#kitap_jańalıǵı

📚Qońırat rayonı hákimliginde “Qaraqalpaqstan” baspasınan joqarı sapada basılıp shıqqan “Qaraqalpaq tiliniń túsindirme sózligi” kitabınıń VII tomın rayondaǵı mákeme kárxana hám shólkemlerge tanıstırıwǵa baǵıshlanǵan seminar bolıp ótti. Seminarǵa rayon hákimligi xızmetkerleri hám ayırım mákeme qánigeleri qatnastı.
Rayon hákiminiń mámleketlik til máseleleri boyınsha másláhátshisi R.Aybergenova shıǵıp sóylep, jańa baspadan shıqqan “Qaraqalpaq tiliniń túsindirme sózligi” kitabınıń VII tomlı kitabı menen tanıstırdı.

Tolıq oqıw: https://kungrad.uz/3718.html

➥ @qongiratrkuz

#семинар

"Электрон онлайн аукционларды шөлкемлестириў" АЖ Қарақалпақстан Республикасы ўәкили Руслан Есимбетов тәрепинен Қоңырат районындағы "Мийнетабад"АПЖ ҳәм "Алтынкөл" ППЖ да семинар шөлкемлестирилди.Семинар даўамында пуқаралар,исбилерменлер ҳәм жаслар  "Е-auksion" саўда платформасында саўдаға шығарылып атырған мүлклер, дийхан ҳәм аўыл хожалығы жерлери, исбилерменлик ушын жер майданлары, киши ҳәм жаслар санаат зоналары жер майданлары ҳәм бул мүлклер саўдасына қатнасыў тәртиби менен  таныстырылды.

➥ @qongiratrkuz

Ana tili - millettiń janı, ruwxı

Qońırat rayonı Málimleme kitapxana orayında 1-dekabr - Qaraqalpaq tiline mámleketlik til biyligi berilgenligine 34 jıl tolıwı múnásibeti menen bayram ilajı bolıp ótti.
Keshege rayon hákiminiń mámleketlik til boyınsha másláhátshisi R.Aybergenova, Respublika ruwhıy-aǵartıwshılıq orayı rayonlıq bóliminen A.Tureev, Din isleri boyınsha hákim másláhátshisi Y.Qalekeev,  Málimleme kitapxana orayı direktorı D.Avezbayevalar qatnasıwshılardı qaraqalpaq tili bayramı menen qutlıqlap, oqıwshılarǵa qaraqalpaq tiliniń tariyxi, rawajlanıwı haqqında maǵlıwmatlar berdi.Oqıwshılar atqarıwındaǵı milliy ayaq oyınlar, qız-jigitler aytısı, "Bilimdanlar klubı” aǵzaları tárepinen usınılǵan saxnalıq kórinisler, "Ana tilim maqtanıshım" atlı videorolik qatnasıwshılarda úlken tásir qaldırdı.
Qánıgelestirilgen mektep-internatı oqıwshıları qaraqalpaq xalıq jazıwshısı Tólepbergen Qayipbergenov kitaplarınıń prezentaciyasın ótkerdi.

➥ @qongiratrkuz

Qońırat rayonı hákiminiń orınbasarları A.Mamutov hám  I.Kuchkarovlar basshılıǵında rayon aymaǵında jaylasqan sociallıq obektler basshıları, otjaǵarlar hám mekeme xızmetkerleri qatnasıwında seminar ótkerildi. Seminarda sociallıq obiektlerdiń gúzgi-qısqı máwsimine tayarlıǵın úyreniw dawamında anıqlanǵan kemshilikler dodalandı. Jıynalıs qatnasıwshılarına órt hám ayrıqsha jaǵdaylardıń aldın alıw boyınsha keń túrde túsinik jumısları alıp barıldı.

Qońırat rayonı hákimligi Málimleme xızmeti

➥ @qongiratrkuz