#Toshkent_yoshlarni_sevadi #Bolalar #Konsert_shou

Bolajonlar uchun ajoyib tuhfa

Poytaxtimizda joylashgan Oʻzbekiston Milliy kino san’at saroyida bolalar uchun bepul konsert-shoular boshlandi. Bugun mazkur tadbir doirasida bolajonlarga “Mimi shou” va “Billur boshmoqli qiz” musiqali tomoshalari namoyish etildi.

Madaniy tadbirlarga Toshkent shahridagi umumta’lim maktablarining boshlang‘ich sinflarida ta’lim olayotgan 36 ming nafar o‘quvchilarni qamrab olish ko‘zda tutilgan.

Bu kabi tadbirlardan ko‘zlangan maqsad bolalarning bo‘sh vaqtlarini unumli o‘tkazish, ijodiy fikrlash qobiliyatlarini rivojlantirish va faol o‘quvchilarni rag‘batlantirishdan iborat.

Ma'lumot uchun, konsert-shou har kuni 4 marta — 3 ta o‘zbek tilida va 1 ta rus tilida namoyish etiladi va 13-dekabrga qadar davom etadi.

Telegram | Instagram | Facebook | YouTube

#Toshkent_yoshlarni_sevadi #Forum

Top 100 ta oʻquv markazlari forumi boʻlib oʻtdi

“Toshkent yoshlarni sevadi” oyligi doirasida oʻtkazilayotgan tadbirlar davom etadi. Bugun poytaxtimizda joylashgan “Alpomish” muz saroyida Toshkent shahrining top 100 ta o‘quv markazlari forumi oʻtkazildi.

Unda Toshkent shahar hokimligi, Yoshlar ishlari agentligi rahbariyati, turli oʻquv markazlari mas’ul vakillari va yuzlab maktab-litsey bitiruvchilari ishtirok etdi.

Tadbirda oʻquv markaz vakillari taqdimot oʻtkazib, yoshlarni qiziqtirgan savollariga batafsil javob berdi. Shuningdek, bitiruvchi yoshlar oʻzlariga kerakli yoʻnalishlarda oʻquv markazlar bilan tanishib, turli kurslarga chegirma beruvchi vaucherlarni qoʻlga kiritish imkoniyatiga ham ega boʻldi.

Telegram | Instagram | Facebook | YouTube