Toshkent shahar hokimligida faoliyat ochiqligini ta’minlash bo‘yicha “Ochiq eshiklar” tadbiri bo‘lib o‘tdi.

Tadbir jarayonida hokimliklar tizimida ochiqlikni ta’minlash bo‘yicha amalga oshirilgan ishlar yuzasidan OAV vakillariga ma’lumot.

Ochiq muloqot davomida xodimlar uchun korrupsiyaga qarshi kurashish masalalari bo`yicha o`quv-seminarlar tashkil qilingani, manfaatlar to`qnashuvi va odob-ahloq qoidalari bo`yicha onlayn o`quv kurslari o‘tkazilib, malaka sertifikatlari taqdim etilgani aytildi.

Shuningdek, korrupsiyaga oid huquqbuzarliklarni aniqlash, o`z vaqtida oldini olish yuzasidan ijtimoiy tarmoqlardagi rasmiy sahifalar orqali kelib tushgan shikoyat va arizlar tegishli huquq-tartibot idoralariga yo`naltirigani ta’kidlandi.

Bugun 20-mart - Butunjahon yer kuni sifatida nishonlanadi.

1971-yilda 20-mart sanasi BMT tomonidan “Yer kuni” sifatida tanlab olingan va rasman tasdiqlangan. Bu kunda sayyoramizning biologik ritmi o‘zgarib, tun bilan kun teng kelib, tabiat uyg‘onadi.
Turkiy xalqlarning milliy yangilanish bayrami Navro’z ham ayni bejizga shu kunlarda nishonlanmaydi.

Birlashgan Millatlar Tashkilotining maktubida shunday deyilgan: “Yer kuni — barcha odamlarning yer sayyorasini umumiy uy sifatida anglashi, umuminsoniy hamjihatligimiz va bir-birimizga muhtojligimizni his etishga e'tibor qaratilishi uchun ajratilgan alohida vaqtdir”.

Butunjahon yer kuni tinchlikparvarlik ruhiga ega. Bayramning asosiy vazifasi yer sayyorasini umumiy uy sifatida himoya qilish tashabbuslarini qo'llab-quvvatlashdir. Ushbu kunda ko’p mamlakatlarda tabiatni asrab avaylash, saqlash maqsadida millionlab daraxtlar, gullar ekiladi. Butunjahon yer kuni atrof-muhit muammolari, shuningdek, inson va uning atrofidagi dunyo haqida yana bir bor o'ylash uchun sababdir.

”Yer kuni” o’z bayrog’iga ega. Unda sayyoramizning koinotdan olingan birinchi fotosuratlaridan biri tasvirlangan. Bu Yer yuzidagi global ekologik va ijtimoiy muammolarni faqat birgalikdagi sa’y-harakatlar bilan hal etishimiz mumkinligini anglash belgisidir. Bu bayram kosmonavtlar tomonidan faol qo‘llab-quvvatlanadi. Ular birinchi bo‘lib dunyoga sayyoramizning naqadar go‘zal va himoyasiz ekanligini, unga ehtiyotkorona munosabatda bo‘lishimiz lozimligini aytishgan.