O‘qituvchi — hayot mayog‘i, kelajak ustunlaridir. Shu maʼnoda bu zahmatkash insonlar mehnatini qadrlash va huquqlarini himoya qilish, o‘quvchilarga sifatli taʼlim berishda munosib sharoitlar yaratib berish borasida davlatimiz tomonidan muhim choralar amalga oshirilmoqda.

Tan olib aytishimiz kerak, yaqin o‘tmishda o‘qituvchilarni majburiy mehnatga jalb qilish, ularni o‘z xizmat vazifasiga kirmaydigan ishlarga majburlash kabi noxush holatlar bor edi.

Davlatimiz rahbarining shaxsiy irodasi va tashabbusi bilan so‘nggi yillarda bu kabi inson huquqlarini kamsituvchi ishlarga barham berildi. O‘qituvchining o‘rni va obro‘sini ko‘tarish, ularning o‘z kasbiy faoliyati bilan to‘liq shug‘ullanishlari uchun zarur sharoitlar yaratib berilmoqda.

Prezidentimiz tomonidan kuni kecha imzolangan, pedagog xodimlarning xizmat vazifalarini bajarishiga to‘sqinlik qilganlik uchun javobgarlikni kuchaytirishni ko‘zda tutuvchi qonun ham bu boradagi saʼy-harakatlarning mantiqiy davomi bo‘ldi, desam yanglishmayman.

Qonunda nazarda tutilgan huquqiy normalarning hayotiyligi shundaki, pedagog xodimlarning mehnat huquqlarini buzish bilan bog‘liq jihatlar aniq va adolatli belgilangan.

Eʼtibor beraylik, umumiy holatda biror shaxsni majburiy mehnatga jalb etish 30 mln so‘mgacha (100 baravar) jarimaga sabab bo‘lsa, mazkur qonun asosida pedagoglarni majburiy mehnatga jalb qilish 45 mln so‘mgacha (150 baravar) jarima bilan jazolanishi belgilanmoqda.

Yana bir jihat: endilikda pedagog xodimni mehnatga biron-bir shaklda maʼmuriy tarzda majburlash uchun, agar xuddi shunday qilmish uchun maʼmuriy jazo qo‘llanilganidan keyin sodir etilgan bo‘lsa, 45 mln so‘mdan 60 mln so‘mgacha jarima yoki 3 yilgacha muayyan huquqdan mahrum qilish yoxud 3 yilgacha axloq tuzatish ishlari jazosi belgilandi.

Bundan ko‘rinib turibdiki, pedagoglarni majburiy mehnatga jalb etish yoki majburlash, nafaqat maʼmuriy, balki jinoiy javobgarlikka ham sabab bo‘ladi. Endilikda ushbu holatga takroran yo‘l qo‘ygan mansabdor shaxslarga 15 sutkagacha maʼmuriy qamoq belgilanishi mumkin.

Bugungi demokratik jamiyat qurish yo‘lida davlatimiz tomonidan olib borilayotgan xalqchil islohotlar zamirida, albatta, inson manfaatlari, uning qonuniy huquqlari turadi. O‘qituvchilarning huquqi bu borada barcha bo‘g‘inlardan ustun bo’lishi kerak.

Hilola Umarova,
Maktabgacha va maktab taʼlimi vaziri

Agentlikning rasmiy sahifalariga ulanish:
Telegram | Facebook | Instagram | YouTube

#Kun_hikmati

Kitob oʻqishning taʼmini bilganlar biladiki, kitob oʻqish dengiz suvini ichishga oʻxshaydi. Ichganingiz sari chanqaysiz, chanqaganingiz sari ichasiz.

✍️Hikmet Amil Oʻztekin

Rasmiy sahifalarimiz:
Telegram Facebook

#Psixologik_trening

⚡️Atrofdagilar bilan ijobiy munosabatlarni yo‘lga qo‘yish va hamkorlik haqidagi tasavvurlarni shakllantirish maqsadida Abdulla Qodiriy nomidagi ijod maktabi psixologi tomonidan 7-“B” sinf o‘quvchilari orasida “Biz birgamiz“ trening mashg‘uloti tashkil etildi. Mashg‘ulot ikki tur psixokorreksion o‘yinlarni qamrab oldi.

💫 Birinchi o‘yin “Borliqdan tilaklar” deya nomlanib, qoidaga muvofiq, ishtirokchilar qog‘ozchaga o‘zlari uchun tilak yozdilar. Qog’ozlar trener tomonidan yig‘ib olinib, qayta ulashildi. Har bir o‘quvchi o‘zi uchun kutilmagan tilakni qabul qildi.

🎯Ikkinchi mashg‘ulot “Yoqadi-yoqmaydi” o‘yini bo‘lib, shartga muvofiq ishtirokchilar ikki guruhga bo‘linishadi. Ular quchoq ochish, qarsak chalish, qo'l siqish, bosh qimirlatish va bosh barmoq bilan "dizlayk" ishoralarini qo'llash orqali guruhdagilarga munosabatini ifodalashdi.

📍O‘tkazilgan mashg’ulot davomida 7-“B” sinf o‘quvchilarining bir-birini hurmat qilish, do‘stlik rishtalari, o‘zaro ijobiy munosabat bildirish kabi ijobiy hissiyotlari shakllantirildi va o‘yin davomida ularda ko‘tarinki kayfiyat yuzaga keldi.

Maktab psixologi: Saida Karabayeva

Rasmiy sahifalarimiz:
Telegram Facebook