“Информатика | Python | Олимпиада” Telegram арнасына қош келдіңіздер 👋🏻

Сәлем! Байланыста — Нұрсұлтан Ахметов

Өзімді қысқаша таныстырып өтейін:
🧑🏻‍🏫 төртінші буын педагогімін
👨🏻‍💻 11 жыл тәжірибе | Педагог-шебер
🏅 Алтынсарин төсбелгісі | Үздік педагог
🏆 300+ олимпиада жүлдегерлері
🎓 ҰБТ сұрақтарын әзірлеуші әрі сарапшы
🥇 Халықаралық сайыстардың жеңімпазы
📖 Астана-кітап оқулықтарының авторы

Бұл каналдың басты мақсаты?
🧭 олимпиадада бағыт-бағдар беру
🗺️ дайындықтын «жол картасын» көрсету
🔗 пайдалы ресурстармен бөлісу

Еліміздегі информатика олимпиадасының сапасын бірге көтерейік! Осы арнаның сілтемесімен жақындарыңызбен бөлісіңіздер! 🇰🇿

Сіздердің қолдауларыңыз — мен үшін үлкен мотивация! 🚀

Дереккөз: t.iss.one/python4olymp

⛵️ Бағыты жоқ кемеге ешқандай жел оң болмайды…

Көбіміз информатика олимпиадасына дайындық сияқты жаңа істі бастағанда бірден “Қалай?” немесе “Қай?” деген сұрақтарға жауап іздеп, асығып кетеміз:
🔹 Дайындықты қалай бастаймын?
🔹 Қай тілді үйренген дұрыс?
🔹 Қай сайттан немесе кітаптан оқимын?

Бірақ, тәжірибе көрсеткендей, бұлар — екінші кезектегі сұрақтар. Ең бірінші әрі ең маңызды сұрақ:
❓ МЕН БҰЛ ІСТІ НЕ ҮШІН БАСТАҒАЛЫ ЖАТЫРМЫН?

Информатика олимпиадасы — бұл спринт емес, марафон. Бұл жолда сізді Wrong Answer-лер, шешімі табылмайтын түндер және “бәрін тастасам ба екен?” деген сәттер күтіп тұр.

Дәл сол кезде сізді мотивация құтқармайды. Мотивация — бүгін бар, ертең жоқ уақытша сезім. Сізді құтқаратын және алға сүйрейтін күш — ол сіздің ТҮПКІ МАҚСАТЫҢЫЗ және САНАЛЫ ТАҢДАУЫҢЫЗ.

Ендеше, осы арна арқылы білім көкжиегін кеңейтуге қадам баспас бұрын, дәл қазір бір сәт кідіріп, өзіңізге есеп беріңіз:

🧑‍🏫 Ұстаз болсаңыз: Жұмыстан шаршап келгенде, демалудың орнына күрделі алгоритмдерге бас қатырудың сізге қандай қажеті бар? Бұл төккен тер мен ұйқысыз түндер ақтала ма?

👨‍💻 Оқушы болсаңыз: Қатарластарыңыз қыдырып, демалып жүргенде, компьютер алдында сағаттап отырып, бағдарламалауды үйренудің мәні неде? Бұл сізге болашақта нақты не береді?

Осы сұрақтардың өзіңіз үшін ШЫНАЙЫ жауабын таппайынша, бастаудың қажеті жоқ. Себебі мәнісін түсінбеген іс ұзаққа бармайды.

🔜 Келесі посттарда біз бұл тақырыпты бірге талдаймыз: Мұғалім үшін олимпиаданы білудің қандай нақты артықшылықтары бар? Ал оқушы үшін бұл қандай мүмкіндіктер есігін ашады? Жауабы сіз ойлағаннан да қызық болуы мүмкін...

Ал әзірге, өз нұсқаңызбен немесе пікіріңізбен төменде бөлісіп кетіңіз 👇

Дереккөз: t.iss.one/python4olymp

Олимпиада ұстазға артық жүк пе, әлде үлкен мүмкіндік пе?

Көбіміз мектептегі Python-ды білеміз. Бірақ Олимпиадалық информатика — ол басқа әлем.

Кейде ойлаймыз: “Онсыз да жұмыс көп. Түнімен қиын есеп шығару маған не береді?”

👉 Жауап: Бұл сізге ЕКІНШІ ТЫНЫС береді!
Міне, сіздің еңбегіңізді ақтайтын 3 басты себеп 👇

1. 🥇 Абырой мен Табыс: Олимпиада чемпионын шығару — мұғалім үшін “Оскар” алумен тең! Жоғары санатқа өту, “Үздік педагог” атану және сыйақы алу процестері жеңілдейді. Еңбегіңізді аудан, облыс, республика көлемінде мойындатуға жол ашады.

