#Boburxonlik

Sochiyu qoshiyu kuzidin boshta havodur,
Ne boshda havo — har birisi boshqa balodur.

Qosh yosi bila ul qora kuz gamza uqini
Ushshoqdin uzga soriga otsa khatodur.

Gar chin desangiz, kuzi oning ohui Chindur,
Khattini, khato qilmasangiz, mushki Khitodur.

Evrulsam oning boshiga, topshursam onga jon,
Jonimda havas ulduru boshda bu havodur.

Ishq ichra yoshurgon yurakim qonini, vahkim,
Bu seli sirishkim bori olamga yoyodur.

Bobur desa oyini, ne tong, javru jafoliq —
Kim, husn eli oyini, bale, javru jafodur.

🔹🔹🔹🔹🔹🔹🔹🔹🔹🔹🔹🔹
Bizni ijtimoiy tarmoqlarda kuzating ⬇️

Telegram Facebook