Әдиўли аналар, қәдирли ҳаял-қызлар!

Сизлерди, сизлер арқалы пүткил ҳаял-қызларды бәҳәр паслының туңғыш байрамы, өзинде гоззал сезимлерди, жақсы нийет ҳәм ийгиликли мақсетлерди жәмлеген әжайып әйям – 8-март – халықаралық Ҳаял-қызлар байрамы менен қызғын қутлықлайман.

Сизлер биз ушын ең дәслеп қәдирли ана, әзиз Ўатан, шаңарақ тымсалы, шеги жоқ меҳир ҳәм жақсылық дерегисиз.

Бәршеңизге мәлим, халқымыз әзелден гоззаллық тымсалы болған әдиўли аналар менен дилбар қызларға айрықша ҳүрмет көрсетип, оларды бәрҳәма қәстерлеп келген.

Бул жоқары қəдирият бүгинги күнде де улығланып, елимизде ҳаял-қызларға ғамхорлық көрсетиў, оларды ҳәр тәреплеме қоллап-қуўатлаў, жәмийетлик - сиясий турмыста белсендилигин арттырыў – мәмлекетлик сиясаттыӊ баслы бағдарларынан бирине айланып үлгерген.

Әсиресе, соңғы жыллары елимизде тиккелей ҳүрметли Президентимиздиң ғамхорлығы ҳәм итибары менен гендер теңликке итибар қаратылып атыр. Оларды қоллап-қуўатлаў бағдарында «Ҳаяллар дәптери» турмысқа енгизилди, исбилермен ҳаял-қызларымыз ушын болса жеңиллетилген кредитлер бериў жолға қойылды, ҳаял-қызлар менен ислесиўде «Мәҳәллебай» системасынан кең түрде пайдаланылып атыр. Буннан тысқары, жоқары оқыў орынларындағы қызлар ушын қосымша квоталар ажыратылып, бир қатар критериялар бойынша шəртнама пуллары төлеп берилмекте ҳәм социаллық қорғаўға мүтәж ҳаяллар турақ-жайлар менен тəмийинленбекте.

Әлбетте, булардың барлығы ҳүрметли Президентимиз тәрепинен ҳаял-қызларымызға қаратылып атырған итибар ҳәм ғамхорлықтың көриниси есапланады.

Ҳүрметли ҳаял-қызлар!

Сизлерди бүгинги бәҳәр байрамы, жасарыў ҳәм жаңаланыў әйямы менен және бир мәрте қызғын қутлықлайман!

Сизлерге беккем денсаўлық, шаңарақларыңызға аманлық, қут-берекет, жумысларыңызда тасқын табыслар тилеймен.

Ана-Ўатанымыз, халқымыз, ел-журтымыз, бəршемиздиң бахтымызға ҳəмийше аман болғайсызлар.

Гоззал байрамыңыз мүбәрек болсын!


Аманбай Орынбаев
Қарақалпақстан Республикасы Жоқарғы Кеңесиниң Баслығы

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

#Online
#no_comment
#Қарақалпақстан_ППЖ

•┄┄┄┄┄┄┄༻❅༺┄┄┄┄┄┄┄•

Қоңырат районы ҳәкимлиги  Мәлимлеме хызмети

👉@qongiratrkuz‌‌

Әзийз аналар, қәдирли апа-қарындаслар!

Ең, әўеле, сизлерди , сизлердиң тымсалыңызда бәрше аналарымыз, апа-қарындасларымыз, дилбар қызларымызды жақсылық ҳәм гөззаллық байрамы 8-март -Халық аралық Ҳаял-қызлар күни менен районымыздың белсендилери, кең жәмәәтшилик ўәкиллери атынан шын кеўилден қутлықлайман.
Ҳаялдың нәзиклиги, ўападарлығы, садықлығы ,ақыл- парасаты ҳәм пидайылығы әсирлер даўамында жер жүзинде өмир даўамлылығы хәм мәңгилигине тийкар болып келмекте.
Шаңарақ ҳәм жәмийет үстини,өмиримиздиң пайызы ҳәм көрки болған ҳаял-қызларды қәдирлеў, оларға ҳүрмет ҳәм иззет көрсетиў халқымыз ушын әзелден уллы қәдрият болып келген ҳәм сондай болып қалады.
Себеби ,сизлер менен өмиримиз және де гөззал ҳәм мазмунлы, шаңарақларымызда пайыз-берекет.

