Янгиликлар 24 | Президент Нукусга жўнаб кетди
#uzbekiston24

mtrk.uz | Youtube | Facebook | Telegram

Қарақалпақстан Республикасы Жоқарғы Кеңесиниң Баслығы Муса Тажетдинович Ерниязовтың қайтыс болыўы мүнәсибети менен кеўил айтыў

Бозатаў районы ҳәкимлиги ҳәм район халқы Қарақалпақстан Республикасы Жоқарғы Кеңесиниң Баслығы, Өзбекстан Қаҳарманы Муса Тажетдинович Ерниязовтың қайтыс болыўы мүнәсибети менен Республика ҳүкиметине, марҳумның
шаңарақ ағзаларына, жақынларына, ағайин-туўысқанларына ҳәм халқымызға терең қайғырыў менен кеўил айтады.

Ўатанымыздың гүллеп-раўажланыўы жолында көп жыллар халқымыз ушын хызмет еткен пидайы инсан қарақалпақ халқының басшысы
Муса Тажетдинович Ерниязов 73 жасында жума күни бул дүньядан көз жумды.

Өмириниң ақырғы демлерине шекем халқымыз тәшўишлери менен жасады, халық дәртин өз дәрти сыпатында қабыл етти.

Бундай инсанды халқымыз ҳеш қашан умытпайды.

БОЗАТАЎ РАЙОНЫ ҲӘКИМЛИГИ

Ѳзбекстан Республикасы ушын үлкен жоғалтыў!

Қарақалпақстан Республикасы Жоқарғы Кеңеси Баслығы, Өзбекстан Каҳарманы Муса Тажетдинович Ерниязовтың өмирден көз жумыўына байланыслы Қарақалпақстан Республикасы Мәмлекетлик активлер басқармасы жәмәәти атынан марҳумның барлық жақынларына, ағайин-туўысқанларына ҳәм Қарақалпақстан Республикасы халқына терең қайғырыў менен кеўил билдиреди.
Муса Тажетдинович Ерниязовтың жарқын естелиги әўладлар жүрегинде мәңги сақланады.

Қарақалпақстан Республикасы Мәмлекетлик активлер басқармасы

​​Елдиң атасы менен хошласыў

Жемисли ағаштың шақасы аўыр,
Жүги тайлы нардың арқасы жаўыр,
Ҳәмме перзентине жүрек ҳәм баўыр,
Халқым! Бүгин атаң қайтып баратыр...

Өмирге келиў де, қайтыў да қыйын,
Қәдирли қайтыў ҳәм алар бир сыйың!,
Хошласыў ҳүрметиңе қайысқан жыйын,
Нәзерин төменге салып баратыр.

Минген шоқкылары бәрҳә асқар шың,
Қаракалпақты он сегиз жыл басқардың,
Арысланы ҳүўлеп қалған жапсардың,
Ашық көзин изге таслап баратыр....

Басшы болдың омыраўлы, айбатлы,
Билегин сыбанған, иске ғайратлы,
Қолға алған исин гүл -гул жайнатты,
Халқым! Бас перзентиң кайтып баратыр..

Қаракалпақ халқын сүйди жанындай,
Тамырдағы ағып турған қанындай,
Көп еди әрманы аппақ сағымдай,
Қолы арзыўларға жетпей баратыр...

Қарап турсақ аз болмады табысы,
Жан айбатта Байшубардың шабысы,..
Қырманға қуўыспай еккен тарысы...
Халқына алўидағ айтып баратыр...

Мийўалы дараққа кесек атылар,
Көп жыллық мийнетиниң тилде таты бар,
Елим деген ерлер дәртке шатылар,..
Хош халқым деп атаң қайтып баратыр.

Талўасы тай жеген бөридей еди,
Илгир зейин, сақый серидей еди,
Айралық жаныңды жегидей жеди,
Айдарлы бир улың қайтып баратыр.

Жайың жайлы, руўхларың шад болсын,
Сизге жазған соңғы сәлем хат болсын,
Халқымызға исмиң мәңги яд болсын,
Ыразы бол, халайық! атаң баратыр....

Шукир етиң, капа болмаң халайық,!!!
Ел атасын.. бир гүзетип салайық,
Усындайда мүриўбетли болайық,
Халқым! Жақсылар сийрексип баратыр...

Халқым! Қаҳарманың қайтып баратыр....

Гүлистан Дәўлетова,
1-августь 2020-жыл

БАТЫР КЕТСЕ, ЕЛ БОЗЛАҒАН ӘЗЕЛДЕН

Ел басына ис түскенде елжиреп,
Арқа сүйер таў едиңиз ағам-аў,
Қарақалпақ қайсы халық?-дегенде,
Бул биз дейип, белги берген нарым-аў.

