Toshkentda “Yashil shahar” aksiyasi bo’lib o’tdi

Bugun poytaxtimizda joylashgan Yangi O‘zbekiston bog‘ida “Yashil shahar” ekologik aksiyasi o’tkazildi.

Toshkent shahar hokimligi hamda Yoshlar ishlari agentligi Toshkent shahar boshqarmasi tashabbusi bilan tashkil etilgan mazkur tadbirlarda sportchilar, sa’natkorlar, jurnalist-blogerlar, davlat mukofoti sovrindorlari va volontyor yoshlar ishtirokida 300 tup chinor ekildi.

Mazkur aksiya kun mobaynida Elbek bog‘i va Paxtakor-Alisher Navoiy bekatlari hamda “Tashkent city mall” bo’ylab davom etadi.

Toshkentni yashil shaharga aylantirishga siz ham hissa qo’shing.

Toshkent yoshlarni sevadi

Toshkent tabiatini birgalikda asraymiz

Toshkent shahar Mirzo Ulug’bek tumanida joylashgan Elbek bog’ida “Yashil shahar” aksiyasi doirasida obodonlashtirish ishlari o’tkazildi. Unda ekofaollar, va blogerlar bog’ hududini xazonlardan tozalab, uni yerga ko’mish ishlarini olib bordi.

Xazonlar yoqib yuborilsa, havo zaharlanadi. Bu inson salomatligiga ham salbiy ta’sir ko’rsatadi. Uni yerga ko’mish esa daraxtlarni tabiiy o’g’it bilan ta’minlashga xizmat qiladi. Mutaxassislarning fikriga ko’ra, yer tabiiy o’g’it bilan yaxshi oziqlanganda daraxtlar uzoq yashaydi. Bu esa bizni toza havo bilan ta’minlaydi.

“Yashil shahar” aksiyasi doirasidagi tadbirlar davom etadi.

Toshkent yoshlarni sevadi