Ҳүрметли Президентимиз Шавкат Миромонович Мирзиёевтың "Ҳаял-қызлар ҳәм шаңарақ мәселеси -бул  тек ғана бүгинги күнимиз емес, бәлким ертеңги келешегимизди де белгилеп беретуғын шешиўши фактор. Егер биз меҳир-ақыбет ҳәм садықлық тымсалы ,шаңарақларымыз периштеси болған ҳаялларға бир жақсылық қылсақ, ҳеш шубҳасыз, бул он жақсылық болып қайтады"-
деген сөзлери жәмийетимизде ҳаял- қызларға болған мәдениятлы мүнәсибет, оларды қәдирлеў, қоллап- қуўатлаў  бойынша бизге жүклетилген жоқары ўазыйпа деп есаплайман.
Бүгин аналарымыз әзелден арзыў еткен дәўир келди десем асыра айтқан болмайман. Себеби, ҳаял-қызларымыз жәмийетимиздиң ҳақыйқый белсенди ағзасына айналды, сайлаў ҳәм сайланыў ,илим алыў, кәсип ийелеў, мийнет етиў ҳуқықларынан толық пайдаланбақта.
Әсиресе, ҳаял-қызларымыздың мәмлекет басқарыўындағы орны, үлеси артып баратырғаны бәршемизди қуўандырады. Ҳәзирги ўақытта Қарақалпақстан Республикасы Жоқарғы Кеңесиниң  Қоңыратлы депутатларынан бири ҳаял болса, Халық депутатлары районлық Кеңесинде турақлы искерлик көрсетип киятырған депутатларымыздан  10 ҳаял депутатларына да районымыз халқы исеним билдирген.
Районымыздағы 39 мәҳәлледе ҳаял-қызлар белсендиси лаўазымы жаңадан енгизилди.
Сол тәризде ҳаял-қызларымыздың машқалалары дәрт тәшўишлери менен турақлы шуғылланатуғын
нәтийжели система  жаратылды.
Ел -журтымыздың әне усындай жоқары исенимин ҳәм үмитин ақлап атырған ҳаял-қызларымыз 2023- ҳәм 2024-жылда жоқары дәрежедеги мәмлекетлик сыйлықларға миясар болмақта.
Өткен жылы Өзбекстан Республикасы Президентиниң Пәрманына муýапық  райондағы "Алтынкөз-Сартур" биолабораториясы баслығы Турдыгүл Аденбаеваның "Дослық"ордени менен сыйлықланыўы , "Қарақалпақстан" посёлка пуқаралар жыйыны ҳәким жәрдемшиси Жамила Аметованың "Шухрат" медалы менен сыйлықланыўы пикиримиздиң анық дәлийли бола алады.
Күни кеше Қоңыратлы өнермент қыз Алёнка Қыдырниязова Қарақалпақстан Республикасы Жоқарғы Кеңеси Президиумының қарарына муўапық "Ўатан пидайысы"көкирек белгиси менен ,
Халық депутатлары Қоңырат районлық Кеңесиниң депутаты Дилорам Клычева "Ибратлы ҳаял" көкирек нышаны менен ҳәм Қоңырат районы медициналық бирлеспеси балалар бөлими педиатр шыпакери Карима Маткаримовалар"Мўътабар аёл"көкирек белгиси менен сыйлықланды.

Қәдирли аналар, апа-қарындаслар, дилбар қызларым!

Бәршеңизди Халық аралық ҳаял-қызлар күни менен және бир мәрте қутлықлайман.
Сизлерге дүньядағы ең ийги нийетлеримди билдирер екенмен,
бәршеңиздиң  шаңарағыңызға тынышлық-қәтержамлық,пайыз берекет тилеймен!

Ҳүрмет пенен
Қоңырат районы ҳәкими
Бекзод Мадаминов

•┄┄┄┄┄┄┄༻❅༺┄┄┄┄┄┄┄•

👉@qongiratrkuz‌‌

Ўзбекистон Республикаси Президентининг "Муборак Рамазон ойини муносиб тарзда ўтказиш тўғрисида"ги қарори
—
Постановление Президента Республики Узбекистан "О проведении священного месяца Рамазан на достойном уровне"

Prezident.uz|Facebook|Instagram|YouTube|X

#no_comment
#Жаслық_ППЖ
#8_Март_Халық_аралық_Ҳаял_қызлар_күни

•┄┄┄┄┄┄┄༻❅༺┄┄┄┄┄┄┄•

Қоңырат районы ҳәкимлиги  Мәлимлеме хызмети

👉@qongiratrkuz‌‌

#8_МАРТ
#ХАБАР

БАЙРАМ ИЛАЖЫНАН ТАЯРЛАНҒАН ВИДЕОРЕПОРТАЖ

•┄┄┄┄┄┄┄༻❅༺┄┄┄┄┄┄┄•

Қоңырат районы ҳәкимлиги  Мәлимлеме хызмети

👉@qongiratrkuz‌‌