Исаков Аскар Шарифжанович “Ўзтрансгаз” АЖ Бошқаруви раиси вазифасини вақтинча бажарувчи лавозимига тайинланди.

Тайинловга қадар у Энергетика вазирлиги ҳузуридаги Электр энергияси, нефт маҳсулотлари ва газдан фойдаланишни назорат қилиш инспекцияси бошлиғи ўринбосари лавозимида ишлаган.

@pressuzb

Маданият вазирлиги 8 млрд 145 млн сўмга 15 та фургон (юк транспорти) сотиб олибди.

@pressuzb

❗️Ҳукумат қарори билан “Тапентадол” гиёҳвандлик воситасининг ноқонуний савдоси ҳамда истеъмолининг олдини олиш мақсадида ушбу дори воситаси Ўзбекистон Республикасида муомалада бўлиши чекланган гиёҳвандлик воситаларининг рўйхатига киритилди.

Шунингдек, қарорга кўра, кучли таъсир қилувчи моддаларнинг ТИФ ТН кодлари жорий этилиши белгиланди.

@pressuzb

2023-2024 ўқув йилида ОТМларнинг бакалавриат таълим йўналишларига ўқишга кириш учун ўтказилган тест синовларининг натижалари (мандат) 22 август куни эълон қилиниши кутилмоқда.

@pressuzb

⚡️Расман: 2023-2024 ўқув йили учун олий таълим муассасаларининг бакалавриат таълим йўналишларига кириш тест синовлари бўйича танлов натижалари (мандат) эълон қилинди.

@pressuzb

4 сентябрдан метро бекатларига яқин 31 та ОТМда дарс жараёнининг бошланиш вақти маълум қилинди

Тошкент шаҳар метрополитенида йўловчи оқимини тўғри тақсимлаш, талабаларнинг ўз вақтида дарс машғулотларига етиб боришлари учун қулайлик яратиш мақсадида бекатларга яқин жойлашган олий таълим муассасаларининг мақбуллаштирилган иш графиги тасдиқланди.

Унга кўра, 2023 йил 4 сентябрдан юқоридаги 31 та олий таълим маскани (расмда) талабалари ўзгарган график асосида дарсларга қатнашади.

@pressuzb

ДХХ ходимлари ўтказган тезкор тадбирларда:

Қўқон шаҳридаги банклардан бирининг мутахассиси ва Қўқон давлат педагогика институти декани ўқишга киритиб қўйиш эвазига 4 минг АҚШ доллари олган вақтида ушланди.

Фарғона шаҳридаги хусусий университет директорининг ўринбосари фуқаронинг Ўш давлат педагогика университетидаги ўқишини Чирчиқ давлат педагогика институтига кўчириб бериш эвазига 2,5 минг АҚШ доллари олган вақтида ушланди.

@pressuzb

Рапиков Тохиржон Юлдашбаевич Бош вазир ўринбосари Жамшид Ходжаевнинг котибияти мудири лавозимига тайинланди.

Тайинловга қадар Т.Рапиков Вазирлар Маҳкамаси Ахборот-таҳлил ва юридик департамент раҳбари ўринбосари лавозимида ишлаган.

@pressuzb

Туркманистон президенти Сердар Бердимуҳамедов Украина Президенти Володимир Зеленскийни Украинанинг Мустақиллик куни билан табриклаб, эзгу тилакларини йўллабди.

@pressuzb

Янги ўқув йили учун Тошкентда автобуслар ва қатновлар сонини ошириш режалаштирилмоқда. Пойтахтдаги автобуслар 1,5 мингтагача, қатновлар эса 22,8 мингтага оширилиши кутилмоқда.

Шунингдек, 4 сентябрдан тиғиз вақтларда метронинг Чилонзор йўналишида 1,5 дақиқалик, Ўзбекистон йўналишида 3-3.5 дақиқалик ҳамда Юнусобод йўналишида 5 дақиқалик интервалда поездлар ҳаракати йўлга қўйилади.

@pressuzb

“Қишда свет ўчганда ҳеч ким Турдимов демайди, Мирзиёев қаёққа қараяпти, дейди” — Президент

@pressuzb

Олий суд қатағон қурбонларининг яна бир гуруҳини оқлади

24 август куни Олий судда совет давридаги “Учлик Кенгаши”нинг махсус йиғилиш қарорларига кўра, 1929-1931 йилларда ҳозирги Қорақалпоғистон Республикаси, Сурхондарё, Навоий, Самарқанд ва Қашқадарё вилоятлари ҳудудларида “босмачилик ҳаракати”да, қуролли тўда тузиб, совет ҳукуматига қарши қуролли қўзғолон ёки аксилинқилобий мақсадларда ҳаракатларни амалга оширганликда айбланган Ўзбекистон ССР ва Қозоғистон ССР фуқаролари бўлган 240 нафар шахсга оид жиноят иши кўриб чиқилди.

