⚡️Президент ва номли давлат стипендиялари соҳиблари ҳамда қатор кўрик-танловлар ғолиблари тақдирланди

Ёшларни рағбатлантириш, уларнинг истеъдодини намоён этиши ва ижодий қобилиятини янада ривожлантириши учун алоҳида эътибор қаратиш истиқболда ўзининг самарасини беради. Иқтидорли ёшларга давлатимиз раҳбари томонидан берилган юксак эътибор ва унинг ҳосиласи сифатида 2021-2022 ўқув йили учун Қарши давлат университетининг 2 нафар талабаси Президент ва 7 нафар талабалари номли давлат стипендияларига сазовор бўлдилар. Шунингдек, қишки таътил даврида университет талаба-ёшларининг бўш вақтини мазмунли ўтказиш мақсадида соврин жамғармаси 125 млн сўмлик пул мукофотлари ҳамда қимматбаҳо ютуқлар фондига (планшетлар, мобиль телефонлар, электрон қўл соатлар, энг сара бадиий асарлар тўплами) эга онлайн шаклда фан олимпиадалари, интеллектуал викториналар ва турли танловлар ташкил этилди.

Жорий йилнинг 10 март куни Президент ва номли давлат стипендиялари соҳиблари ҳамда қатор кўрик-танловлар, фан олимпиадалари ғолибларини тақдирлаш маросими ўтказилди. Тадбирда сўз олган Қарши давлат университети ректори Д.Набиев Президент ҳамда номли давлат стипендияларига сазовор бўлиш ҳар бир талаба-ёшнинг орзуси эканлиги, бу юксак эътироф, ёшларни янада чуқурроқ изланишга, юқори марраларни забт этишга даъват эканлигини таъкидлаб, ёшларнинг бўш вақтини мазмунли ўтказиш бўйича қишки таътил даврида университетда ташкил этилган турли онлайн кўрик-танловлар, фан олимпиадалари ғолибларини самимий қутлади. Шундан сўнг, 2021-2022 ўқув йилида Президент ҳамда номли давлат стипендиялари сазовор бўлган 9 нафар иқтидорли талабаларга гувоҳнома, эсдалик совғалари, шунингдек, онлайн кўрик-танловлар, йил талабаси-2021, стартап лойиҳалар танловлари ғолиблигини қўлга киритган ёшларга сертификатлар ва қимматбаҳо мукофотлар тантанали равишда топширилди.

👉@qarduuz 👈