Қарши давлат университети ректори, профессор Д.Набиевнинг абитуриентлар ва ота-оналарга МУРОЖААТИ

⚡️Азиз ота-оналар, қадрли абитуриентлар!

Юрт ободлиги, тинчлик ва тараққиётнинг асосий гарови жамиятда Конституция ва қонун устуворлиги таъминланишидир. Дарҳақиқат, бугун бутун жамият қонун доирасида, ҳалол, покиза яшашга интилмоқда. Бироқ, шундай бўлишига қарамай, ҳали ҳамон орамизда пора эвазига иш битиришга уринаётган “уддабуронлар” учраб тургани кўнгилни хира қилади. Айниқса, қабул жараёнлари бошланиши билан тест ёки касбий (ижодий) имтиҳони мавжуд йўналишларга ўқишга киритиб қўйишни ваъда қилувчи олий таълим соҳасига алоқадор бўлган ва бўлмаган айрим шахсларнинг найрангларига алданиб қолишдан огоҳ бўлинг!

Маълумот ўрнида айтиш жоизки, ҳар йили Олий ва ўрта махсус таълим вазирининг тегишли буйруғи билан касбий (ижодий) имтиҳонлар республикамизнинг бошқа ОТМ профессор-ўқитувчилари таркибидан тузилган махсус комиссия томонидан қабул қилиниши тасдиқланади. Қолаверса, имтиҳон жараёнлари махсус видеокузатув орқали тўлиқ назоратга олинади. Ижодий имтиҳонлар адолатли, очиқ ва шаффоф тарзда, шунингдек, кенг жамоатчилик, ОАВ иштирокида бўлиб ўтиши таъминланади. Қисқа қилиб айтганда, фирибгарликни мақсад қилган, қинғир йўл билан даромад орттиришни ўйлаган нопок кимсаларга ҳеч қандай имконият қолдирилмайди. Айтмоқчимизки, уларнинг алдовларига ишониб қолманг! Бу орқали Сиз ўзингизга, биринчи навбатта, ҳам моддий, ҳам маънавий катта зарар етказишингиз мумкинлигини зинҳор унутманг.

Бугун таълим оламан деган ҳар бир киши учун кенг имкониятлар эшиги очилган. Шундай экан, тўғри йўл турганда, пора билан иш битиришга уриниб, коррупция балосини янада чуқур илдиз отишига ҳисса қўшманг. Бу билан сиз, аввало, ўз ҳаётингизни ва фарзандларингиз келажагини таҳлика остида қолдирган бўласиз. “Сўнги пушаймон – ўзинга душман”, деган нақлнинг ҳақиқатини бугун жиноят содир қилиб, ўзининг, оиласининг, фарзандларининг келажагини барбод қилган одамдан кўра кўпроқ англагувчи киши бўлмаса керак. Коррупцияга қўл ураётган, пора билан “проблема”сини ҳал қилишни мақсад қилган ҳар бир киши учун ўшаларнинг ҳаёти ибрат бўлмоғи лозим.

Коррупция ботқоғига ботганлар жамият тараққиётига ғов бўлиб, умри халққа хиёнат қилиш, ёш авлод онгини заҳарлаш билан ўтишини энди кенг жамоатчилик яхши тушунади. Ҳар қандай вазиятда ҳам ҳалол, виждонли одам ҳаётда ғолиб бўлади ва бахтли-саодатли ҳаётга эришади. Зеро ризқнинг ҳалоли – ҳаловатимиз гарови экнини доимо ёдда тутишимиз даркор.

Бугун замон шиддат билан олдинга қараб кетаётган, глобаллашув жараёнлари бутун дунёни қамраб олаётган, ҳамманинг нигоҳи ёшлар тақдирига қаратилган бир пайтда муҳтарам Президентимиз ва давлатимиз томонидан кучли ва адолатли таълим-тарбия тизими яратиб берилмоқда. Ҳамма гап буни тўғри англаш, Ватан ва халқ олдидаги бурч ва масъулиятни ҳис қилган ҳолда, ягона мақсад ва ғоя атрофида бирлашишдадир.

Унутмангки, жамиятнинг оғриқли нуқтаси бўлган коррупцияга қарши кураш борасида Сиз ота-оналарнинг, айниқса, ёшларнинг алоҳида ўрни бор. Бу курашга барча бирдек сафарбар бўлса, авлодларимизнинг тақдири ҳам, келажагимиз ҳам гўзал бўлади. Шу орқалигина биз юрт фаровонлиги ва барқарорлигига эришамиз.

Дилмурод НАБИЕВ,
Қарши давлат университети ректори, профессор

👉@rektor_qarshidu

​​#Qabul2022

⚡️ Bugundan abituriyentlarga ruxsatnomalarni berish boshlandi

2022/2023-o‘quv yilida oliy ta’lim muassasalarining bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tgan abituriyentlarga “Abituriyent ruxsatnomasi”ni berish boshlandi.

👨🏻‍💻 Abituriyentlar test sinovlarida ishtirok etish uchun “Abituriyent ruxsatnomasi”ni my.dtm.uz saytiga shaxsiy identifikatsiya raqami hamda pasport seriyasi va raqamini kiritgan holda olishlari mumkin.