Жиноят-процессуал кодексининг 83-моддасига асосан 240 нафар шахсга нисбатан Олий суд Жиноят ишлари бўйича судлов ҳайъати апелляция инстанциясининг оқлов ҳукми чиқарилди.

24 август оқланган қатағон қурбонлари рўйхати

@pressuzb

❗️Ўзбекистон Республикаси Президентининг тегишли фармонлари билан:

– Саида Шавкатовна Мирзиёева Ўзбекистон Республикаси Президентининг ёрдамчиси лавозимига;

– Азиз Юлдашевич Магрупов Ўзбекистон Республикаси Президентининг ёрдамчиси лавозимига;

– Равшан Аюбович Гулямов Ўзбекистон Республикаси Президентининг иқтисодий ривожланиш масалалари бўйича маслаҳатчиси лавозимига;

– Алишер Саидаббасович Султанов Ўзбекистон Республикаси Президентининг энергетика хавфсизлиги масалалари бўйича маслаҳатчиси лавозимига;

– Шухрат Мадаминович Ғаниев Ўзбекистон Республикаси Президентининг аграр ривожланиш масалалари бўйича маслаҳатчиси лавозимига;

– Музаффар Муротович Камилов Ўзбекистон Республикаси Президентининг дин ва миллатлараро муносабатлар масалалари бўйича маслаҳатчиси лавозимига;

– Ғофуржон Ғаниевич Мирзаев Ўзбекистон Республикаси Президентининг кадрлар сиёсати масалалари бўйича маслаҳатчиси – Ўзбекистон Республикаси Президенти ҳузуридаги Давлат хизматини ривожлантириш агентлиги директори лавозимига;

– Дониёр Бахтиёрович Кадиров Ўзбекистон Республикаси Президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимига;

– Комил Исмоилович Алламжонов Ўзбекистон Республикаси Президенти Администрацияси Ахборот сиёсати департаментининг раҳбари лавозимига;

– Одил Қаландарович Абдурахманов Ўзбекистон Республикаси Президенти Администрацияси Ижтимоий ривожланиш департаментининг раҳбари лавозимига;

– Кахрамон Кучкарович Куранбаев Ўзбекистон Республикаси Президенти Администрацияси Ёшлар сиёсати департаментининг раҳбари лавозимига;

– Алишербек Азизович Пайгамов Ўзбекистон Республикаси Президенти Администрацияси Ташқи алоқалар департаментининг раҳбари лавозимига;

– Нодиржон Абдуқундузович Абдурахимов Ўзбекистон Республикаси Президенти Администрацияси Режалаштириш ва ахборот таъминоти департаментининг раҳбари лавозимига;

– Уткиржон Ғайратович Кодиров Ўзбекистон Республикаси Президенти Администрацияси Ҳудудлар билан ҳамкорлик қилиш ва таҳлилий материалларни тайёрлаш департаментининг раҳбари лавозимига;

– Улугбек Учкунович Курбанов Ўзбекистон Республикаси Президенти протоколининг раҳбари лавозимига;

– Шерзод Икромович Асадов Ўзбекистон Республикаси Президентининг Матбуот котиби лавозимига;

– Саидлазиз Саидасилович Саидкаримов Ўзбекистон Республикаси Президенти Администрацияси Назорат инспекциясининг бошлиғи лавозимига тайинланди.

@pressuzb

1,5 ойда пойтахт ҳокимлигининг қарздорлиги 93,4 млрд сўмга кўпайди

Мажбурий ижро бюроси томонидан юритилган ижро ҳужжатларига кўра, Тошкент шаҳар ҳокимлигининг қарздорлиги қарийб 303 млрд сўмга етган (25 август ҳолатига). 13 июлда мазкур қарздорлик 209,5 млрд сўмни ташкил қилаётганди.

