#ijodiy_togarak
#oquvchilar_ijodidan

Bahorni sog'inib

Zerikdim qahraton sovuqlaridan,
Negadur xohladim – erib ketsin qor.
Chopib kel falakning dudoqlaridan,
Men seni sog'indim, go'zalim bahor.

Bunchalar xushbo'ysan, yaxshisan biram,
Iforingni qo'msab sanayman nahor.
Qahraton faslga beraqol barham
Yangi kun bo'lib kel, Navro'zim bahor.

Zulfiya aytganday, kelar o'sha tun,
Tabiatni qilib ko'm-ko'k chamanzor.
Balki shu ko'klamda tug'ilganim-chun,
Seni sog'indimmi, dugonam bahor.

Hali raqsga tushar ko'kda qaldirg'och,
Yalpizlar gurkirar tarqatib ifor.
Entikkan qalblarga tarqatib quvonch,
Savlat to'kib kelgin, azizam bahor!

✍️Abdulla Qodiriy nomidagi ijod maktabi 8-“B” sinf o’quvchisi Abdurahmonova Xadichabonu


🌐 Ijod maktabining ijtimoiy tarmoqlardagi rasmiy sahifalari:

Telegram
Facebook
Instagram

#zulfiyaxonim
#ijodiy_togarak

Zulfiyadan Hamid Olimjonga


Ilk bahor kunida keldim dunyoga,
Yashnatib onamning qaro ko'zini.
Oqladim, intilib ilm, ziyoga,
Temirchi otamning non-u tuzini.

Oh, bahor, sen kabi men go'zal edim,
Onam sochlarimni o'rib qo'yardi.
Men uchun ko'zlari bilmasdi tinim,
Kitob o'qib meni o'pib qo'yardi.

Navqiron umrimga keldi muhabbat,
Oh, yurak tipirlar, titraydi bu jon.
Sevardingiz meni, suygansiz albat,
Sizdan minmatdorman, Hamid Olimjon.

Bo'ronlarga qolib ketdik ikkimiz,
Kurashdik, chekinish bizga yod edi.
Buncha og'ir bo'ldi shoir yo'limiz,
G'animlar kulardi, ular shod edi.

Qanday zamonlarda yashadik, hayhot,
Zulmkor zulmiga qilibmiz bardosh.
Bitta akamni ham sig'dirmadi yurt,
Yig'lab o'tdi onam to'kkancha ko'zyosh.

Bir kelib ketdingiz siz ham dunyoga,
O'g'il-qizimizni menga qoldirib.
Faqat qiyin bo'ldi azizim, shunga,
Otalik o'rnini yashash to'ldirib.

Yonsangiz yondim, kuydim kuysangiz,
Yo'qligingizga ham chidab o'tdi jon.
Ko'ngilda neligin agar so'rsangiz,
Sizni sevib o'tdim, Hamid Olimjon.

✍️Abdulla Qodiriy nomidagi ijod maktabi 8-“B” sinf o’quvchisi Abdurahmonova Xadichabonu


🌐 Ijod maktabining ijtimoiy tarmoqlardagi rasmiy sahifalari:

Telegram
Facebook
Instagram

#zulfiyaxonim
#ijodiy_togarak

Zulfiyaxonimga

Kurtaklar uyg’ondi, ochildi gullar,
Qir-u adirlarda bogʻlarda bahor.
Oʻrik gullariga burkandi yillar,
Sizni izlayotgan qalbimda bahor.

Bahor gullarining sevinchi qayda,
Oʻrik gullariga edingiz maftun.
Uygʻongan kurtakning gullari mayda,
Sizni sogʻinch ila kutadi mahzun.

Sizni izlayapman shabboda boʻlib,
Siz kezgan bogʻlarni qidirib chiqdim.
Muhabbat bahori ishqiga toʻlib,
Oʻrik gullarini soʻroqlab chiqdim.

Lekin topolmadim izingizni ham,
Sabrim boʻronlarga aylandi chogʻi.
Ma'yus koʻzlarimda paydo boʻldi nam,
Sizdan tanho qoldi sheʼriyat bogʻi.

Soʻngra tushlarimga kirdingiz asta,
Qoʻlimga tutdingiz oʻtkir qalamni.
“Shoira qizim, izdoshim”, deya
Dedingiz: “Unutdim dardli alamni"

Bahorga burkangan siz sevgan elda,
Sadoqat kuyingiz yangraydi hamon.
Bu kuyning naqadar mehri oʻzgacha,
Bizni yetaklaydi ishq yoʻli tomon.

Tushdagi qalamim, bugun qoʻlimda,
Mehrni kuylayman, chekinar alam.
Doim qalbimdasiz, orzu yoʻlimda,
Izdoshingiz hayot, hayotsiz siz ham.

✍️Abdulla Qodiriy nomidagi ijod maktabi 9-“A” sinf o’quvchisi Orifjonova Shahzoda


🌐 Ijod maktabining ijtimoiy tarmoqlardagi rasmiy sahifalari:

Telegram
Facebook
Instagram

#ijodiy_togarak


📌Abdulla Qodiriy nomidagi ijod maktabi “Mujda” ijodiy to’garagi rahbari Nigora Asqaraliyeva “Anorbooks” nashriyotining “Kitobdosh” loyihasi navbatdagi sonida ishtirok etdi.

✅Kitobxonlikni yanada ommalashtirish, asarlarni muhokama qilish uchun tashkil etilgan ushbu podkastning bu galgi sonida Lev Tolstoy qalamiga mansub “Kreyser sonatasi” qissasi tahlilga tortilgan.


⚡️Batafsil: https://youtu.be/qIw7i2BlBzA?feature=shared


🌐 Ijod maktabining ijtimoiy tarmoqlardagi rasmiy sahifalari:

Telegram
Facebook
Instagram

#o’quvchilar_ijodidan
#ijodiy_to’garak

DENGIZ

Bunchalar sokinsan, ayt ne sababi
Sokinsan, sirlisan xuddi qalb kabi
Dengiz, senga aytar bir savolim bor:
“Senchalik sirlimi insonning qalbi?”

Qalb koʻzidan tomgan zarradir balki
Sening bagʻringdagi har bitta tomchi
Mayli, sen quyoshda jilva qilarsan
Mehr olovida yongan bu qalb-chi?..

✍️Abdulla Qodiriy nomidagi ijod maktabi 9-“A” sinf o’quvchisi Nurmuhammadova Dilraboxon


🌐 Ijod maktabining ijtimoiy tarmoqlardagi rasmiy sahifalari:

Telegram
Facebook
Instagram