❗️ESLATMA: Test sinovlari 8-avgustdan boshlanishini unutmagan holda ruxsatnomalarni 7-avgustga qadar yuklab olishni tavsiya etiladi.

📌 Shuningdek, abituriyentlar test sinovlariga pasport (ID-karta) va abituriyent ruxsatnomasi bilan kelishlari lozim.

❌ Pasport nusxasi yoki boshqa hujjatlar bilan kelgan abituriyentlar test sinovlariga kiritilmaydi.

👉@eduuz
👉@eduuzijodiy

“Jadidlar” to’plamining audio variantini e’tiboringizga havola etamiz!

Oliy va oʻrta maxsus taʼlim vazirligi huzuridagi Talaba va o‘quvchilarning ma’naviy yuksalishiga ko‘maklashish markazi qoshidagi "Talabalar ijtimoiy-media va madaniyat maskani" ovoz yozish audiostudiyasi tomonidan “Jadidlar” to‘plamining audio kitob varianti tayyorlandi!

📚 Ushbu to‘plam Yoshlar ishlari agentligi tomonidan nashr etilgan bo‘lib, unda Mahmudxo‘ja Behbudiy, Munavvar qori Abdurashidxonov, Is’hoqxon to‘ra Ibrat, Abdulla Avloniy, Abdurauf Fitrat, Abdulla Qodiriy, Abdulhamid Cho‘lpon, G‘ulom Zafariy kabi ma’rifatparvar jadidlarning hayoti va ijodi, asarlarining qisqacha tahlili, e’tirofi, hikmatli so‘zlari o‘rin egallagan.

⚡️ Ko’pchilik kitobxon-yoshlarning talab va takliflaridan kelib chiqib, ushbu to'plamni audiokitob shaklida tayyorladik. Bugun to'plamning birinchi "Mahmudxo'ja Behbudiy" kitobi audio variantini sizlarga taqdim etamiz.

👉 Audio kitobni tinglash: https://youtu.be/-uHJZDH0rW8

⚡️Ўқишни кўчириш бўйича рад этилган аризаларни таҳрирлаш имкони берилди

Республика ичидаги ОТМлараро ўқишни кўчиришга ариза берган, лекин рад жавобини олган фуқароларга аризасини 10 августгача қайта таҳрирлаш имконияти берилди. Маълум қилинишича, кўплаб ҳолатларда талабгорлар тегишли ҳужжатларни тўлиқ юкламаган, сўралган ҳужжат ўрнига бошқасини киритган, турдош бўлмаган йўналишни белгилаган.

@Rasmiykanal_uz

#ОАВда_биз
#ТВ_кўрсатув

📺 "Маданият ва маърифат" телеканалининг "Кеча ва бугун" рукнида Қарши давлат университети фаолияти хусусида кўрсатув эфирга узатилди.

👀 Томоша қилиш тавсия этилади.

👉@rektor_qarshidu

⭕️#Хушхабар

⚡️Талабамиз жаҳон чемпионатидаги иштирокини ғалаба билан бошлади

Қашқадарё вилояти ўғлони, Қарши давлат университети Жисмоний маданият факультети 2-босқич талабаси Нурбек Муртазоев (-81 кг) Эквадор давлатида дзюдо бўйича ёшлар ўртасида бўлиб ўтаётган жаҳон чемпионатидаги иштирокини ғалаба билан бошлади. Ҳамюртимиз АҚШ вакилини иппон баҳоси билан мағлубиятга учратди.

Спортчи талабамизга кейинги баҳсларда ҳам омад тилаймиз!

🌐@rektor_qarshidu

#Хавфсиз_ҳудуд_хавфсиз_талаба
#Қарши_давлат_университети_мисолида

👉 @qarduuz 👈

#Эътироф

⚡️Янги Ўзбекистоннинг улуғвор меъморий мажмуаси

Кеча қадимий ва навқирон Самарқанд шаҳрида муҳташам мажмуа – “Буюк ипак йўли” халқаро туризм марказининг тантанали очилиш маросими бўлиб ўтди. Унда иштирок этган давлатимиз раҳбари нутқ сўзлаб, барчани ушбу қувончли воқеа билан табрикладилар. Айниқса, “Қадимий ва навқирон Самарқанд бағрида қад ростлаган мана шундай замонавий, улуғвор меъморий мажмуа барчамизга, бутун халқимизга муборак бўлсин, буюрсин” деган сўзлари миллионлаб халқимиз қаторида мени ҳам тўлқинлантириб юборди. Қалбимда чексиз фахр-ифтихор туйғуларини уйғотди.

Эътироф этилгандек, ушбу мажмуа Янги Ўзбекистоннинг дунёга кенг очилаётган яна бир дарвозасидир. Бу мамлакатимизда сайёҳлик индустриясини ривожлантириш борасидаги улкан ишларнинг бир қисми деб, биламан. Шунингдек, нуфузли халқаро тадбирлар, улкан анжуманларнинг шу ерда бўлиб ўтишида янги марказимиз ҳам самарали хизмат қилади.

Шу ўринда меҳнаткаш ва бағрикенг, олийжаноб халқимизни бетакрор меъморий мўъжизани ўзида мужассам этган гўзал маскан билан яна бир бора чин кўнглимдан табриклайман.

Дилмурод НАБИЕВ,
Қарши давлат университети ректори, профессор

🌐@rektor_qarshidu