Баспасөз ҳәм ғалаба хабар қураллары хызметкерлери күни кең түрде белгиленди

Бердақ атындағы Қарақалпақ мәмлекетлик академиялық музыкалы театрында «27-июнь – Баспасөз ҳәм ғалаба хабар қураллары хызметкерлери күни» мүнәсибети менен байрам салтанаты болып өтти.

Онда Жоқарғы Кеңес Баслығы Аманбай Орынбаев шығып сөйлеп, бүгинги байрам мүнәсибети менен қутлықлады.

Соңғы жыллары ҳүрметли Президентимиздиң басшылығында сөз еркинлигин тәмийинлеў, ғалаба хабар қуралларын ҳәр тәреплеме қоллап-қуўатлаў, тараў пидайыларын мүнәсип хошаметлеў, әмелге асырылып атырған реформаларды халық арасында кеңнен үгит-нәсиятлаў бағдарында кең көлемли жумыслар әмелге асырылмақта.

Атап өтиў керек, быйылғы жылдың өзинде 661 млн. сумлық қаржы есабынан Қарақалпақстан радиосына радио толқынларын узатыў антенналары сатып алынбақта. Бүгинниң өзинде 2 млрд. 339 млн. сумлық қаржы есабынан Қарақалпақстан телевидениесиниң материаллық-техникалық базасын жəне де беккемлеў ушын қосымша имканият жаратылмақта. 757 млн. сумнан аслам қаржы ажыратылып, “Баспасөз үйи” имаратында “Медиа-орай” шөлкемлестирилмекте.

Республикалық газета-журналларды қоллап-қуўатлаў мақсетинде 2 млрд. 119 млн.сум қаржы ажыратылды. 12-июньнен баслап санлы телеузатқыш арқалы Тахтакөпир, Қараөзек ҳəм Шымбай районлары халқы жергиликли мəмлекетлик емес телеканалларды, яғный, “Әмиўдəрья ТВ”, “Жаслар ТВ” ҳəм “Елликқала ТВ” телеканалларын тест режиминде көриў имканиятына ийе болмақта. Сондай-ақ, “Нөкис ФМ” радио-эфири көлемин кеңейтиў мақсетинде Тахтакөпир радио-телевизион станциясына 500 ватлы радиоузатқыш ҳəм антенна қурылмалары орнатылды.

Дөретиўшилердиң кәсиплик байрамы мүнәсибети менен «Ардақлы нураний», «Ўатан пидайысы» көкирек белгилери, өзлериниң юбилей сәнелерин белгилеп атырған газета-журналлар редакцияларына, телеведение ҳәм радио жәмәәтлерине компьютерлер, Ҳүрмет жарлықлары менен баҳалы саўғалар тапсырылды.

Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қоңырат районында Баспасөз ҳәм ғалаба хабар қураллары хызметкерлери күни кең түрде белгиленди

Бүгин, Қоңырат районы Мәденият сарайында «27-июнь – Баспасөз ҳәм ғалаба хабар қураллары хызметкерлери күни» мүнәсибети менен байрам салтанаты болып өтти.

Илажға район ҳәкими Б.Мадаминов, жергиликли ғалаба хабар қураллары ўәкиллери, журналистлер, блогерлер ҳәм тараў нураныйлары қатнасты.

Онда район ҳәкими Б.Мадаминов шығып сөйлеп, бүгинги байрам мүнәсибети менен бәрше тараў пидәйыларын қызғын қутлықлады. Олардың мәмлекетимизде сөз еркинлигин тәмийинлеў ҳәм ашық-айдынлықты беккемлеўдеги мүнәсип үлесин айрықша атап өтти.

Буннан соң, мәмлекетимизде әмелге асырылып атырған реформаларды халқымызға жеткериўде сезилерли үлес қосып атырған бир қатар тараў ўәкиллери ҳәм нураныйлар район ҳәкимлиги тәрепинен баҳалаы саўғалар ҳәм Ҳүрмет жарлықлары менен сыйлықланды.

Илаждан соң, нураныйлар ҳәм ҒХҚ ўәкиллери ушын байрам  дастурханы жайылып, тараў ўәкиллери бир кесе шай үстинде жақыннан сәўбетлести.

👉@qongiratrkuz