#түйешилик
#Қарақалпақстан_ППЖ

МЫҢ ДӘРТКЕ ДАЎА ТҮЙЕ СҮТИ

Қоңырат районындағы бийбаҳа  Үстирт кеңислиги жайлаўлары шарўашылық, соның ишинде түйешиликти раўажландырыў ушын оғада қолайлы.

-Түйелерге өз алдына жем таярлап жүрмеймиз, қосымша жем берилсе, сүти көбейген менен, емлик кәсийети жойытылады. Олар тийкарынан Үстирттеги жантақ және басқа емлик өсимликлерди жейди.
Түйе сүти қанды тазалаў қәсийетине ийе болып,қант кеселлиги ҳәм баўыр кеселликлерине  ем.
Түйелерим арасында ақ түйем бар.Әдетте , ақ түйелер жүдә сийрек туўылады. Олар жүдә қымбатбаҳалы есапланады,-

дейди  ата кәсибин даўам еттирип, үйинде түйе  бағып ,шаңарағына қосымша дәрамат киргизип отырған Алибек Сабитов.

-Түйелерди күнине үш-төрт мәртебе аз-аздан саўамыз. Көпшилик адамлар таза саўылған түйе сүтин азанғы ашаўға ишип, тәўир болған.
Түйе сүтинен шубат, балқаймақ ислеймиз,сатып пайдаланамыз,-

дейди оның өмирлик жолдасы Амина Жасанова.

•┄┄┄┄┄┄┄༻❅༺┄┄┄┄┄┄┄•

Қоңырат районы ҳәкимлиги Мәлимлеме хызмети

➥ @qongiratrkuz
    
    

Жаслар тәрбиясы-кешиктириўге болмайтуғын мәселе

Қоңырат районы "Қоңырат"аўыл пуқаралар жыйыны аймағындағы 2-санлы мектепте мәҳәлле белсендилери тәрепинен мектеп оқыўшыларының тәлим -тәрбиясы, оқыўға қатнасы ҳәм ҳуқықбузарлықлардың алдын алыўға қаратылған ата-аналар мәжилиси өткерилди.Онда ата-аналардың перзент тәрбиясына жуўапкершилигин асырыў мәселелери талқыланды.
Усы күни Өзбекстан Жазыўшылар аўқамы ағзасы А.Камаловтың оқыўшы жаслар менен ушырасыўы шөлкемлестирилди.

•┄┄┄┄┄┄┄༻❅༺┄┄┄┄┄┄┄•

Қоңырат районы ҳәкимлиги Мәлимлеме хызмети

➥ @qongiratrkuz