#Taqvim

BUGUN - 23-may

⚡️Butunjahon toshbaqalar kuni.

✔️Uolt Disney (Walter Elias Disney) «Laf-o-Gram Filmz» kinokompaniyasiga asos soldi (1922). 

📌Munavvar qori Abdurashidxon o‘g‘li Moskvaning Butirka turmasida otib o‘ldirilgan kun (1931).

📌Namanganda Boborahim Mashrab muzeyi va haykalining tantanali ochilish marosimi o‘tkazildi (1992).

Rasmiy sahifalarimiz:
Telegram Instagram Facebook

#Ochiq_eshiklar_kuni

🔰Bugun Abdulla Qodiriy nomidagi ijod maktabida ota-onalar, o'quvchilar, ularning ustozlari va jurnalistlar uchun "Ochiq eshiklar kuni" tashkil etildi.

📌Mazkur tadbirga Toshkent shahri va viloyatida joylashgan bir necha maktablarning o'quvchilari ustozlari bilan tashrif buyurishdi. Shuningdek, “O‘zbekiston 24” telekanali, “Yoshlar” va “O‘zbekiston” radiokanallari, “Toshkent oqshomi” va “Uchitel Uzbekistana” gazetalari jurnalistlari ham ishtirok etib, o'zlarini qiziqtirgan savollarga javob olishdi.

❇️ Dastlab, mehmonlarni ijod maktabidagi “Chig‘atoy gurungi” musiqa to‘garagining rahbarlari Zebo Yusupova va Go‘zal Mo‘minovalar musiqiy guldasta bilan qarshi oldilar.

🔸Mezbon o‘quvchilar mehmonlarni maktab hududi bo‘ylab ekskursiyaga chorlab, o‘quv faoliyati bilan yaqindan tanishtirdilar. Tashrif buyurganlar barcha o‘quv darsxonalari, kutubxona, sport zalda bo‘lish barobarida, "Raqamli va tasviriy san'at", “Media va dizayn” to‘garaklari faoliyatini ham kuzatishdi.

🎯Shuningdek, kelganlarga taniqli ijodkor Bashorat Xodjayeva tomonidan "Abru" san’ati bo‘yicha amaliy mashg‘ulot taqdim etildi. O‘quvchilar tomonidan ushbu san’at turi katta qiziqish bilan qabul qilindi va ular ham "Abru"da o‘zlarini sinab kordilar.

✅Faollar zalida tashrif buyurganlarga maktab faoliyati haqida o‘quvchilar qisqacha ma’lumotlarni taqdim etishdi. “Chig‘atoy gurungi” drama to‘garagi a’zolari ijrosida “Qasamyod” spektakli namoyish qilingach, musiqa to‘garagi ijodkorlari “Go‘zal Turkiston” qo‘shig‘ini ijro etishdi. Shu bilan birga, ijodkor o‘quvchilar o‘zlari yozgan she’rlardan o‘qib, yig‘ilganlarga kayfiyat ulashdilar.

🎙- Ijod maktabi juda ma’qul bo‘ldi. O‘ylaymanki ,o‘quvchilarim ham juda katta taassurotlaga ega bo‘lishdi. Zamonaviy darsxolnalar, oshxona, sport zali va faollar zalini ko'rdik. Kelasi o‘quv yilida mennig o‘quvchilarim orasidan ham bir nechtasi ijod maktabida o‘qishga musharraf bo‘lishadi, deb umid qilaman, - dedi Toshket shahridagi 163-maktab o‘qituvchisi Xushvaqova Nodira.

🎤- Mazkur maktab Toshkent shahridagi yagona ijod maktabi hisoblanadi, - dedi 339-maktab o‘qituvchisi Muxtorova D. – Ijodga, adabiyotga qiziuvchi bir guruh o'quvchilarimizni ushbu maktabga sayohatga olib keldik. Ular kirish imtihonlari haqida ma'lumotlarga ega bo'ish bilan bir qatorda, maktabda o'quvchilar uchun yaratilgan shart-sharoitlar, imkoniyatlarni o'z ko'zlari bilan ko'rishdi. Natijada ularning maqsadlari qat'iylashdi, intilish va harakatlari yanada ortdi. Umiq qilamanki, ko'plab o'quvchilarimiz kirish imtihonlaridan muvafaqqiyatli o'tib, Abdulla Qodiriy nomidagi ijod maktabining o'quvchisi bo'lishadi.

♻️Kechgacha davom etgan "Ochiq eshiklari kuni"da ma’muriyat, o‘qituvchilar, o‘quvchilar birdamlikda, bir jamoa bo‘lib ishtirok etishdi.

Rasmiy sahifalarimiz:
Telegram Instagram Facebook