Кәсиплик аўқамлары күни кең түрде белгиленди

Бүгин 11-ноябрь – «Кәсиплик аўқамлары күни» мүнәсибети менен байрам кешеси болып өтти. Онда Қарақалпақстан Республикасы Жоқарғы Кеңесиниң Баслығы Аманбай Орынбаев қатнасып, елимизде инсан қәдири ушын принципи тийкарында алып барылып атырған кең көлемли реформаларға тоқталып өтти ҳәм бүгинги байрам мүнәсибети менен қызғын қутлықлады.

Буннан соң кәсиплик аўқамы белсендилерине елимизди ҳәр тәреплеме раўажландырыў ҳәм халқымыздың абадан турмысын тәмийинлеў, хызметкерлердиң социаллық-экономикалық мəплерин, мийнет ҳуқықларын қорғаўдағы белсендилиги, оларға турақлы мийнет шараятын ҳəм дем алыў турмысын жақсылаўдағы мийнетлери, сондай-ақ, балалар дем алысларын шөлкемлестириўдеги хызметлери ушын Қарақалпақстан Республикасы Жоқарғы Кеңесиниң көкирек белгилери менен ҳүрмет жарлықлары тапсырылды.

Соның менен бирге, «Ең жақсы сектор баслығы», «Ең жақсы мәҳәлле баслығы», Ең жақсы ҳәким жәрдемшиси», «Ең жақсы жаслар жетекшиси», «Ең жақсы профилактика инспекторы» таңлаўларының Өзбекстан Республика басқышында мүнәсип қатнасып келген белсендилерге де баҳалы саўғалар тапсырылды.

Ҳақыйқатында да, бүгинги күнде елимизде халықты социаллық қоллап-қуўатлаў бойынша дүнья тәжирийбесинде ушыраспайтуғын жаңа система тийкарында жумыслар әмелге асырылмақта. Себеби ҳүрметли Президентимиз басшылығында мийнет қатнасықларын реформалаўға, пуқаралардың мийнет ҳуқықларын қорғаўға, ҳаял-қызлар ҳәм жасларды қоллап-қуўатлаўға, халықтың бәнтлигин тәмийинлеўге ҳәм кәмбағаллықты қысқартыўға үлкен итибар қаратылып, бул бағдарда кең көлемли реформалар әмелге асырылмақта.
Байрам илажы даўамында көркем-өнер тараўы хызметкерлери тәрепинен концерт бағдарламасы қойып берилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Тошкент шаҳрида Ўзбекистон Республикаси Президенти Шавкат Мирзиёев раислигида Иқтисодий ҳамкорлик ташкилотининг 16-саммити бўлиб ўтди.
—
В городе Ташкенте под председательством Президента Республики Узбекистан Шавката Мирзиёева состоялся 16-й саммит Организации экономического сотрудничества.

#Mirziyoyev #sammit #IHT #hamkorlik

Prezident.uz|Facebook|Instagram|YouTube|Twitter