Президент Шавкат Мирзиёев қарақалпақстанлы Гулайим Қуўанышбаеваға «Келажак бунёдкори» сыйлығын тапсырды.
—
Президент Шавкат Мирзиёев қорақалпоғистонлик Гулайим Қуўанышбаевага «Келажак бунёдкори» мукофотини топширди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Hákim kubogi jarısları eki sport maydanshasında:

A-S toparları
ECH sport maydanshasında,

B-D toparları

'Miynetabad" APJ sport maydanshasında ótkeriledi.

Telegram | Website | Instagram |
УouTube | Facebook

Қарақалпақстанда быйыл ғәлледен ҳәр жылғыдан да мол зүрәәт алынып, мийнет жеңисине ерисилди

Бәршемизге мәлим, ғәлле халық ырысқысы, елимиз дастурханының молшылығын тәмийинлеўши тийкарғы өним есапланады. Ал, усы ғәлледен мол қырман жаратыўда мийнеткеш дийқанларымыз, фермерлер, суўшы-ирригаторлар, агроном-механизаторлар, кластерлер ҳәм басқа да аўыл хожалығы мийнеткешлери тәбияттың түрли ынжықлықлары ҳәм сынаўларына төтепки берип, пидайы мийнетлери арқасында гөзленген мақсетке ериседи. Быйылғы жылы аўыл хожалығы майданларында аянбай мийнет етиў ҳәм орым-жыйын илажларын системалы түрде алып барыў мақсетинде 208 орым отрядлары дүзилип, бул отрядларға 208 дана жоқары өнимли дән орыў комбайнлары, 1932 дана дән тасыў транспортлары ҳәмде 621 тараў жуўапкерлери бириктирилди. Әлбетте, жумыстың шөлкемлескенлик пенен алып барылыўы ғәлледен мол қырман жаратыўға айрықша күш-жигер бағышлады.

Быйыл Қарақалпақстан ушын айрықша ғәлле жылы болды десек алжаспаған боламыз. Себеби, ҳүрметли Президентимиз тәрепинен аўыл хожалығын раўажландырыў бойынша тек ғана Қарақалпақстан ушын 66-санлы қарар ҳәм техника алыўдағы бир қатар жеңилликлерди бериўши арнаўлы қарардың қабыл етилгенлиги республикамызға 1000 ға жақын жаңа техника ҳәм агрегатлардың кирип келиўине жол ашты ҳәм жылдың зүрәәтли болыўына оғада салмақлы үлес қосты. Соның менен бирге, бәҳәр айларында ҳаўа райының оғада қолайлы келиўи де дийқанлардың қырманына айрықша берекет киргизди.

Пидайы мийнетлердиң нәтийжесинде быйылғы жыл зүрәәти ушын дийқан, фермер хәм агрокластерлер тәрепинен егилген 53 мың гектар егислик майданларының 35 мың 500 гектарынан артық майданларда орым-жыйын жумыслары алып барылды ҳәм усы майданлардан гектарына орташа 72,7 центнер есабынан 258 мың тоннадан артық дән жетистирилди.

Министрлер Кәбинетиниң 2024-жыл 11-июндағы «2024-жыл зүрәәтинен бийдай сатып алыў ҳәм ишки базарда бахалар турақлылығын тәмийнлеў ҳаққында»ғы 325-санлы қарары менен быйылғы жылда аймақлық дән карханалары ҳәмде ғәллешилик кластерлери тәрепинен улыўма 106 мың 800 тонна дән, соннан, 38 мың 100 тонна мәмлетлик ресурс тийкарында, 58 мың 700 тонна биржа арқалы сатыў ушын ўақтынша сақлаўға ҳәмде 10 мың тонна туқымлық бийдай қабыллаў белгиленген еди.

Зүрәәт ушын алып барылған жумыслар нәтийжесинде аймақлық дән карханалары ҳәмде ғәллешилик кластерлери тәрепинен жетистирилген дәннен жәми 108 мың 216 тонна, соннан 37 385 тонна мәмлекетлик ресурс тийкарында, 60 794 тонна ўақтынша сақлаўға ҳәмде 10 037 туқымлық дән қабылланды ҳәм белгиленген реже 101,3 пайызға орынланыўына ерисилди.

Соны да мақтаныш пенен тилге алыўымыз керек, быйыл Қарақалпақстан Республикасында ғәлледен ҳәр жылғыдан да мол қырман жаратылып атыр. Буны бүгинги күнде қалған 17 мың гектардан артық майданларда орым-жыйын жумыслары даўам етип атырғанлығынан ҳәм бул майданлардан 60 мың тоннадан артық дән жетистириў режелестирилип, улыўма алғанда быйылғы жылда 300 мың тоннадан артық бийдай қырманын жаратыў мақсет етилгенлигинен көриўимизге болады.

Әлбетте, бул гөзленген мақсетлерге ерисиўде мийнеткеш фермер ҳәм дийқанларымыздың орны айрықша есапланады. Быйылғы жылда 100 ге жақын фермер хожалықлары 3 мың гектарға жақын майданларынан орташа гектарына 90-100 центнерден ғәлле жетистириўи кеўиллерге мақтаныш сезимлерин бағышламақта.

Быйылғы жыл зүрәәтиниң шығынсыз жыйнап алыныўында тийисли тараў ўәкиллери менен бирге, ишки ислер уйымлары, миллий гвардия ҳәм айрықша жағдайлар хызметкерлериниң де мийнетлери салмақлы болды.

Ҳәзирги ўақытта ғәлледен босаған майданлар халқымыз дастурханын сапалы азық-аўқат өнимлери менен тәмийинлеў мақсетинде қайта егиске таярланып, тәкирарий егинлер ушын шараят жаратылып атыр.

Ғәлледен ҳәр жылғыдан да мол зүрәәт алыўдағы мийнет жеңиси ушын пидайы дийқанларымыз, барлық тараў хызметкерлерин қутлықлаймыз.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter