#Toshkent_yoshlarni_sevadi #Diplomsiz_ish #Mehnat_yarmarkasi

Toshkentda "Diplomsiz ish" mehnat yarmarkasi bo‘lib o‘tdi

"Toshkent yoshlarni sevadi" oyligi doirasida o‘tkazilayotgan navbatdagi tadbir — "Diplomsiz ish" mehnat yarmarkasi poytaxtimizda joylashgan "Alpomish" muz saroyida o‘tkazildi.

Mazkur tadbirdan ko‘zlangan maqsad mutaxassislikka ega bo‘lmagan ishsiz yoshlarni ish bilan ta’minlashga ko‘maklashishdir. Shu ma'noda, mehnat yarmarkasida diplom talab etilmaydigan tadbirkorlik va xizmat ko‘rsatish obyektlari vakillari yoshlarga taklif va taqdimotlari bilan ishtirok etdi.

Yoshlar ham o‘z navbatida qiziqishlari va imkoniyatlari doirasida turli ishlar bilan batafsil tanishish imkoniga ega bo‘ldi.

Telegram | Instagram | Facebook | YouTube

#Toshent_yoshlarni_sevadi #Top100_OTM #Tanlov #Taqdimot

Oliy ta'lim muassasalariga o‘qishga kirish istagidagi yoshlar uchun qulay imkoniyat

"Toshkent yoshlarni sevadi" oyligi doirasida o‘tkazilayotgan navbatdagi tadbir bitiruvchilar uchun o‘quv forumi shaklida o‘tkazildi.

Bugun poytaxtimizda joylashgan "Alpomish" muz saroyida Toshkent shahridagi Top 100 ta oliy ta'lim muassasalari taqdimoti bo‘lib o‘tdi. Unda oliy ta'lim muassasalariga o‘qishga kirish istagidagi yoshlar o‘zlari qiziqqan ta'lim muassasalari bilan yaqindan tanishish imkoniga ega bo‘ldi. Bunda turli oliygohlardan tashrif buyurgan yuzga yaqin vakillar yoshlar e'tiboriga taqdimotlar namoyish qilib, ishtirokchilar savollariga batafsil javob berdi.

Telegram | Instagram | Facebook | YouTube

#Toshkent_yoshlarni_sevadi #Orzu #Bolalar_ijodiyoti #Tanlov

Tanlov gʻoliblari munosib taqdirlandi

Bugun poytaxtimizda joylashgan Yoshlar markazida “Orzu” bolalar ijodiyoti festivalining barcha yoʻnalishlari boʻyicha gʻoliblar e'lon qilindi.

Bir hafta mobaynida qizg‘in bahs-munozaralarga boy tarzda o‘tgan mazkur tanlovga 2153 ta ariza ro‘yxatdan o‘tkazildi. Tanlovda ishtirok etish istagini bildirgan 6 yoshdan 14 yoshgacha bo‘lgan bolalar uch yosh toifasida (6–8 yosh, 9–11 yosh va 12–14 yosh) o‘zaro bellashdi.

Ishtirokchilar 6 yo‘nalishda — vokal (milliy va akademik ijro, estrada, folklor hamda xor guruhlari bo‘yicha), adabiyot yo‘nalishi ishtirokchilari nazm (she’r, g‘azal, doston) hamda nasr (hikoya va ertaklar), klassika (fortepiano, torli-kamonli, damli va zarbli cholg‘u asboblari), raqs (milliy, ball hamda zamonaviy raqslar), cholg‘u (plektorli, kamonli, damli va zarbli cholg‘u asboblari) hamda tasviriy va amaliy san’at kabi yo‘nalishlarda ishtirok etdi.

Har bir yo‘nalish shaffof o‘tishi uchun Oʻzbekiston davlat konservatoriyasi, Botir Zokirov nomidagi Milliy estrada sanʼati instituti, O‘zbekiston davlat xoreografiya akademiyasi, Alisher Navoiy nomidagi Toshkent davlat o‘zbek tili va adabiyoti universiteti hamda Kamoliddin Behzod nomidagi Milliy rassomlik va dizayn institutidan malakali mutaxassislar jalb qilindi.

Yakunda ikki mingdan ziyod ishtirokchidan 50 nafar iste'dodli bolalar sovrdindorlikni qo‘lga kiritdi.

Taqdirlash marosimida Toshkent shahar hokimi oʻrinbosari Durdona Rahimova sovrindor bolalarni samimiy tabriklab, g‘oliblarni diplom, statuetka va qimmatbaho sovgʻalar bilan taqdirladi.

Ushbu hayajonli daqiqalar bolalarga nafaqat quvonch ulashdi, balki ularni yanada sermahsul ijod qilishga ruhlantirdi. Taqdirlash marosimida san’atkor va ijodkor bolalar ishtirokida namoyish etilgan tantanali konsert dasturi barchaga bayramona kayfiyat ulashdi.

Telegram | Instagram | Facebook | YouTube