🇺🇿Bugun O‘zbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamg‘armasi Toshkent shahar boshqarmasida “Korrupsiyaga qarshi kurashish” mavzusida seminar o‘tkazildi.

Seminarda Toshkent shahar hokimligi Korrupsiyaga qarshi ichki nazorat bo‘limi,O‘zbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamg‘armasi,Yakkasaroy tuman ichki ishlar organlari faoliyatini muvofiqlashtirish boshqarmasi mas’ul xodimlari, Toshkent shahar boshqarmasi va tuman bo‘limi xodimlari hamda Yakkasaroy tuman bosh imomi ishtirok etishdi.


Tadbirda O‘zbekiston Respublikasi “Korrupsiyaga qarshi kurashish to‘g‘risida”gi, “Davlat fuqarolik xizmati to‘g‘risida”gi, “Davlat xaridlari to‘g‘risida”gi Qonunlari hamda O‘zbekiston Respublikasi Vazirlar Mahkamasining “Davlatfuqarolik xizmatchilari tomonidan odob-axloq qoidalariga rioyaetilishini ta’minlash bo‘yicha qo‘shimcha chora-tadbirlarto‘g‘risida”gi 595-sonli qarorining mazmun-mohiyati seminar ishtirokchilariga tanishtirildi.


Seminarda so‘zga chiqqanlar tumanda sodir bo‘lgan korrupsiya holati, ularning kelib chiqish sabablari va shart-sharoitlarini bartaraf etish masalalariga to‘xtalib o‘tishdi. Korrupsiyaga qarshi kurashish holatlari chuqur tahlil qilindi va ishtirokchilarining savollariga batafsil javob olindi.