📌 Ijarada turadigan 1-kurs talabalariga 2 oylik ijara kompensasiyasi hech qanday shartnomasiz to‘lab beriladi. Noyabrdan boshlab, ijara shartnoma bo‘lsa, keyin kompensatsiya beriladi

Vazirlar Mahkamasining bayoniga binoan, talabalar safiga qabul qilingan va talabalar turar joyi bilan qamrab olinmagan uzoq hududlardan kelgan birinchi kurs talabalariga, istisno tariqasida, oliy ta’lim muassasalariga ajratilgan mablag‘lar doirasida sentyabr va oktyabr oylari uchun ijara shartnomasi talab etmasdan ijara kompensasiyasi to‘lab beriladi. Ijara shartnomasini taqdim etgan talabalarga noyabr oyidan to‘lovlar davom ettiriladi.

Bunda, oliy ta’lim muassasalari tomonidan birinchi kursda tahsil olayotgan, ijarada yashayotgan talabalar ro‘yxatini shakllantirish hamda ijara kompensasiya to‘lovlarini amalga oshirish yuzasidan rektor (direktor) buyrug‘i rasmiylashtirilib, tegishli mablag‘lar to‘lanishi belgilandi.

❓Bu nima degani?

Ma’lumki, o‘tgan yildan boshlab talabalar turar joyida joy yo‘qligi uchun ijarada turishga majbur bo‘lgan talabalarga ijara kompensasiyasi to‘lash tartibi yo‘lga qo‘yildi. Buning uchun talaba ijara shartnomasini o‘zi o‘qiyotgan OTMga topshirishi kerak edi.

Bu tartib hozir ham kuchida. Ya’ni qaysidir talaba ijarada turgan bo‘lsa, u nechanchi kursda o‘qiyotganidan qat’i nazar, ijara kompensasiyasi olishga haqqi bor.

Endi yangi tartibga ko‘ra, 1-kurslar uchun istisno belgilandi. Ya’ni yotoqxonaga joylasha olmagan 1-kurs talabalari "Men ijarada turdim" deb aytsa kifoya. Ularga sentyabr va oktyabr oylari uchun ijara kompensasiyasi hech qanday ijara shartnoma talab etilmasdan to‘lab beriladi. Agar ular yana kompensasiya olmoqchi bo‘lsa, unda noyabr oyidan boshlab ijara shartnoma ko‘rsatishi kerak bo‘ladi. Bu istisno faqat 1-kurslarga berildi. Katta kurslar sentyabr va oktyabr oylari uchun ham ijara shartnoma taqdim etsagina, kompensasiya olishadi.

💰 Ijara kompensasiyasining miqdori qancha?

Yotoqxona bilan qamrab olinmagan va o‘ziga, shu jumladan, ota-onasiga (qonuniy vakillariga) tegishli bo‘lmagan uyda ijarada yashaydigan talabalarga ular tomonidan to‘lanadigan oylik ijara to‘lovining 50 foizi byudjet mablag‘lari hisobidan qoplab beriladi.

Har oylik ijara pulining 50 foizi (Toshkent shahrida 300 ming so‘mgacha, qolgan hududlarda esa 150 ming so‘mgacha) davlat OTMlarining kunduzgi ta’lim shaklida, davlat granti yoki to‘lov-kontrakt asosida tahsil oladigan va ijara huquqi asosida yashaydigan talabalarga qoplab beriladi.

‼️ Demak, yotoqxonaga joylashmagan 1-kurs talabalari sentyabr va oktyabr, ya’ni 2 oyga Toshkent shahri uchun jami 600 ming so‘m, hududlar uchun 300 ming so‘mgacha kompensasiya puli olishlari mumkin. Buning uchun talabalar o‘zlari o‘qib turgan OTMga murojaat qilishlari lozim.

👉@qarduuz 👈

#Эътироф

⚡️Қарши давлат университети World University Rankings – 2023 халқаро рейтингида “репортер” мақомига эга бўлди

Буюк Британиянинг нуфузли рейтинг ташкилоти – Times Higher Education агентлиги ўзининг World University Rankings – 2023 рейтинг натижаларини эълон қилди. Аҳамиятлиси, республикамизнинг 170 дан ортиқ олий таълим муасссасаларидан 28 таси OTM World University Rankings – 2023 халқаро рейтингида “репортер” мақомига эга бўлди.

