tonnadan ortiq bo‘lmagan o‘ziyurmas kemalar (eshkakli qayiqlar va suv velosipedlari (katamaranlar)), yelkanli kemalar havo bosimi bilan to‘ldiriladigan yoki shishiriladigan motorsiz eshkakli qayiqlar) – kichik hajmli kemalar ro‘yxatdan o‘tkazilishi shart.
Ro‘yxatdan o‘tmagan kichik hajmli kemalardan foydalanish
taqiqlanadi.
RO‘YXATDAN O‘TKAZILMAGAN KICHIK HAJMLI KЕMALARDAN FOYDALANISH O‘ZBЕKISTON RЕSPUBLIKASINING “MA’MURIY JAVOBGARLIK
 TO‘G‘RISIDA”GI KODЕKSIGA ASOSAN, 
FUQAROLARGA BAZAVIY HISOBLASH MIQDORINING BIR BARAVARI, MANSABDOR SHAXSLARGA ESA — IKKI BARAVARI MIQDORIDA JARIMA SOLISHGA SABAB BO‘LADI.
KICHIK HAJMLI KЕMALAR QUYIDAGI TARTIBDA RO‘YXATDAN O‘TKAZILADI:
Jismoniy yoki yuridik shaxslar kichik hajmli kemalarni xarid qilgandan so‘ng texnik holatidan qat’i nazar, o‘ttiz ish kundan kechiktirmasdan ularni ro‘yxatdan o‘tkazishi lozim.
Kichik hajmli kemalarni ro‘yxatdan o‘tkazish Qoraqalpog‘iston Respublikasi, viloyatlar va Toshkent shahar Favqulodda vaziyatlar boshqarmalari Kichik hajmli kemalar bosh inspektorlari tomonidan amalga oshiriladi.
Jismoniy shaxslarga tegishli bo‘lgan kemalar — ularning doimiy ro‘yxatdan o‘tgan joyi bo‘yicha, yuridik shaxslarga tegishli bo‘lgan kemalar — yuridik shaxsning yuridik manzili bo‘yicha ro‘yxatdan o‘tkaziladi.
Kichik hajmli kemalarni ro‘yxatdan onlayn o‘tkazish mumkin, bunda “gims.fvv.uz” internet manzildagi “Kichik hajmli kemalar” axborot tizimi orqali elektron ariza yuborish zarur.Kemalarni ro‘yxatdan o‘tkazishda jismoniy va yuridik shaxslardan motorli kichik hajmli kemalarni ro‘yxatdan o‘tkazish uchun BHMning
20 foizi, motorsiz kichik hajmli kemalarni ro‘yxatdan o‘tkazish uchun BHMning 10 foizi miqdorida to‘lovlar undiriladi.
Kemalarni ro‘yxatdan o‘tkazish uchun jismoniy yoki yuridik shaxslar o‘zlarining ro‘yxatdan o‘tgan manzillari bo‘yicha Favqulodda vaziyatlar boshqarmalariga ariza bilan murojaat etadi.Arizaga quyidagi hujjatlar ilova qilinadi:
kema yoki uning dvigatellari (osma motorlari) xarid qilinganligini tasdiqlovchi hujjatlar (tovar cheki, oldi-sotdi, hadya shartnomasi, vasiyat bo‘yicha mulkka egalik qilish huquqini tasdiqlovchi guvohnoma), ishlab chiqaruvchilarning o‘zlari murojaat qilgan holatlar bundan mustasno;
ro‘yxatdan o‘tkazilishi uchun to‘lov amalga oshirilganligi to‘g‘risida xabarnoma (kvitansiya).
Taqdim etilayotgan hujjatlarda o‘chirib yozilgan, chizilgan va bo‘yalgan so‘zlar yoxud o‘zgartirishlar mavjud bo‘lsa, shuningdek, hujjatlar o‘qib bo‘lmaydigan darajada bo‘lsa, bunday hujjatlarni qabul qilishga yo‘l qo‘yilmaydi.
Batafsil ma’lumotlar olish uchun telefon raqamlari:
+99861-224-70-16
+99899-750-96-34

