⚡️Муҳтарам профессор-ўқитувчилар, азиз талабалар, қадрли ишчи-хизматчилар!

Юртимиз қадим анъаналар қадр топган заминдир. Бу заминда тарбия топган ҳар бир қалб соҳиби ўзини олий фазилатлар чашмасидан баҳраманд этган. Шу боис бу халқнинг ҳар бир қадрияти замирида инсон қадрини улуғлаш, саховатпешалик, меҳр-мурувват, тинчликпарварлик ғоялари мужассам. Жумладан, биз ҳар йили кўтаринки руҳ билан, катта завқ ва иштиёқ билан нишонлайдиган Наврўз байрами тимсолида мана шундай юксак фазилатларнинг тажассумини кўриш мумкин. Бу йил ҳам ана шу улуғ айём – шарқона янги йил баҳорий руҳ, ўзгача шукуҳ билан қадам қўймоқда. Яшариш фаслининг бетакрор айёми бўлмиш Наврўзи олам билан бутун университет жамоасини самимий муборакбод этишдан беҳад бахтиёрман.

Дилмурод НАБИЕВ,
Қарши давлат университети ректори

Батафсил: 👉🏻 https://qarshidu.uz/uz/news/2354-navroz-tinchlik-birodarlik-va-farovonlik-ayyomi

👉@qarduuz 👈

⚡️Mehnat yarmarkasi – talabalar bandligini ta’minlashda imkoniyatlar maydoni

Joriy yilning 2-aprel kuni Qarshi davlat universitetida bitiruvchi talabalarni ish bilan ta’minlash maqsadida davlat tashkilotlari hamda xususiy sektorlar hamkorligida "Talabalarning bandligini ta’minlash mehnat yarmarkasi (karyera kuni)" tadbiri bo‘lib o‘tdi. Mamlakatimizda yoshlarga sifatli ta’lim berish, bo‘sh vaqtlarini mazmunli o‘tkazishni tashkil etish bilan bir qatorda ish bilan ta’minlash, daromad topishlari uchun sharoit yaratib berish ham eng muhim vazifalardan biriga aylandi. Davlatimiz rahbari raisligida joriy yil 4-mart kuni oliy o‘quv yurtlari talabalari bandligini ta’minlash bo‘yicha o‘tkazilgan videoselektor yig‘ilishida topshiriqlarr belgilab berilgan edi. Mazkur vazifalar ijrosini ta’minlash maqsadida tashkil etilgan mehnat yarmarkasida Bandlik va mehnat munosabati vaziri N.Husanov va viloyat hokimi Murotjon Azimov, Oliy va o‘rta maxsus ta’lim vaziri o‘rinbosari S.Buzrukxonov ishtirok etdi va nutq so‘zladi.

-Qarshi davlat universiteti birinchilardan bo‘lib, talabalarni ish bilan ta’minlashni boshladi, - dedi viloyat hokimi M.Azimov. - Ushbu yarmarka siz yoshlar uchun ajoyib imkoniyat, oliy ta’limni tugatib ishni nimadan boshlayman, qayerga boraman degan savollaringiz uchun munosib yechim. Bu muhtaram Prezidentimizning yoshlarga ko‘rsatayotgan g‘amxo‘rliklarining yorqin ifodasidir.

2021-2022 o‘quv yilida Qarshi davlat universiteti bakalavriat ta’lim yo‘nalishi va magistratura mutaxassisliklarini 2522 nafar bitiruvchi tamomlaydi. Mehnat yarmarkasida viloyatning shahar va tumanlaridan 20 dan ortiq ish beruvchi korxona va tashkilot vakillari o‘zlaridagi bo‘sh ish o‘rinlarini taklif etdi.

–Koson tumanidagi 72-sonli umumiy o‘rta ta’lim maktabida o‘qituvchi sifatida ishlash uchun yo‘llanma oldim, – deydi Jismoniy madaniyat fakulteti 4-bosqich talabasi Behruz Saidov. – Bundan juda ham xursandman.

– Turizm (faoliyat turlari) mutaxassisligi bo‘yicha 2-kurs magistrantiman, – deydi Ramazon Vayskulov. – O‘zim tahsil olayotgan Qarshi davlat universiteti qoshidagi “Zamon” mintaqaviy tadqiqot markazida mutaxassis sifatida ishlash uchun shartnoma imzoladim. Ishim o‘zimga ma’qul keldi.

Ahamiyatli jihati, yarmarka yakunida 1000 nafarga yaqin talabalar bandligini ta’minlash bo‘yicha kelishuvga erishildi.

👉@qarduuz 👈