@pressuzb

Янгиланган Президент администрацияси таркибида Хайриддин Султонов (маслаҳатчи - спичрайтер), Русланбек Давлетов (ижтимоий-сиёсий ривожланиш масалалари бўйича маслаҳатчи), Турсинхан Худайберганов (оролбўйи минтақасини барқарор ривожлантириш масалалари буйича маслаҳатчи) ҳамда Мансурбек Полвонзода Оллоёров (ижтимоий ҳимоя масалалари бўйича маслаҳатчи – Ижтимоий ҳимоя миллий агентлиги директори) хизматининг номи ва йўналишлари ўзгармаган.

Эслатиб ўтамиз, аввалроқ Президент администрацияси раҳбари лавозими тугатилгани, Сардор Умрзоқов эса Президентнинг махсус топшириқлар бўйича маслаҳатчиси лавозимига тайинлангани хабар қилинганди.

@pressuzb

Сурхондарё вилоятининг Олтинсой туманида автомобил йўлини кенгайтириш ҳамда шу йўлдаги кўприкни реконструкция қилиш мақсадида 61 туп кўп йиллик манзарали дарахтлар кесиб ташланган. Ҳисоб китобларга кўра, ўсимлик дунёсига 293 млн сўм зарар етказилган. Ҳолат бўйича вилоят прокуратураси томонидан жиноят иши қўзғатилган.

@pressuzb

Президент қарори билан Ветеринария ва чорвачиликни ривожлантириш қўмитаси ҳузурида Ҳайвонларни идентификация қилиш, рўйхатга олиш ва кузатиш маркази ташкил этилади.

Жисмоний ва юридик шахслар томонидан боқиб, кўпайтириладиган ва сақланадиган ҳайвонлар, жумладан, уй ҳайвонлари босқичма-босқич идентификация қилинади ва уларнинг электрон ҳисоби юритилади.

Идентификация марказини жойлаштириш учун хусусий мулк сотиб олиш, таъмирлаш, янги бино ва иншоотлар қуриш ҳамда лабаратория асбоб-ускунлари ва жиҳозларини харид қилишга 50 млрд сўмгача молиялаштиришга рухсат берилади.

@pressuzb

Коррупцияга қарши курашиш агентлигининг ўрганишлари давомида давлат харидларига оид бир қатор қонунбузилиши ҳолатлари аниқланди. Хусусан:

1. Самарқанд шаҳридаги Президент мактаби буюртмачилигидаги 311,8 млн сўмлик;

2. Зафаробод туман болалар ва ўсмирлар спорт мактаби буюртмачилигидаги 286,0 млн сўмлик;

3. Қорақалпоғистон Республикаси Жўқорғи кенгеси буюртмачилигидаги 912,4 млн сўмлик;

4. Қизилтепа туман йўллардан фойдаланиш унитар корхонаси буюртмачилигидаги 300,0 млн сўмлик давлат харидида соҳага оид қонунчилик талабларига амал қилинмаган.

@pressuzb

Президент имзолаган фармонга кўра, 2023 йил 1 сентябрдан бошлаб Президент администрацияси, Вазирлар Маҳкамаси, республика ижро этувчи ҳокимият органлари ва ҳокимликлар фаолиятида ташкил қилинаётган барча мажлислар, йиғилишлар, учрашувлар ва бошқа коллегиал тадбирларни ўтказилаётган жойи ва вақти, кўлами ва бошқа хусусиятларидан қатъи назар уларнинг ягона электрон ҳисобини юритиш йўлга қўйилади. Бунинг учун ягона рақамли платформа жорий қилинади.

Ягона рақамли платформада рўйхатдан ўтказилмаган ва ҳисоби юритилмаётган мажлислар, йиғилишлар, учрашувлар ва бошқа коллегиал тадбирларни ўтказиш, шунингдек, норматив-ҳуқуқий ҳужжатлар ва бошқа ҳужжатлар лойиҳаларини киритиш қатъий тақиқланади.

@pressuzb

Ёдгор Саъдиев ва Юлдуз Усмонова «Эл-юрт ҳурмати» ордени билан тақдирланибди.

Рўйхатга қаралса, бу йил ҳам ҳеч кимга «Ўзбекистон халқ артисти» унвони берилмаган.

@pressuzb

Куз-қиш мавсумига тайёргарлик бўйича катта ҳажмли сув ўтказгич тармоқларида профилактика-таъмирлаш ишлари олиб борилиши муносабати билан Тошкент шаҳрида ичимлик суви босими пасайтирилади ва вақтинча тўхтатилади (рўйхат). Сувсиз қолган ҳудудларга махсус техникаларда сув етказиб берилади.

@pressuzb