🇺🇿O‘zbekiston Respublikasi Prezidentining PQ-286 qarori ijrosi doirasida o‘quv seminarlari va taqdimotlar tashkil etildi

🇺🇿2024-yil 7-avgustda O‘zbekiston Respublikasi Prezidenti tomonidan qabul qilingan “Sanoat sohasida nufuzli xalqaro brendlar bilan hamkorlikni rivojlantirish va milliy brendlarni qo‘llab-quvvatlash chora-tadbirlari to‘g‘risida”gi PQ-286 qarori doirasida, mahalliy ishlab chiqaruvchi korxonalarning o‘z brendini yaratish bo‘yicha tushunchasi va ko‘nikmalarini oshirish maqsadida, xalqaro brend menejerlar va mahalliy ilg‘or tadbirkorlar ishtirokida hududlarda o‘quv seminarlari va taqdimotlar tashkil etildi.

⚡Seminarlarda ishtirok etgan xalqaro brend menejerlar, o‘z tajribalari va bilimlarini mahalliy tadbirkorlar bilan bo‘lishib, brend yaratish jarayonida e’tibor qaratilishi lozim bo‘lgan muhim jihatlar haqida ma’lumot berdilar. Shuningdek, mahalliy ilg‘or tadbirkorlar o‘zlarining muvaffaqiyatli brend yaratish tajribalari bilan o‘rtoqlashdilar. Bu esa, ishtirokchilarga o‘z brendlarini yaratishda yangi g‘oyalar va strategiyalarni ishlab chiqish imkonini berdi.

YouTube | Facebook | Instagram | Web-site | Telegram-bot

📚 1-oktуabr “Ustoz va murabbiylar kuni"ga bag‘ishlangan bayram tadbiri bo‘lib o‘tdi

✨ “Bahor” restoranida, 1-oktуabr – O‘qituvchi va murabbiylar kuni munosabati bilan Mirobod tumanidagi umumiy o‘rta ta’lim maktablari, maktabgacha ta’lim tashkilotlarida faoliyat olib borayotgan ustoz va murabbiylar ishtirokida bayram tadbiri o‘tkazildi.

📚 Tadbirda xalq ta’limi tizimidagi faxriy o‘qituvchilar, ta’lim yetakchilari, ta’lim tizimida tashabbuskor va fidokorona mehnat qilayotgan 250 nafar ilg‘or o‘qituvchi va murabbiylar ishtirok etdilar.

🇺🇿 Tantanali tadbirda Toshkent shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Durdona Rahimova, Mirobod tumani hokimi Anvar Sayfutdinovlar so‘zga chiqib “O‘qituvchi va murabbiylar kuni” munosabati bilan sohada uzoq yillardan buyon xizmat qilayotgan ustozlar va faxriylarni tabriklashdi.

🇺🇿 Fidoyi, mehnatkash ustozlar Yangi O‘zbekiston yoshlariga nafaqat bilim yetkazishi, balki ular qalbida eng go‘zal insoniy fazilatlarni, mehr-oqibat, insoniylikni singdirishi alohida e’tirof etildi.

YouTube | Facebook | Instagram | Web-site | Telegram-bot

O‘zbek milliy maqom san’ati darg‘alari Yakkasaroyda bo‘ldi

✨ Insoniyat tafakkurining yorqin mahsuli bo‘lgan maqom doimo tinglovchilar, muxlislarni hayratga solib kelgan yirik musiqiy qomusdir.

👉 Prezidentimizning 2017-yil 17-noyabrdagi “O‘zbek milliy maqom san’atini yanada rivojlantirish chora-tadbirlari to‘g‘risida”gi qarori o‘zbek mumtoz musiqasi tarixida yangi davrni boshlab bergan muhim hujjat bo‘ldi.

👉 Unda maqom san’atini yanada rivojlantirish va uni butun dunyo bo‘ylab tan olinishiga imkon yaratish borasida muhim vazifalar belgilab berilgan.

✨ Bugun Yakkasaroy tumanidagi O'zbekiston amaliy san'at va hunarmandchilik tarixi davlat muzeyida Yakkasaroy tuman hokimligi tomonidan O‘zbekiston xalq artisti, milliy san’at rivojida ulkan hissa qo‘shgan kompozitor, bastakor, musiqachi, folklorshunos olim Yunus Rajabiyning 127-yilligiga bag‘ishlangan “Maqom kechasi” bo‘lib o‘tdi.

💠 Unda O‘zbekiston Qahramoni, O‘zbekiston xalq artisti Munojot Yo‘lchieva, O‘zbekiston Xalq xofizi Hasan Rajabiy, O‘zbekiston xalq artisti Toir Asqar, Yakkasaroy tumani hokimi Nilufar Allabergenova, maqom ijod maktabining sozanda va ijodkorlari, maqom shinavndalari, sayyohlar va tumanimiz yoshlari ishtirok etdilar.

👍 So‘zga chiqqanlar, milliy maqomlarimizda xalqimizning qadimiy tarixi, ma’naviy dunyosi, badiiy falsafasi, ruhi mujassamligi, necha asrdirki, maqom bebaho madaniy meros sifatida ardoqlanib kelinayotganligi haqida fikr yuritdilar.

✨ Yakkasaroy tumanida maqom kechasini tashkil etishdan asosiy maqsad, tuman yoshlarining milliy kuy san’atlarimizga jalb etish, ular o‘rtasida “Yosh maqomchilar” uchrashuv va kechalarni o‘tkazish borasida ishlar olib borilayotganligi haqida aytib o‘tildi.

✍️ Yakkasaroy tuman hokimligi Matbuot xizmati