Көп ишинде өзиң едиң салмақлы,
Өзбек, қазақ барлығына ардақлы,
Сизди алған сум әжелдиң қайғысы,
Муңайтты-ғой пүткил қарақалпақты.

Батыр кетсе, ел бозлаған әзелден,
Ҳәтте, Ўатан топрағына "тил" енген,
Шайыр сүйген сексеўил де майысып,
Ел-халқыңнан разы бол, деп тиленген.

Мийнет пенен өткердиңиз тириликти,
Сақлаў ушын шыңда қара бөрикти,
Кеўлиңиз жай, орның бейиш болсын, деп,
Сиз қәлеген ел боламыз бирликли!


Кегейли районы ҳәкимлиги мәлимлеме хызмети баслығы Турсынай Мухиятдинова

👉@kegeylirkuzofficial

ҚАРАҚАЛПАҚСТАН РЕСПУБЛИКАСЫ ЖОҚАРҒЫ КЕҢЕСИ БАСЛЫҒЫ МУСА ТАЖЕТДИНОВИЧ ЕРНИЯЗОВТЫҢ ҚАЙТЫС БОЛЫЎЫ МҮНӘСИБЕТИ МЕНЕН КЕЎИЛ БИЛДИРИЎ

Қарақалпақстан Республикасы Мәҳәлле ҳәм шаңарақты қоллап-қуўатлаў министрлиги ҳәм кең жәмәәтшилиги Қарақалпақстан Республикасы Жоқарғы Кеңеси Баслығы, Өзбекстан Каҳарманы Муса Тажетдинович Ерниязовтың өмирден көз жумыўына байланыслы республика парламентине ҳәм ҳүкиметине, марҳумның шаңарақ ағзаларына, ағайин-туўысқанларына, досларына ҳәм пүткил Қарақалпақ халкына терең қайғырыў менен кеўил билдиреди.

Өмириниң соңғы демлерине шекем елим деп жасаған, халықтың дәртин өз дәрти деп билген әжайып инсан Муса Тажетдинович Ерниязовтың жарқын естелиги әўладлар жүрегинде мәңги сақланады.

Қарақалпақстан Республикасы Мәҳәлле ҳәм шаңарақты қоллап-қуўатлаў министрлиги

ЖАЙЫҢЫЗ ЖӘННЕТТЕ БОЛҒАЙ…

2020-жыл 31-июль күни халқымыз аўыр жоғалтыўға ушырады. Белгили мәмлекетлик ҳәм жәмийетлик ғайраткер, Қарақалпақстан Республикасы Жоқарғы Кеңесиниң Баслығы – Өзбекстан Республикасы Сенаты Баслығының орынбасары, Өзбекстан Қаҳарманы Муса Тажетдинович Ерниязов 73 жасында дүньядан өтти. Бул ўақыя пүткил Өзбекстан халқы ҳәм қарақалпақ дияры ушын үлкен жоғалтыў болды, пүткил халқымызды аўыр қайғыға салды.

Халқымызда «Жақсының жақсысын айт дәўлети тассын» деген даналық гәп бар. М.Т.Ерниязов өзиниң барлық мийнет жолын қарақалпақ елиниң раўажланыўына бағышлады.

Ол билимлендириў тараўын айрықша қәдирлейтуғын еди, әсиресе, республикамызда жоқары мағлыўматлы илимий-педагог кадрларды таярлаўға тийкарғы дыққатын қаратты.

Муса Тажетдинович, илимпаз-оқытыўшылардың ҳәм студент-жаслардың ҳақыйқый жанкүйер ағасы, жақын досты ҳәм қәўендер ақсақалы еди. Институтқа қашан келсе де, жаслардың оқыў ҳәм билим алыўдағы шараятын еле де жақсылаў, жоқары илимий потенциалға ийе профессор-оқытыўшылар санын ҳәм сапасын көбейтиў, жоқары билимлендириў тараўын елимизде еле де кең раўажландырыў бойынша әҳмийетли усыныс ҳәм кеңеслерин билдиретуғын еди. Ол инсан ҳәр бир оқытыўшы-илимпаз ҳәм студент-жастың машқаласын тыңлап, оларды жеке өзиниң тәшўишиндей көрип, тез шешиўге ҳәм жәрдем бериўге асығатуғын еди. Мине, усындай жоқары инсаный пазыйлетлери менен ел ағасы М.Т.Ерниязов бәршемиздиң қәлбимизден мәңги орын алады.

Әжинияз атындағы Нөкис мәмлекетлик педагогикалық институты профессор-оқытыўшылары ҳәм студент-жаслары марҳумның шаңарақ ағзаларына, туўған-туўысқанларына терең қайғырыў менен кеўил айтады!

Жәмәәтимиз Қарақалпақстанда халық хожалығының, соның ишинде, жоқары билимлендириў системасының раўажланыўына ҳәм беккемлениўине айрықша үлес қосқан белгили мәмлекетлик ғайраткер, теңсиз инсанның жарқын естелигин ҳеш қашан умытпайды, мәңги ядында ҳүрмет ҳәм иззет пенен еслеп қалады!

Әжинияз атындағы Нөкис мәмлекетлик
педагогикалық институты жәмәәти.

Президент Шавкат Мирзиёев Қорақалпоғистон Республикаси Жўқорғи Кенгеси Раиси – Ўзбекистон Республикаси Олий Мажлиси Сенати Раисининг ўринбосари Муса Ерниязов қабрини зиёрат қилди. Марҳум ҳақига Қуръон тиловат қилинди.
- Раҳматли Муса оға элни яхши кўрган, ҳалол, пок, ор-номусли инсон эди. У кишига жуда ишонардим, Қорақалпоғистондан кўнглим тўқ эди. Тили, дини, тақдири, ташвишлари бир бўлган ўзбек ва қорақалпоқ халқларининг оғзибирчилигини қадрларди, - деди давлатимиз раҳбари.
—
Президент Шавкат Мирзиёев посетил место погребения Председателя Жокаргы Кенеса Республики Каракалпакстан - заместителя Председателя Сената Олий Мажлиса Республики Узбекистан Мусы Ерниязова.
- Муса-ога любил народ, был добросовестным и честным человеком. Я очень доверял ему, и душа была спокойна за Каракалпакстан. Он дорожил дружбой узбекского и каракалпакского народов, связанных языком, религией, общей судьбой и заботами, - сказал глава государства.
----
Президент Шавкат Мирзиёев Қарақалпақстан Республикасы Жоқарғы Кеңеси Баслығы – Өзбекстан Республикасы Олий Мажлиси Сенаты Баслығының орынбасары Муса Ерниязов қәбирин зиярат етти. Марҳумның ҳүрметине Қуран оқылды.
- Муса аға елди жақсы көрген, ҳадал, пәк, ар-намыслы адам еди. Оған жүдә исенетуғын едим, Қарақалпақстаннан кеўлим тоқ еди. Тили, дини, тәғдири, тәшўишлери бир болған өзбек ҳәм қарақаклпақ халықларының аўызбиршилигин қәдирлейтуғын еди, - деди мәмлекетимиз басшысы.

president.uz

Қарақалпақстан Республикасы Жоқарғы Кеңесиниң Баслығы Муса Тажетдинович Ерниязовтың қайтыс болыўы мүнәсибети менен кеўил айтыў

Халық депутатлары Шоманай районлық Кеңеси, Шоманай районы ҳәкимлиги ҳәм кең жәмийетшилиги Қарақалпақстан Республикасы Жоқарғы Кеңеси Баслығы, Өзбекстан Қаҳарманы Муса Тажетдинович Ерниязовтың қайтыс болыўы мүнәсибети менен республика парламенти ҳәм ҳүкиметине, марҳумның шаңарақ ағзаларына, жақынларына ҳәм пүткил Қарақалпақстан халқына терең қайғырыў менен кеўил айтады.

Елимизде жүз берген жаңаланыўлар менен алға илгерилеўлер тиккелей Муса Ерниязов аты менен байланыслы.

Муса Ерниязов жыллар даўамында қайсы лаўазымда жумыс алып барса да, аймағымыздың абаданлығы, пәраўанлығы, халқымыздың тыныш-татыў турмыс кешириўи ушын аянбай мийнет етти. Сол қатары, Шоманай районының социал-экономикалық раўажланыўына айрықша итибар қаратты. Әсиресе, қурылыс, дийқаншылық, шарўашылық сыяқлы салалардың жоқары басқышларға шығыўы ушын кең имканиятлар жаратты.

Өмириниң соңғы демлерине шекем, елим деп жасаған, халықтың дәртин өз дәрти деп билген әжайып инсан Муса Тажетдинович Ерниязовтың жарқын естелиги әўладлар жүрегинде мәңги сақланады.

ШОМАНАЙ РАЙОНЫ ҲӘКИМЛИГИ