Kichik hajmli kemalar texnik ko‘rikdan o‘tkazilishi haqida ma‘lumot

O‘zbekiston Respublikasi Vazirlar Mahkamasining 2021-yil 2-avgustdagi 484-son qaroriga muvofiq (asosiy dvigatellari quvvati 55 kVt (75 ot kuchi) va yo‘lovchi sig‘imi 12 kishidan ortiq bo‘lmagan o‘ziyurar kemalar, motorlarning quvvati va sonidan qat’i nazar, osma motorli kemalar, suv mototsikllari (gidrotsikllar), yuk ko‘tarish qobiliyati 80 registr tonnadan ortiq bo‘lmagan o‘ziyurmas kemalar (eshkakli qayiqlar va suv velosipedlari (katamaranlar)), yelkanli kemalar havo bosimi bilan to‘ldiriladigan yoki shishiriladigan motorsiz eshkakli qayiqlar) – kichik hajmli kemalar texnik ko‘rikdan o‘tkazilishi shart.Texnik ko‘rikdan o‘tkazilmagan kichik hajmli kemalardan foydalanish taqiqlanadi.
Texnik korikdan otkazilmagan kichik hajmli kemalardan foydalanish O‘zbekiston Respublikasining “Mamuriy javobgarlik to‘g‘risida”gi kodeksiga asosan, fuqoralarga bazaviy hisoblash miqdorining bir baravari ,mansabdor shaxslarga esa – ikki baravari miqdorida jarima solishiga sabob boladi.
KICHIK HAJMLI KЕMALAR QUYIDAGI TARTIBDA TЕXNIK KO‘RIKDAN O‘TKAZILADI:
Bosh inspektor tomonidan kemalarni yillik texnik ko‘rikdan o‘tkazish vaqti, joyi va grafigi to‘g‘risidagi ma’lumotlar Favqulodda vaziyatlar vazirligining rasmiy veb-saytida har yili 20-fevralga qadar joylashtiriladi.
Kichik hajmli kemalar Qoraqalpog‘iston Respublikasi, viloyatlar va Toshkent shahar Favqulodda vaziyatlar boshqarmalari bosh inspektorlari tomonidan texnik ko‘rikdan o‘tkaziladi.
Kemalarni yillik (qayta) texnik ko‘rikdan o‘tkazish ular ro‘yxatdan o‘tkazilgan hududda yoki egalarining xohishiga ko‘ra eksterritoriallik tamoyili asosida boshqa hududlarda o‘tkaziladi.
Kichik hajmli kemalarni texnik ko‘rikdan o‘tkazishda arizani onlayn yuborish mumkin, bunda “gims.fvv.uz” internet manzildagi “Kichik hajmli kemalar” axborot tizimidan foydalanish zarur.
Kemalarni dastlabki texnik ko‘rikdan o‘tkazishda jismoniy va yuridik shaxslardan motorli kichik hajmli kemalar uchun BHMning 20 foizi va motorsiz kichik hajmli kemalar uchun BHMning 10 foizi miqdorida, motorli va motorsiz kemalarni yillik (qayta) texnik ko‘rikdan o‘tkazish uchun esa BHMning 20 foizi miqdorida to‘lovlar undiriladi.
Jismoniy va yuridik shaxslar o‘zlariga tegishli bo‘lgan kemani yillik texnik ko‘rikdan o‘tkazish uchun ariza bilan tegishli hududiy boshqarmaga murojaat etadi.
Kemalarni texnik ko‘rikdan o‘tkazish suzish paytida hududiy boshqarmaning mas’ul xodimi tomonidan belgilangan suv obyektida amalga oshiriladi.
Kemalar:
dastlabki texnik ko‘rikdan — ularni ro‘yxatdan o‘tkazish davomida;
yillik texnik ko‘rikdan — har yili 1-martdan 1-maygacha, ulardan mavsumiy foydalanishdan oldin;
qayta texnik ko‘rikdan — kema avariyadan (yong‘in va boshqalardan) so‘ng ta’mirlanganda, qayta jihozlanganda, asosiy dvigateli (osma dvigateli) o‘zgarganda yoki qo‘shimcha dvigatel (osma dvigatel) o‘rnatilganda o‘tkaziladi.
“Yaroqsiz” deb baholangan kema bo‘yicha tegishli dalolatnoma rasmiylashtirilib, kema biletiga “Yaroqsiz” degan shtamp bosiladi va bunday kemadan foydalanish taqiqlanadi.

Kanalga a'zo bo'ling👇
👉@qongiratrkuz

🖇Пуқаралар мүрәжаты инәбатта..

Бүгин район ҳәкимлиги мәжилсилер залында район пуқаралары ҳәм исбилерменлер менен ушырасыў болып өтти. Онда Қарақалпақстан Республикасы Прокуроры Ф. Алламбергенов ҳәм Қоңырат районы ҳәкими Қ.Халмуратов басшылық етти. Ушырасыў даўамында 30 дан аслам мүрәжатлар тыңланып, олардың унамлы шешилиўине тийкар жаратылды.

Қоңырат районы ҳәкимлиги Мәлимлеме хызмети
@qongiratrkuz