Ана тәбиятимизди асырайық!👇👇👇

Арал түбинен кѳтерилип атырған шаң ҳәм дуздың қурғак шамалын дүнья жүзи жүдә аянышлы жуӯмақлар менен пикир билдирсе де, буның ақыбетлерин негедур ѳзимиз терең түсине алмай атырғанымыз ҳақыйқат. Мәмлекетти жасылландырыӯ арқалы биз кѳплеген унамсыз ақыбетлердиң алдын алыӯымыз мүмкин. Таза экология бәршеге бирдей зәрүр емес пе.? Тек таза ҳаӯа, экологиялық таза ѳним, барлық экологиялық талапларға жуӯап бере алатуғын азық аӯқатлар алдыңғыданда ҳәзир жүдә зәрүр. Пандемия себепли ҳалықтың медициналық мәдениятқа болған кѳз қарасы бир қанша унамлы ѳзгерген болса, кѳпшиликтиң тәбиятқа болған итибарсызлығы бир күн экологиялық мәденият түсинигин мәжбүрий түсиндирип қойыӯ итималы жоқ емес. Қоршаған орталықты қорғаӯ экология комитети ҳәмде экологиялық партиясы бүгинги күнде тәбиятымыздың инсан ѳмириндеги қаншелли әҳмийетин түсиндириӯге ҳәрекет етпекте. Арал апатшылығы ақыбетлерин жумсартыӯ бойынша теңиздиң қурыған түбинде тарийхымызда болмаған жумысларды даӯам еттирип, тоғайзарлыкларды кеңейтиӯ жойбары әмелге асырылыӯы Қарақалпақстан ушын ең үлкен жаңалық болды. Президентимиздиң бул басламасын барлығымыз қоллап қуӯатлап ҳәттеки даӯам етиӯ енди бизиң ӯазыйпамыз. Бирақ буған қайшы келетуғын ислерде ана тәбиятымызға үлкен зыян келтирмекте. Бул ислер даӯам ете берсе ҳәтте тәбиятқа үлкен апат келтириӯи мүмкин. Республикамызда ҳалықтың социаллық машқалаларын тәбийий газге болған талапларын қанатландырмай биз тәбияттың теңсиз байлықларын асырап қалыӯымыз қыйын. Инсан ҳәм тәбият ортасындағы байланысты шын қәлбтен аңлап жетпегенше әтирапымызда болып атырған ӯақыялардың түп мәнисин түсинип жете алмаймыз. Егер ҳәр бир адамзат туӯылыӯынан тәбиятқа масласып кеткени киби жерге терек нәллерин отырғызыӯ тәбийий әдетлердиң бири болғанында суӯ мәселеси де оншелли машқалаға айланбас еди. Суӯ мәселеси бизиң журтымызда ғана глобал машқала емес, кѳпшилик мәмлекетлер жоқтан бар қылыӯдың илажын тапқан. Суӯ жоқ дегенимиз бенен айрымлар бар суӯдан үнемли пайдаланбай, суӯдан ақылға уғрас пайдаланыӯдың да тәртипли нызамы ислеп шығылмаған. Әпиӯайы ҳалыққа бул әпиӯайы ғана тәбият инамларының әҳмийетин түсиндириӯде соншелли мүшкил кешпекте. Қәне енди бала туӯылғаннан баслап балаға тәбият нызамлары үйретилсе де, келешекте барлық жаслар экологиялық тәбийий ѳнимлерди ҳәм тәбийий байлықларға үлкен ҳүрмет пенен қарап, мәмлекет тәғдирине еледе унамлы тәсир кѳрсетиӯши иновацияларды жарата алса.. Жеке ѳзимниң перзентлерим суӯдан пайдаланғанда жүдә үнемлеп пайдаланыӯы ѳз мийнетимниң нәтийжеси деп ойлайман. Бул тек ғана суӯды үнемлеӯ емес, барлық тәбийий байлықлардың мѳлшери бар екенлигин ҳәм оған ҳүрмет пенен қараӯға да уйренеди. Тәбияттың таӯсылмас сырлары ҳәм еледе тәбийий байлықлары барлығына исенемен. Себеби биз тәбият пенен биргемиз.!

Гулхан Аймуратова
Өзбекстан Экологиялық партиясы Қоңырат районлық Кеңеси баслығы
@qongiratrkuz

Видео. Қарақалпақстан Республикасы Жоқарғы Кеңесиниң Баслығы сайланды

Каналымызға ағза болың 👉 @kknews_uz