2. 🧠 Трансформациялық Өзгеріс: Өзіңіз де, сабағыңыз да жаңа деңгейге көтеріледі. Оқушының пәніңізге деген қызығушылығы артады. Сіз балаға құр код жазуды емес, сыни тұрғыдан ойлауды үйретесіз!

3. 🛡️ Сенімділік және Қорқыныштан Арылу: “Оқушы қиын сұрақ қойса, ұятқа қалам ба?” деген уайымнан арыласыз. Шәкірттеріңіздің сізге деген құрметі артып, менторға айналасыз. Сонымен қатар, біліміңіз сізге қосымша табыс табуға мүмкіндік береді.

💎 ЕҢ БАСТЫСЫ... Жалақы немесе атақ — өткінші нәрсе. Сіз еліміздің Зияткерлік Элитасын қалыптастырасыз.

Сіздің алдыңызда отырған оқушы — ертеңгі Google инженері, болашақ стартапер немесе ғалым. Оған үлкен өмірге жолдама беретін — СІЗДІҢ КӘСІБИ ДАМУҒА ДЕГЕН БҮГІНГІ ҰМТЫЛЫСЫҢЫЗ.

🚀 Бұл жол қиын ба? Әрине. Бірақ нәтижесі тұрарлық!

🔜 Келесі постта оқушының: “Олимпиада маған не береді?” деген сұрағына бірге жауап іздейміз

Дереккөз: t.iss.one/python4olymp

P.S. Пайдалы контент жасауға уақытымды аяп жатқан жоқпын. Сіз де қолдаудан аянбаңыз! 😉
Бар болғаны осы постты айналаңызбен бөлісіп, реакция қалдырсаңыздар — мен үшін сол үлкен қолдау!

Информатика олимпиадасы ОҚУШЫҒА не береді?

Көбіне мұғалім: "Олимпиадаға қатыс!" дейді. Ал оқушының ойында: "Сабағым онсыз да көп. Компьютер алдында сағаттап есеп шығарудың маған қандай пайдасы бар?" — деген орынды сұрақ туындайды.

👉 Жауап: Бұл — сіздің болашағыңызға жасалған ең үлкен ИНВЕСТИЦИЯ! Бұл жай ғана диплом емес, бұл — сіздің өміріңізді өзгертетін "Cheat Code". Қалай дейсіз бе?

1. 🏢 Big Tech және Жоғары Жалақы: Google, Facebook немесе Microsoft-қа жұмысқа тұру үшін "қызыл диплом" аздық етеді. Олар сұхбатта не сұрайды? Алгоритм! Олимпиада сізге кез келген күрделі мәселені жылдам шешуді (Problem Solving) үйретеді. Нәтижесінде, сіз университет бітіргенде, қатарластарыңыз "жұмыс іздеп" жүргенде, сіз мықты компаниялардан ұсыныс алатын деңгейде боласыз.

2. 🎓 Грант және ТОП Университеттер: ҰБТ — жалғыз ғана жол емес. Республикалық және халықаралық олимпиада жүлдесі — бұл сіздің "Алтын билетіңіз". Қазақстанның ТОП университеттеріне және шетелдік оқу орындарына грантқа түсу мүмкіндігіне ие боласыз. Әрі олимпиада есептерін шығара алсаңыз, ҰБТ сұрақтары сізге "балабақша деңгейінде" болып қалады.

3. 🚀 Бәсекеге Қабілет және Орта (Networking): Сіздің ортаңыз — сіздің болашағыңыз. Олимпиадада өзіңіз сияқты ақылды, мақсаты айқын, мықты оқушылармен танысасыз. Сонымен қатар, сіз стресс кездерінде жұмыс істеуді, жеңілісті қабылдауды және қайта тұруды үйренесіз. Бұл мінез сізді өмірдегі кез келген қиындықта жеңімпаз етеді.

💎 ЕҢ БАСТЫСЫ... Ойындар мен ТикТок — уақытша нәрсе. Ал олимпиадада қалыптасқан "инженерлік ойлау жүйесі" өмір бойы сізбен қалады.

Сіз жай ғана қолданушы емес, өз болашағыңыздың БАС АРХИТЕКТОРЫНА айналасыз.

🚀 Бұл оңай жол ма? Жоқ! Бірақ дәл осы қиындықтар сізді ДАРА ТҰЛҒА етіп қалыптастырады.

🔜 Келесі постта: Дайындықты нөлден қалай бастау керек? Алғашқы нақты қадамдарды талдаймыз.

Дереккөз: t.iss.one/python4olymp