Қувонарлиси, улар орасида Қарши давлат университети ҳам бор. Сўнгги йилларда университет раҳбарияти ва жамоасининг самарали фаолияти, таълим сифатини юксалтириш, илмий тадқиқот ва халқаро ҳамкорлик алоқаларининг кучайиши бу эътирофга сабаб бўлди. Шунингдек, яқиндагина университет миллий рейтингда республика олий таълим муассасалари ўртасида кўрсаткичларини 16 поғонага яхшилаб, 30 ўринда қайд этилган эди.

Бу ютуқлар замирида сўнгги йилларда илмий салоҳиятни ошириш, илмий ва инновацион соҳада қатор янгиланишлар, илмий ютуқларга эришиш ҳамда хорижнинг энг илғор тажрибаларини ўрганиш, уларни миллий тажрибаларга сингдирган ҳолда фан ва таълим соҳасига тадбиқ этиш, жумладан, диссертация ҳимоялари сонининг 2 баробарга, илмий салоҳиятнинг 28 фоиздан 35,5 фоизга, дарслик, ўқув қўлланмалар ва монографиялар нашр этиш 3 баробарга, Web of Science ва Scopus базасидаги журналларда илмий мақолалар чоп этиш 2 баробарга, илмий даражалар берувчи илмий кенгашлар сонининг 2 баробарга ошиши, моддий техник базанинг замонавий талаблар асосида янгиланиши асос бўлди десак, адашмаймиз.

Қарши давлат университети жамоасини ушбу муваффақият билан самимий муборакбод этаман. Бу ютуқ университетнинг халқаро рейтинглар соҳасидаги илк қадами ҳисобланиб, келгусида топ-1000 ликка эришиш университет жамоасининг бош мақсадидир.

Дилмурод Набиев
Қарши давлат университети ректори, профессор

👉@rektor_qarshidu

#yashil_makon_umummilliy_loyihasi
#universitetimga_daraxt_ekaman

🌳 Bugun Qarshi davlat universitetida "Yashil makon" umummilliy loyihasi doirasida "Universitetimga daraxt ekaman" aksiyasi o'tkazildi.

👥 Unda oliygohning professor-o‘qituvchilari, talabalari va ishchi-xodimlari faol ishtirok etdi.

☘️ Aksiya davomida hududda 100 dan ortiq mevali va 300 dan ortiq manzarali daraxt ko'chatlari ekildi.

👉@qarduuz 👈

#Талабаларга_қулайлик

🏃🏻‍♂️🏋🏻‍♂️ Спорт - саломатлик гарови. Қарши давлат университетида талаба ёшларни спорт билан шуғулланишларига кенг имконият яратиш мақсадида 9-сонли талабалар турар жойида янги спорт анжомлари билан жиҳозланган тренажёр зали фойдаланишга топширилди.

👉@qarduuz 👈

#университетга_ташриф

Айни кунларда Қорақалпоғистон Республикаси делегацияси вилоятимизга ташриф буюриб, диққатга сазовор жойлар ва йирик ишлаб чиқариш корхоналари билан танишмоқда. Бугун делегация аъзолари Қарши давлат университетига ташриф буюришди.

Қорақалпоғистонлик меҳмонлар олий таълим муассасасида амалга оширилаётган бунёдкорлик жараёнлари, талабаларнинг сифатли таълим олиши учун яратилган шароитлар, талабалар турар жойлари, бош ўйингоҳ ва рақамли университет маркази билан яқиндан танишишди.

Меҳмонларга, шунингдек, яқин бир йил ичида университетда кенг кўламда амалга оширилган бунёдкорлик ишлари ва истиқболдаги режалар хусусида маълумот берилди.

👉@qarduuz 👈

🏆 Қашқадарё вилоят кубоги
♨️ФИНАЛ!!!

💥 Лочин ⚔️ Чироқчи
🛣 Геолог ўйингоҳи
🗓 9 ноябрь
🕰 соат 14.00 да

👏🏻👏🏻 Жамоамизни қўллаб-қувватлаш учун барча футбол ихлосмандларини Геолог стадионида кутамиз!

👉@qarduuz 👈

⚡️Халқаро талабалар куни муносабати билан вилоят Ёшлар марказида Қарши давлат университетининг ёшлар масаласига масъуллари ва талаба-ёшлари иштирокида маънавий-маърифий тадбир ўтказилди.

Батафсил видеолавҳада👆

👉@qarduuz 👈

#ғалаба_муборак_бўлсин

🏆Лочин жамоаси вилоят 2-лига мусобақаси ғолиби!!!

👍🏻 Жамоамиз билан фахрланамиз!!!

👉@qarduuz 👈