🇺🇿 Davlat fuqarolik xizmati rivoji – davlat boshqaruvida samaradorlikning kafolati

🏙 Bugun Toshkent shahar hokimligida O‘zbekiston Respublikasi Prezidenti huzuridagi Davlat xizmatini rivojlantirish agentligining Toshkent shahar filiali bilan hamkorlikda tadbir tashkil etildi.

🇺🇿 Tadbirda Toshkent shahar hokimligi va tuman hokimliklari bilan hamkorlikda amalga oshirilgan ishlar, jumladan, davlat fuqarolik xizmati doirasida, davlat xizmatiga ishga kirish, ochiq tanlovlar haqida, kadrlar zaxirasi, inson resurlarini boshqarish, ularni malakasini oshirish, sektorlar faoliyati reytingi, ommaviy axborot vositalari bilan hamkorlik va boshqa masalalar yuzasidan taqdimot qilindi.

🛡 Davlat xizmatini rivojlantirishda mahalliy ijroiya hokimiyatining o‘rni, ayniqsa, Tashkiliy-kadrlar bo‘limi, tuman Tashkiliy-nazorat guruhining xizmatini alohida e’tirof etish lozim.

📈 O‘tgan yillar mobaynida Toshkent shahridagi barcha tuman hokimliklari bilan Davlat xizmatini rivojlantirish agentligining Toshkent shahar filiali hamkorligida ko‘plab yutuqlarga erishildi.

☯️ Jumladan, davlat xizmatchilarini tibbiy-ko‘rikdan o‘tkazishda, sektorlar faoliyatini baholashda, ochiq tanlovlar masalasida, kadrlar zaxirasini shakllantirishda, davlat xizmatchilarini malakasini oshirishda, saylovlar masalasida va boshqa ko‘plab tadbirlarda hamkorlik yaxshi yo‘lga qo‘yildi.

💫Bugun tadbirda hamkorlikdagi faol ishtiroki, davlat xizmatini rivojlantirishdagi sa’y-harakatlari uchun bir qator davlat xizmatchilariga Davlat xizmatini rivojlantirish agentligining Toshkent shahar filiali tomonidan statuetka va "Rahbarning oltin qoidalari" kitobi esdalik sifatida taqdim etildi.

🛡Davlat xizmatini yanada rivojlantirishda mahalliy ijroiya hokimiyati organlari bilan hamkorlik davom etadi.

YouTube | Facebook | Instagram | Web-site | Telegram-bot

🏙 Poytaxt hokimligida Toshkent shahar hokimi o‘rinbosari Sanjar Tadjiyev va "Tigrus" restoranlar xoldingi prezidenti, Restoran boshqaruvchilari uyushmasi rahbari Henrik Vinter ishtirokida uchrashuv bo‘lib o‘tdi.

🇺🇿 Uchrashuvda Toshkent shahrining turizm salohiyati hamda xizmat ko'rsatish sohasi masalalari muhokama qilindi. Henrik Vinter o‘zining xalqaro tajribasiga asoslanib, premium restoranlar tarmog‘ini poytaxtda yo‘lga qo‘yish taklifini ilgari surdi.

📈 Sanjar Tadjiyev Toshkent shahrida xizmat ko'rsatish sohasini yangi bosqichga ko‘tarish uchun barcha zarur infratuzilma va qo‘llab-quvvatlash imkoniyatlari mavjudligini hamda bunday tashabbuslar nafaqat poytaxtning turistik salohiyatini yanada oshirish, balki mahalliy iqtisodiyotga sezilarli hissa qo‘shishini ta'kidladi.

Uchrashuv so'ngida tomonlar kelgusidagi hamkorlik yo‘nalishlarini qo'shimcha va batafsil muhokama qilishga kelishib oldilar.

YouTube | Facebook | Instagram | Web-site | Telegram-bot