#Көшпели_қабыллаў

⚡️Бүгин 1-сектор штабында Қоңырат районы ҳәкими Б.Мадаминовтың физикалық ҳәм юридикалық шахслар ушын нәўбеттеги қабыллаўы болып өтти.

Онда район ҳәкими тәрепинен қабыллаўға келген пуқаралардың үй-жайларын оңлаý, материаллық ҳәм медициналық жәрдем, кредит қаржыларын ажыратыў, үй-жай кадастр хызмети, бәнтлик, сондай- ақ, көпшилик мәпине хызмет ететуғын жолларды оңлаý, электр  тәмийнатын жақсылаў сыяқлы машқалалары тыңланды.

  Тийисли тараў ўәкиллери қатнасқан көшпели қабыллаўда пуқаралар тәрепинен билдирилген мүрәжатлар тийисли қәнигелер тәрепинен қадағалаўға алынып, оларды қанаатландырыў
илажлары көрилди. Көшпели қабыллаўда мүрәжатлардың көпшилиги өз орнында шешилип, айырымларына нызамлы түсиндириў берилди. Мүддет талап ететуғынлары болса  тийислилигинше үйренип шығылмақта.

Көшпели қабыллаўды өткериўден мақсет те - ҳеш бир мүрәжатты итибарсыз қалдырмай, халықтың разылығына ерисиў.

Қоңырат районы ҳәкимлигиниң Мәлимлеме хызмети

Telegram | Website | Instagram |
УouTube | Facebook

#Тәкирарий_егин
#тоқсанбасты_усылы

Тоқсанбасты- мол дәрамат дереги

  Халқымыздың овощ- палыз өнимлерине болған талабын толық қанаатландырыў мақсетинде егиннен босаған майданларға суўыққа шыдамлы егинлерден пияз, чеснок егиў ерте бәҳәрде базарларымызға қосымша өним , халқымызға  жақсы дәрамат болады.

"Қоңырат" аўыл пуқаралар жыйынында тоқсанбасты усылын үй алды қыйтақ жерлерине де енгизиў бойынша жумыслар әлле қашан баслап жиберилген.

- Үйимиз қапталындағы қыйтақ жеримиздеги мәштен босаған майданға гүзлик бийдай ектик,-
дейди усы аўыл турғыны Розымбай Юлдашев.- Буннан басқа егинлерден босаған жерлерден пияз, жоңышқа жетистиремиз.
Ерте бәҳәрде пиязды базарға шығарып, дәрамат етемиз. Бийдайды писикте орып алып, қаразға жегизип, ун етeмиз. Базардан ун сатып алмаймыз. Жумыста жоқпыз, тийкарғы дәраматымыз усы қыйтақ жеримизден. Дәстурханымыз мол, барлық азықлық өнимлерди өзимиз тәбийий жетистиремиз.

Р.S: Айтқандай, Розымбай аға үй қапталына тропикалық еллерде өсетуғын бамбукти де көгертип қойыпты.

Telegram |