Poytaxtda mega loyiha: SMM maktab o‘quvchilari va sohaga qiziqqan qizlar uchun mahorat darsi o‘tkazildi

8-noyabr kuni “Zakovat arena” binosida Toshkent shahar hokimligi tashabbusi bilan SMM sohasiga bepul o‘qitilayotgan qizlar va sohaga qiziqqan boshqa ishtirokchilar uchun mahorat darsi tashkil etildi.

Bu shunchaki oddiy tadbir emas, balki poytaxtda istiqomat qiluvchi qizlar uchun unutilmas va takrorlanmas kun, yangicha dunyoqarash va o‘zgacha taassurotlarga boy, aniq maqsad sari yo‘naltiruvchi muloqot bo‘ldi.

Mahorat darsida Toshkent shahar hokimi o‘rinbosari Durdona Rahimova, Raqamli texnologiyalar vaziri maslahatchisi Kamola Sobirova, jurnalistlardan Yulduz Olimova, Mahliyo To‘raboyeva, o‘qituvchilardan Kumushoy Nazarqulova, Og‘abek Kazakov, Humoyun Xolmurodov hamda ijtimoiy tarmoqlarda faol bo‘lgan aktrisalar Gulruh Pirnazarova, Marjona Mirzaaliyeva va Mavluda Hikmatovalar ham ishtirok etib, yoshlar bilan muloqot qilishdi.

Yana bir quvonarli jihati shuki, qizlar SMM maktabda endigina bir hafta o‘qishgan bo‘lsada, ularga allaqachon vazirlik, idora va turli tashkilotlardan ish takliflari chiqa boshladi.

Toshkent yoshlarni sevadi

Toshkentda “Yashil shahar” aksiyasi bo’lib o’tdi

Bugun poytaxtimizda joylashgan Yangi O‘zbekiston bog‘ida “Yashil shahar” ekologik aksiyasi o’tkazildi.

Toshkent shahar hokimligi hamda Yoshlar ishlari agentligi Toshkent shahar boshqarmasi tashabbusi bilan tashkil etilgan mazkur tadbirlarda sportchilar, sa’natkorlar, jurnalist-blogerlar, davlat mukofoti sovrindorlari va volontyor yoshlar ishtirokida 300 tup chinor ekildi.

Mazkur aksiya kun mobaynida Elbek bog‘i va Paxtakor-Alisher Navoiy bekatlari hamda “Tashkent city mall” bo’ylab davom etadi.

Toshkentni yashil shaharga aylantirishga siz ham hissa qo’shing.

Toshkent yoshlarni sevadi